醫生與我

近來對腳都唔知發生咩事, 行路時都會覺痛, 令我都唔敢做運動, 有人話, 我開始擁有預測天氣既本能! 我只系預測到我荷包可能又開始進入寒冬!

因為腳套經常痛, 有朋友教我用棉花加藥酒up 幾晚, 應該會好. 咁就不防一試..

唔知系咪用左啲有問題既藥酒膠布(個有效日期系2012年), 再加上一樽”藥酒精華素”(咪以為藥酒無精華素呀, 只要成瓶藥酒蒸發到剩餘少少, 咪精華囉, 平時TVB話播翻啲精華都系比少少你睇之嘛)。結果我個膝頭就開始發過豬頭..

去了一個好CUTE既老醫生睇敏感, 佢成日都叫人: 打支針發啲好..(不過系打支針快啲好一半) ..敏感還未退晒, 又再腫過.

之後家姐介紹左附近一個家庭醫生比我, 睇一次中午時去, 門口已貼上全日滿籌..唔咪掛..

為左醫好敏感, 於是星期日8點幾就去門口等, 希望快啲睇完返教會! 去到診所門口, 真系奇景, 我仲以為自已去左政府門診部, 有啲阿公阿婆用石頭系門口霸位.. 未到9點開門, 系我前面都已經有30人系度排隊….

平時去睇醫生, 我都只系期望滿足最少1-2個願望:
1. 可以藥到病除 (咁多人都睇呢個醫生, 應該佢醫術都較高明)
2. 醫生可以有醫者父母心, 即系價錢唔太貴 (個門口排到成個政府門診咁, 再睇一睇個收費表..一個字 “正”)
老人家系最實際, 太貴和無效都唔會吸引到佢地嚟! 所以我呢2個願望應該都系能夠滿足..
點知呢個醫生可以滿足我第三個願望, 就系:…………夠帥氣….我曾經好耐之前講過, 什麼是靚仔醫生, 即只系五觀端正, 上帝好公平! 如果系我同事筆下既靚仔醫生, 大家更要深思, 能令你充滿期盼而進入過度失落!
難得難得, 在面罩下仍感受到佢既帥氣, 兼夾身形高大!
難得難得, 佢詢問我病情時, 回答仔細, 講解明白! 教埋如何護理!
難得難得, 我再撘單問佢其他病情時, 樂意回應,
難得難得, 比完5日敏感藥, 再醫埋我個胃, 仲比多七日胃藥, 最重要系無格外收錢, 實在喜出望外.
難怪難怪, 有咁多FANS晨早排隊, 見佢好過見口靚模!

雖然佢擁有咁多FANS, 不過就令我家姐好不滿, 因為以前佢地隨時都可以睇醫生, 點知而家成日都話滿籌..無奈無奈!

出位侍應

尋晚, 一個差不多有6-7年無見過既舊同事結婚, 其中有同事系無見新郎有10年.... (10年不見, 就不如不見啦), 其實啲同事都唔咪咁無情, 只系, 次次約出嚟都話好忙, 但到結婚時又要人多多幫忙. 10 年呀! 人生有幾多個10年...

呢晚, 我地去左佐敦既彩福XX, 禮堂都唔錯, 照計酒店既侍應都應該訓練有數, 不過招呼我地既呢位侍應就真系有點......膠(潮語, 我姨甥教架)

1. 不時酒店既侍應見到賓客有外套, 都會用椅套套上, 我朋友一早嚟就有人為佢套上椅套. 到開席既時候, 呢位哥仔同我哋講: 小姐, 唔好意思, 因為開面既櫈需要大啲, 你張櫈無咁需要, 我要攞開去幫嗰位先生套一套件衫..... , 你攞唔緊要, 不過令人好想贈你一句: 我呢度都好有需要呀.

2. 當酒席食到蟹蚶時, 個侍應同我地講: 唔好意思, 新人話呢度共有11個人, 其中一個位系無人既, 我要將呢個位既食物留翻, 不能夠再分埋比大家 ......吓?? 唔通有人比左人情但嚟唔到, 叫新郎留翻啲餸比佢遲啲攞? 又或唔通我個朋友升呢, 去過美國, 學左美國文化, 食淨既野都要打包返屋企?? 當我其他舊同事差疑左成晚, 點解個新郎咁環保節儉, 不時留意啲系咪全場都有人"留餸"既時候, 見到攝影師就坐糸留餸既枱自已食緊啲餸, 原來系留翻比攝影帥食....哥仔, 你咁講野, 大家真系誤會新郎架播..

3. 到食魚既時候, 呢間酒店習慣任何菜都要用蓋好, 以表熱度. 留意個蓋系透明既. 個侍應見到碟魚上既葱有少許仍然留系個蓋上, 比佢見到. 佢當大家面前系到DUN翻晒啲葱落去.., oh no! 我同朋友都為之"驚唉!

呢位哥仔既出位指數系: 高過今日既火災危險警告呀..... 大家變晒紫色..

得來不易的民意

見到呢篇既題目, 大家可能以為我是民意黨或泛民支持者...

非也, 只系無無聊聊講吓近來電視台炒作視帝視后, 我都好想睇一睇今年無線是否親生仔女得奬. 究竟是"民意勁", 還是"兒女拎".

怕且一眾網民都好記得當年劇集金枝慾孽, 廣泛民意都認為是雯女得奬, 但估唔到剛再復出無線第一套劇集的黎姿就可以得到最佳女主角, 這事一眾網民都耿耿於懷, 記左足足4-5年.

香港人成日都講民主自由, 其實世上真的有幾多民主自由呢? 電視台所講的"民意調查" 都系一種商業手法, 精明既網民一看便知你系阿虫還是阿龍..

三年前余視后憑某套劇集, 也也烏都可以又攞最喜愛女主角, 又攞最佳女主角, 我仲以為當年其他女演員演得真系差得咁緊要添....

有時候我們都不能成日話大陸政府民主步伐太慢, 本港電視台都系表面民意, 佢比我地見到..民意都唔咪好左意..

今次真系要讚一讚網民的, 如果唔咪網民強大既聲勢, 雯女攞唔到奬就要去遊行, 嚴如阻止廿三條立法時既決心, 怕且結果還不是跟過往一樣......今次算是民意嬴了回來..果真開了眼界..

當然我也很欣賞金鈴既演出, 我過往都認為她做戲比三好好得多.. 不過個那個什麼表現大奬又太此地無銀了..縱然用一把靚到絕既聲音去講話個奬唔咪豬肉奬, 個奬都顯得好豬肉奬...不過大家都慣了...仍然是一句, 商業策略..

說真, 人很少有同心, 但如果同心去做一件事的話, 真是可以成功...

賽車

好朋友都知我有2個BB姨甥 - 八號仔及九號仔.

八號仔系一個好有趣既2歲小朋友, 上次大家都應該見過佢既自拍像. 應該對佢留有印像.

話說昨晚我地成家人與遠渡而來既陳醫生食飯, 晚飯後, 我們一家與家姐家便一齊回家, 而家姐住在我家隔離座, 所以大家都會回到到樓下才分散. 由於我們一行人等都有6人, 所以經常答小巴都會等齊人才上車. 昨晚我媽媽以為人齊就上車, 點知比一個師奶搶閘, 系中間sip左隻腳入嚟, 結我我家姐及2個姨甥就被逼要等下一部小巴.

本以為我們那部少巴會先到, 點知我落車時, 我家姐已經到左, 我覺得好奇怪問吓點解佢地咁快.

我家姐就話, 八號仔就系司機住後面咁講:

八號仔: 司機叔叔快啲, 追前面部車!

八號仔: 快啲! 快啲!

八號仔: 加油努力, 輸左無飯食.. 加油努力, 輸左無飯食!

佢都唔知系咪真系得2歲幾, 我家姐同六號你系司機後面都笑到講唔到野. 就系因為八號仔既"打氣", 司機叔叔真系開得快過我坐既嗰部車. 結果今晚勝出.

十大武器之首

近來無線系晚上七點幾時段, 做緊一套記錄香港以住的大事, 不論政事, 娛樂都有, 我都幾鍾意睇呢類舊香港記錄回顧, 除左可以回顧一翻之外, 分分鐘都可以見到一些名人以前後生個樣, 好似以前四萬姨, Do Do 姐, 汪阿姐....

呢晚唔需要返學就系屋企開著個電視機, 正好回顧七十年代發生一件寶生銀行劫匪脅持人質事件. 以前都略有所聞陳欣健系做差人, 估唔到呢件事發生時, 佢正好系in charge既督察.

呢件事系當時嚟講都系一件好震驚既事, 因為一班劫匪脅持了銀行十幾個人質, 劫匪要求警方給與汽車作逃走之用才會放人, 但是警方一直都唔肯妥協, 大家爭持之際, 拉鋸了一很久.

電視台在這件案件一直攝錄住被脅持人質既銀行, 等左好耐, 突然間, 銀行門口有一個人質走左出嚟. 之後又有另一個人質走左出嚟. 於是一班警員馬上衝入去銀行, 將劫匪制服.

人質被救之後, 講翻走甩既原因, 原來系一班銀行同事, 合力用一張"接櫈"作為武器去制服左幾個劫匪... 我以前一直為周星馳老作啫, 點知原來"接櫈"真系系兵器譜裏佔一席位.. 果直厲害, 有趣有趣!

向南出發

上個月因為忙於交功課以及應付考試, 去完南生圍都沒有同大家分享..

今個星期日, 感謝神，　給我們一個非常好的天氣，　前一日仍然吹北風，　這天天氣清爽又有太陽。　

這次, 我們行山團, 再向南出發, 起點仍然是賭王"何博士"元配既豪宅.


行到半路又見到新世界老闆既豪宅。　


每一次弟兄都會介紹名人豪宅給我們知。簡直是睇好似豪宅團多啲。　

以往我們行山都以維港，　西貢，　新界為主，　今次我們走一走港島南區。　先上山，　沿著山路開始行，　首先見到的是深水灣，　再走４５分鐘左右就見到淺水灣。　


從相片可以看到遠望到的山只是我們約一半路程.


經過3個鐘頭, 我們終於到達了大潭水塘, 來一個合照先. 今次的路程走的山邊是有一點窄, 如果大家想再行要小心點. 但到危險的地方,仍然有一些唔識死的行山朋友強行爬頭, 各位, 記住安全要緊, 不要累街坊.

多謝大家, 下次一月再嚟!

婚禮-江江與志強

星期日終於到了江江和志強的婚禮.. 其實我星期一就有最後一科要考試, 所以婚禮完左, 我都要趕返屋企繼續溫書..

由於我要幫手做姊妹, 星期日一早5點幾就要趕身去新娘屋企...剛好天氣又轉冷...真系醒晒..

貫切香港既傳統, 早上有玩新郎既遊戲, 今次我覺得一班姊妹都算錫住新郎, 都無啲難食既食物, 無啲嬌艷既底衫褲, 全部遊戲都唔過2級..... 新郎最辛苦都系由頭玩到落尾, 今次真系請左一班好兄弟幫手, "睇住"志強點比我地玩, 辛苦晒啲兄弟呀...hahaha.

神都好錫住一對新人, 天文台講過星期日系會落雨, 但系去到婚禮開始, 大家入晒禮堂先開始落雨, 感謝神..

今次既婚禮對對本教會都算一次破紀錄:

1. 第一次有500人參加....因為新娘系幼稚園教師, 好多家長及教會朋友都有嚟

2. 第一次系學校大禮堂, 單是佈置都花了不少人力..

3. 第一次總動員近全教會既人... 平時都只系1-2個團契既事, 今次歷來幾位牧者, 司庫, 聖樂人員, 3-4個團契都有幫手, 可算厲害厲害..

4. 由於學校禮堂不是政府註冊場地, 所以一對新人在婚禮中段又要走去小禮堂簽紙...辛苦晒..

5. 單是影相單位都有39個....唔計sip場及閃入去影相既朋友...

由開始到結束, 搞到近7點才完結...還好飲宴在星期一晚...

Nick Vujicic - 力克胡哲

我想今日曾去亞洲國際博覽會的人, 這天都是難忘的. 因為我們見到一個神蹟. 就是去了這個show, 叫我在忙到死的日子都好想將今天的心情寫下.

力克, 是一個沒有手腳的人, 他的父親是牧師, 母親是護士, 他們不明白為他力克出世時是沒有手沒有腳, 如果事情發生在今天, 我想經過超聲波的照片, 醫生知道力克是沒有手腳, 為了減輕父母及孩子的將來痛苦, 沒有手腳的人早被人工流產了.

今天我帶了姨甥一號及家姐去到這個佈道會, 當入到場館, 我不其然已有一份感動, 眼淚已經在唱詩中流出. 一號仔也是, 看著力克的片段, 我感到我的生命實在渺小, 無手無腳的人, 比我還大得多.

當力克在台上分享時, 他用他的一隻腳掌去翻聖經, 他分享了以賽亞書:

"就是少年人也要疲乏困倦, 強壯的也必全然跌倒. 但那等候耶穌華的, 必從新得力, 他們必如鷹展翅上騰, 他們奔跑卻不困倦, 行走卻不疲乏".

他分享人生要有希望, 這個希望不是從人而來, 仍是從耶穌而來. 他的人生好多時都要人幫助, 他在十歲想常過自殺, 是的, 以他的生命來說, 自殺是有絕對的理由, 他不知這種人生還能有什麼希望. 直到十五歲那年他讀聖經約翰福音第九章三節. 這篇聖經是講及一個天生瞎眼的人:

耶穌過去的時候, 看見一個生來是瞎眼的, 門徒問耶穌說: 拉比, 這人生來是瞎眼的, 是誰犯了罪? 是這人呢? 是他父母呢? 耶穌回答說: 也不是這人犯了罪, 也不是他父母犯了罪, 是要他他身上顯出神的作為來

力克他明白了, 他不再尋死了, 他知道沒有手沒有腳, 他能顯出神的作為來. 生命也可以好像泉水不斷擁流. 他學習人以為只有手腳的人才可以學習 - 潛水, 滑水, 他成了沒有生存意志的人的動力.. 他說話滿有能力, 他殘而不廢. 他所承載的, 比我們眾人都大了. 今天他被邀請到不同國家的地方去分享, 鼓勵軟弱的人.

這天我不知對一號仔來說是如何, 我好希望在他生命裏現有的錯折, 都是叫積極向前的動力..

一號仔, 你是可以的, 因為你可以好像力克一樣, 如鷹展翅上騰, 奔跑卻不困倦, 行走卻不疲乏. 相信耶穌, 你必會明白力克所講不富有, 但有平安快樂. 你能真實誠實地成為另一個奇蹟.

朋友們, 可惜你們錯過了這一天, 再有機會, 必定要邀請你們.

劉已達

寫這個標題是都唔肯定有無寫錯"劉已達"個名... 對於呢位作曲人, 都不太留意他的新聞.. 如有寫錯, 這告之.

直到早前看過流浪漢世界杯這套戲的製作特輯, 才直正聽到這個人"正正經經"講幾句說話.

一年前去拍這套戲, 他成了基督徒....真是有趣, 神想在這個人身上有什麼作為呢??我知神是沒有計算錯誤的.. 在特輯裏, 他表達到自己在這個娛樂圈中沒有人欣賞, 別人都是將他作為笑話..(那你又好似比出道時的形象越來越不修邊幅, 這也難怪別人的)..

上個月尾, 老師B好希望在他的教學中邀請多一些不同的講者來到, 他邀請了劉已達來, 我想他會有什麼分享呢? 劉生來到時, 都是分享了他在音樂上的工作, 在現場上的印象, 他說話伶俐多一點, 在電視前他可能用30秒都講唔到一句完整的句子.. 現場是好得多..

從他的分享中, 他好想將耶穌基督的福音帶給人, 我感到他是從心低裏多了一份喜樂. 一個在娛樂圈沒有人認同的人, 如何能在鏡頭前口齒伶俐呢, 人生怎會快樂呢? 耶穌改變了他.

在這一年裏他製作了一隻CD, 是自費的, 他心裏感到要用CD去帶出耶穌能帶給人喜樂, 生命力(不過我不太愛這類音樂, 太另類了), 縱然現在未回本, 他仍很有積極的心去製作第二隻.. 可來這樣的動力? 我想信只有相信耶穌的人才明白.

另一方面我也很欣賞這位老師B對教學的熱誠, 他也是一位基督徒, 他為讓劉己達有分享的機會, 本是他教學的那費用, 也給劉作講員費.. 這位老師真是難得難得, 可惜的是, 他也只教一次, 因為他是轉去其他學院...

這位老師有點冷

不經不覺, 已經2個多月無寫blog, 今天仍然未完成所有考試, 但有點想記錄一吓近來所發生的事:

對上一次所記, 是一位有趣的tutor, 使我對呢科好有興趣, 但是估唔到, 從另一位老師B的口中知道這位tutor原來歧視香港人... 如何歧視?? 這是在澳洲回港的學生對老師B說的.. 他曾對澳洲學生說: 今次我又"扇"左好多個香港學生...原來他覺得香港人會歧視他.... 所以他也歧視香港人.. 以使香港學生不合格為樂..

本沒有發現這個tutor的問題, 但是我們也被他"扇"了, 還說得為我們著想, 希望我們會考好啲. 他們給我們的貼士, 其實只是考卷中的30%, 其他則在他沒有說的範圍內.. 或許是"我們太天真"了, 以為老師都是正直的.. 好多位同學都中招.. 與其不想說貼士, 倒不如叫我們溫習所有的東西吧! 搞這些花樣..有失做老師的人格.. shame on him.

真是萬幸, 最後成績都算是合格. 以及這位有問題既tutor只教一科..真是執翻身彩..

考試答案

好快又開始新一季既課堂, 由於我讀既科目是與外國學校合辦, 所以每科必定有外國教授嚟香港j教學..

記得第一次那個miss, 系我咁多個教授之中最差既一個... 差系因為佢教得麻麻地之餘(嚟香港又話敏感, 又話要早之放學去shopping), 又比一個天咁大既考試範圍(即系唔洗佢比都無咩問題), 仲要我地打電郵比佢詢問一些事情時, 佢個電郵竟然有個自動回覆話佢要放假於到2011年.....真系嚇親我地幾個同學..個課堂都未完... 佢就要休息咁耐.....所以對外國教授劃多劃少都有哦擔心佢地既教學.

今日上堂的一位教授, 雖然最初都幾嚴肅, 但慢慢又顯出佢既風趣, 叫人放心.

佢話最近嚟左一個新大學校長, 呢個校長好好, 咩好?? 就系佢大刀闊斧令十幾個老油條教授提早退休, 之後其他既教授都變得好積極, 又好有效率.. 向幾個人開刀, 其他人就會脫胎換骨..

繼續講埋呢位教授先, 由於上一季既香港同學成績強差人意, 好多人都唔及格, 佢仲要寫一個七頁寫既report解釋點解香港既同學成積咁差. 所以今次教授都特別嚟提點大家, 考試時應該要注意既地方..... 教授話香港既同學好特別, 佢未試過系其他地區遇過一啲咁獨特又有創意既答案:

情況一:

教授給了一條題目, 但有個同學唔識答, 呢個同學系個答案上, 寫左:

I really don't understand what the question is talking about, but I have studied for five days and worked very hard, please give me some marks..

教授提醒各位同學, 記住記住, 呢種答案系唔會有分架.. 大家寫point form 都 寫一啲意思都會有機會有分..

情況二:

教授給了一條題目, 請同學作答時給2個要點.. 其中一位同學既答案:

教授我唔咪好知邊個答案先至系正確, 所以我答左五個, 請抽取其中2個正確既答案然後比分..

教授話, 學校規則系只會用最先既2點, 如果咁喬頭2點系錯, 第3 點系正確, 都系唔會有分架..

我地即刻感受到教授當既反肚個樣..

見教授叮囑大家記住要小心.. 我地都一定會小心答題.. 教授你放心啦.. 我地都唔希望你今年又要寫七頁報告呀.

藍梅芝士

最少有一年多無整餅, 因為之前做的檸檬芝士蛋糕無人讚賞(又系既, 食檸檬有邊個鍾意呀.. 系我啫!), 又加上返學, 所以都決缺動力做蛋糕..

當然鼓勵系一個好大既原動力, 姨甥一號間中就會講, 阿姨幾時做曲奇, 啲曲奇好食過街買嗰啲, 就算懶到成條虫, 都會因為有個支持者而弄一手!

今個星期六, 除左做曲奇之外, 又在網上見過藍梅芝士餅, 於是放工之後就去買材料..

一買就買左差不多可以做4個芝士蛋糕既材料, 不過又要一個月之內完成, 否則啲芝士, cream都唔用得.. 無論如何, 先試一做一個, 如果都系無人叫好, 惟有一個人生吞所有材料..

搞左差不多個幾鐘, 又打CREAM, 又開芝士, 身水身汗之後, 終於做完一個



唔無睇個碟樣衰衰，　換過個PACKING之後個賣相應該唔同啲..

比班嘩鬼試過之後, 大家都話好味.....即系話, 餘下3個都會有無包消... GOOD!

咁吓次就試吓改用茫果先!

爆渠蓋

呢排講開我班嘩鬼姨甥, 真系講開有條路.. 連十年都唔會講一講既姨甥三號都要出場..

自小不可一世既三號, 自從信左耶穌之後個人變得隨和左....

近期返學都除學費貴, 書簿費都唔少錢, 但學校方面又話其中一本書唔洗買. 聽到呢個消息當然好啦, 但對於我呢個倒吊都無滴墨水既人, 睇書都系對我會有幫助(就如熟讀唐詩三百首, 唔識吟都識偷), 所以我諗住系圖書館借書. 上網搵到資料之後, 大部份圖書館裏既呢本書都已經比人借左, 淨翻觀塘和青衣圖書館有書, 所以問吓其他朋友可唔可以幫我即刻都搶先借書.. 最後我諗到成個暑假都可以游手好閒既三號仔, 佢一口就話幫我第二日去借書.. 感謝神!

當晚返學時, 老師就話可以唔洗買書, 因為佢講既資料仲比書多, 於是我即刻打電話比三號仔, 叫佢明天唔洗去觀塘瑞和街圖書館借書..

到第二日, 中午食飯時, 如果大家都有聽到新聞, 大家都知到早上康寧道附近有渠蓋突然爆炸, 可能系漏煤氣, 又或不明氣體, 感謝神, 昨晚通知了姨甥不用去借書, 如果他經過時遇到爆炸, 真系我害左佢... 三號仔聽到呢個新聞, 佢都話要感恩, 突然爆炸都幾恐怖, 感謝神當時不用去那裏..

你出你入, 耶和華要保護你, 從今時直到永遠(詩篇121)

會考生

呢兩日系會考放榜既日子, 對我嚟講..都唔咪好多年前既事嚟啫..

我有一個表弟,一個表妹今年都考會考, 而哪個志願系做消防員既姨甥一號都系考會考.. 相信睇過上一篇既時候, 大家對我呢個姨甥一號都有一點認識..

我姨甥既成績由細到大都唔樂觀, 但系我姨甥最大既優點就系生性樂觀(不過只系對成績方面), 讀書永遠無壓力, 佢系唔會比自已有壓力(所以我地絕對唔會擔心佢自尋短見架) .... 不過自從我不斷提升(提醒) 佢將來既志願 - 消防員, 佢都多左壓力...

話說回來, 星期二放榜, 第一次考會考既一號仔, 我們多少都想知佢今次有無突破.. 與家姐通過電話之後, 我都知道結果, 不過作為阿姨, 都想鼓勵一下姨甥, 於事打個電話比佢:

我 : 一號仔, 成績考成點呀?

一號: 我系6300裏面既其中一個呀.. 哈哈! (如果我咁樣同我媽媽講, 個颱風散左都會再凝聚吹翻轉頭打十號風球呀..哈哈)

我 : 咁你心情如何呀?

一號: 我無野呀.. (唔知系咪真系無野..)

我 : 你真系無野?? 會唔會無晒心機呀?

一號: 我真系無野呀, 阿姨, 你唔知我系打不死的小強咩! 哈哈!

我 : 好! 你咁樂觀, 我鍾意! 打不死的小強, 你要為你既志願努力呀...(我又比壓力佢..哈哈)

信心, 系可以移山填海, 一號仔, 只要你心不死, 你一定成功, 我睇好你, 加油!

解暑

大家對於家居要解暑你會有咩方法呢?

踏入夏天, 我們家都有好多不同的解暑放法:

爸爸: 好鍾意去買嘜瓜嘜瓜: 西瓜, 哈密瓜

媽媽: 去煲一煲冬瓜水, 涼茶

家姐: 去買涼粉

我: 樓下士多未被領匯逼遷時會買雪糕返屋企, 又或煲一大煲酸梅湯!

剛過去既星期六, 日, 是熱到爆燈既日子, 氣溫去到34.X度幾時候, 一慣好少開冷氣媽媽及我, 都好想開冷氣, 但我地系要保持被動既姿態(十足十花師奶一樣) , 於是我媽媽問入嚟我家過夜既姨甥一號仔:

我媽媽 : 天氣咁要熱, 如果你怕熱, 可以開冷氣..

我 : 系囉, 如果你覺得熱, 真系可以開冷氣

一號仔 : 唔洗LA, 我可以唔開冷氣, 都唔咪好熱啫, 開風扇就得

我媽媽 : 唔緊要, 我怕你熱, 開啦, 我都覺今晚有啲焗..

我 : 系呀!

一號仔 : 婆婆, 我諗住將來做消防員, 而家咁樣既溫度都捱唔住, 我第時點做消防員呀!

真系超激O咀! 就憑住呢一句, 作為我姨甥解暑之道!

當晚我地幾個絕對好似乾蒸燒賣系個蒸籠鍛鍊左一個"燒房員"之夜..

狼來了新傳

今天晚上約了舊朋友食飯, 她說自己的仔仔都已升中學, 但是思想還是好像BB一樣, 不過最大的優點就是樂天, 不過有時講話太多就比老師出warning letter, haha估唔到而家學校都好似辦公室一樣, 出呢一招, 幸好不是收到3封就要踢出校..

說回來他的孩子都頗有創意, 狼來了這個故事, 三歲細路仔大多聽過這個故事, 因為那個牧童整古村民, 一次兩次的話狼來了, 村民起初信以為真, 見多次被整古, 到真有狼來既時候, 牧童呼叫都無人幫他..

我朋友孩子個老師就對佢咁講: 如果你系個小朋友你會點樣改個結局呀???

孩子: 如果我系個牧童, 當我見到真系有狼嚟既時候, 我就唔會再叫狼來了..

老師就問: 咁你做咩呀?

孩子: 我會大聲叫, 有一班美女兵團正在嚟緊, 各位大哥你地千其唔會上嚟幫我呀...於是唔洗5分鐘, 多左一班"餓狼"跑上山增援呀...

呢個結局都真系妙, 十歲既小朋友, 都好知道而家社會是一個如何的社會....

妤耐無見的九號波

上星中已經知道颱風好有可能吹到香港, 唔知我系咪患有颱風渴想症, 就是星期日颱風殺到都有點高興.. 不過如果星期1-5打到嚟會更好, 因為7-8月都無一個公眾假竭一竭, 真系有點難過.

去到星期六上午都未掛三號波, 我有時會諗點解小時候打風可以掛2日8號風球, 如果正面吹正掛埋10號風球, 就全巿停頓3日添, 系咪因為而家天文台儀器比以前好得多, 又或經濟太差, 唔可以放咁多假期呢?? 曾經坐飛機返香港時遇過8號風球剛除下的我, 每次諗到有人搭飛機時有颱風我都不其然會為機上的人生命而擔心..因為氣流真系會好不穩定, 真系會好危險.

話說回來, 星期六晚當大家諗住可以瞓晏啲既時候, 等到晚上8-9點先話在11點鐘可能掛8號風球, 計下數明天多數不用返崇拜..有時都想懶一懶, 但念頭一閃過時, 有點不好意思之餘又想起做看更既爸爸.. 我就唔再希望星期日打風..

爸爸已經退休多年, 平日系屋企要揳住我家姐個BB, 星期返工做看更反而是爸爸既休息時間, 做看更同做消防及救護員一樣, 打大風都要返工, 人工又唔會雙倍, 爸爸都年紀大, 諗起佢要冒住大雨由山上行落到山腳才有地鐵搭, 我星期六晚就向神祈禱...

神啊! 爸爸明日要返工, 佢年紀大, 真系唔希望佢明日返工要一個人冒雨落山, 我唔再希望明日佢返工時是8號風球, 請原諒我曾有一刻好想留在家瞓耐啲的想法.. 啊們!

到第二天, 起身時, 真系風平浪靜, 我打開電視機一睇, 已經是3號風球, 我要感謝神, 因為祂聽了我祈禱...., 當我返教會時遇到一位朋友, 他說昨晚個風嚟得好快, 掛左2個鐘就改為9號(有咁勁咩??), 到黎明時4點幾改回8號, 到6:40分改掛3號,.. 這不就是神你剛好為爸爸預備了一個很平安既路程可以回到工作場所..

可能有人以為是合巧, 但在眾多的合巧中便不再是偶然, 因為這是神所的安排..

讚美之泉2009

今年是我第三年去讚美之泉, 適逄又是颱風略過的日子(三年前颱風, 先略過後翻吹)

今次都可算是陣容龐大, 不經不覺約吓約下由8個朋友, 去到16個, 之後變到有21個, 後又再加多2個朋友一齊去, 結果有23個朋友一齊.. 下一次要再打破記錄..

今年的主題是不要放棄, 滿有能力(大家要用國語讀先押韻)

作曲者在神的感動之下, 感受到今年是一個不容易過的一年, 原本已完成3隻CD, 但神感動她再出第4隻, 藉歌鼓勵大家.

每次都很容易被這班美國來的華人團隊所作的歌感動, 去年的專輯: 沙漠中的讚美中一首我們愛, 灌滿了神的恩典.. 今年專輯是不要放棄, 人生有很多經歷, 是不容易過, 但仍要努力的去面對, 因為神會開一條出路叫我們能忍受得住.

幾天前看杏林子所寫的一本書: 種種情懷, 好喜歡看這位姊妹的文章, 雖然她現已不在世. 她的外在被病折磨透了, 但她的文章卻能往往激勵人, 剛讀到一篇: 試煉, 文字不多, 但好有意思

夫妻惟處貧賤才見恩愛

友誼惟處患難才見真情

軍人惟處危險才見勇敢

分賤, 患難, 危險就像一張試卷, 沒有幾歷過我們還以為自已夠格.. 沒人喜歡困難, 但困難的出現才明白, 我是怎樣!

忠僕號

忠僕號嚟左香港都有3個星期, 系6月30日同埋朋有上去, 好想睇吓個海上書展系點!



雖然隻船無嗰啲壽星郵輪咁大隻, 但這首船都有幾個特別值得一提:

1. 它已經有97歲, 即系第一次世界大戰之前已經有!

2. 它去到不同國家服待, 香港都嚟左幾次..

3. 第一個海上書展(如果秋天嚟會好似, 因為裏面用凡布擋風, 入去裏面有助排汗修身..)

4. 船員系來自不同國家的基督徒, 大家都系義工無薪船員, 而大家都系好友善.

我上船之先期望書展裏會有不同國家既書, 裏面有95%都系英文書



呢隻救生艇話可以裝到87人, 你話有無可能呢???

呢個海上書展, 除了基督教既書籍, 仲有好多唔同既書, 大家睇吓我既戰利品, quick 咩quick 咩既書, 系至適合我呢啲貪快趣既人, 船上有好多食譜, 以平時書局賣外國食譜都要幾百蚊, 而家20-80蚊都有交易.... 果然系...正!



雖然2年前忠僕號來港都估佢要退役, 呢首船都已經有97歲, 今年可能系最後一次.. 好開心我能上去看一看一首帶比人有希望既船..

交通意外

今晚系破例咁快寫今晚發生既事!

大家見到個標題都估到我唔咪出事既一個, 又或就算出事都可以返到屋企寫blog既一個.

今日放工, 照常差不多七點半開始上教會練歌, 我仲打算早少少到, 可以諗吓歌曲編排. 由於家姐叫我買啲野返屋企, 所以途經其中2大超巿, 正打算過馬路時, 見到行人紅燈(有時都會幾守規矩既我, 見到架車駛向我這邊, 我都會等佢過完, 行人綠燈既時候先再過..

當我見個架車駛近時, 冷不防有一個6-7歲小童衝過馬路, 在他未衝出馬路之先, 我大聲喝叫"唔無走呀, 但佢無理匯我既聲音, 唔睇有無車駛近就繼續跑, 我心裏閃過一個好恐懼既念頭, 佢要比車撞倒, 我實在太驚所以都唔敢望, 只是兩三秒, 我個心好希望佢司機可以及時停車, 但週邊既人話比我知架車撞上左個小童, 我再回頭望時, 見到個小童系車角位邊, 感謝主, 佢唔咪系車底呀!

有路人話佢比架車撞到個頭, 又話佢比架車車到個頭, 當時個小童可以企翻起身(佢能企起生, 應該無車到, 只是撞到), 個司機走出車看情況, 個小童灑手, 又走了過對面馬路, 但好多人都話佢隻腳一定受傷, 司機都唔知做咩, 見個小童話唔去醫院, 佢就諗住小童無事, 不過旁邊既人就鬧佢過份, 話佢想離開, 當時又唔知點解咁快有一個差人出現, 向其中一個見証人詢問事發經過, 那個阿叔不斷向差人喋喋不休講過唔停, 話見到個司機撞到小童, 無人性..

作為一個見証人, 佢加左好多自已既意見, 本來佢仲想講話個司機衝紅燈, 做証人, 不應該加自已太多系個人意見, 我明白佢好想差人帶個小童去醫院檢查, 但佢實在將好多個人對司機既感受加鹽加醋..

我覺得自已是親眼見到事發經過, 所以我也主動做証人, 今次是第二次目擊交通意外了, 當年親身感受車禍, 有人死了, 我也是第一見証人, 可幸今次個小童可以起翻身..不然, 今晚又瞓唔著la..

返到教會, 我終於咸左, 我知我要咸出嚟個人先無事.. 多謝一班弟兄姊妹為我祈禱..

前兩日, 帶姨甥六, 七號去忠僕號, 佢就系巴士邊走過, 又一個恐怖情境令我好驚!

生命真的很有限, 可幸是耶穌是生命之主! 希望你們能認識耶穌!

討厭領匯

幾年前當盧少蘭反對領匯上巿時, 好多人因為買左領匯既股票, 最終要退股, 於是就話呢位阿婆背後有人支持先至有咁既擔量... 又話大班為左自已既利益所以利用一個阿婆, 搞到領匯上唔到巿, 令港府蝕錢..其實系自己唔能夠炒買股票, 賺少左所至.. 而家有點懷代呢位阿婆當年勇..

系領匯上巿後, 佢的業績果然"彪炳".. 一個一個既商場翻新又翻新, 一財團一個個進駐一個一個屋村的商場, 如果大家去到領匯管理既商場, 所有既商店都好似倒模咁樣, 每個商場都會有一間呀..

換句話來說, 我又見到一個一個既舊商店, 老街坊比領匯故意狂加租以逼他們離開, 要去到不是領匯管理既商場才可以有繼續經盈...

世估唔到, 我所住的這個屋村只有兩座樓, 在村內只有一間小商店也逃脫唔到厄運, 12年前OK便利店系呢條村做左1-2年, 因為無咩生意就執左, 大家等到2000年先再有人肯開一間小商店, 過往老闆所買既貨品, 不算最平, 有時價錢也比三大超巿所謂的精明眼實惠, 並不算因為獨巿生意而獅子開大口, 平時不算好多人買東西, 人流不算好多, 不過好多街坊好希望支持呢間商店, 所以盡力幫襯..

如今領匯系逆巿裏要加呢間商店仔$8000租, 絕對要話比人知, 無錢唔無開檔.., 有傳另一間便利店要系呢個檔位賣野, 所以要逼走呢間小檔. 果然, 過左不足一個月真系有人系度開始再裝修.. 領匯呀, 領匯呀, 你要趕絕幾多人你先肯收手呀? 有好多老人家唔想攞縱援, 開個小檔口系街巿, 只系搵得兩餐, 領匯呀! 領匯! 你要奪去幾多老人家想自力更生的尊嚴才肯收手? 領匯呀! 領匯! 你要令到香港既貧富懸殊惡化到甚麼地步才肯收手?

領匯.... 你實在太可惡! 無論你做幾多公共關係, 都離補唔到你既醜陋!

萬幸

有一些朋友都知道我是經常去旺角california,

記得上個月有第二次扔強水事件, 那天我正好相約了一個由美國返嚟既朋友, 由於我朋友要4點左右先可以到旺角, 所以我都去左california 做運動, 大概3點半就由california離開, 去到信和中心睇書, 到4點再到家樂商場等朋友, 在等待其間就見到有部警車駛入西洋菜街, 我心想不是又有事吧! 終於見到我朋友, 大家入了兆萬中心, 不久系兆萬中心就見到驚察封鎖了西洋菜街:

不是被我估中吧! 又扔強水? 打電話細問californai教練, 原來真的有人又扔強水.. 真是萬幸, 約一個鐘前我才經過!

感謝神既保守, 但好希望快啲捉到呢個人!

堅持

又系記翻上個月既野(就快比人打呀!啲野完全out晒...hahaha 但我鍾意呀! )

之前上advertising時老師講過有英國天才表演有一個大嬸令人一嗚驚人, 於是我朋友就彈左條link 比我:

可能你已經睇過, 可以重溫, 但如果未睇過, 不況看一看.

http://www.youtube.com/watch?v=izucgB-lBaI

呢位Susan 揀了一首歌 I dreamed a dream, 從未聽過呢首過既我, 聽到有很大既感動. 感動在於Susan雖然47歲, 但她有一個夢, 就是要成為歌手, 在人前唱歌. 在於外表來說, 無人想到佢系可以, 主持人既挑戰也沒有將佢擊倒. 當佢開始唱時, 大家都咢然, 因為她真的唱得令人好感動.. . dream can be possible if you don't give up! 如果每個人都有這種不被打倒既精神, 世界將會是好美好..

她使我愛上了這首歌!

牛一後記

上次先同大家講過要忙到六月中, 上星期先考完試, 終於要補翻上個月無記錄過既野.

上個月既母親節前夕又系我生日, 往年多數要出差, 今年終於可以留港過生日, 實在有點興奮, 我與姨甥七號很少一起慶祝生日, 因為每年我五月生日, 我唔系香港, 佢無機會同我慶祝 到佢在十月生日, 我又唔系香港, 我又無機會同佢慶祝, 大家好似各不相欠.. hahahha.

今年生日返到屋企, 系房裏面我見到姨甥六號留底左一份禮物比我, 就系因為呢份禮物, 驅使我過在一個月都要寫翻出嚟...



六號仔系一個幾鐘意畫漫畫的人, 由細到大, 佢都好鍾意畫一張一張既生日咭比我, 呢份禮物的吸引之處唔咪在於過份環保(只用個膠袋做包裝) , 而系佢寫住: P.S. 內含驚喜! 我又真系好想睇吓佢有咩驚喜比我.. 但又好想折禮物既時候佢系我屋企, 於是都等到佢嚟先開...


登登登登!

六號仔都算是一個有心意既人, 你睇,

1本notebook(舊年佢都送過一本記事簿比我, 可能佢覺得我無記性, 要用簿記低啲野!)

1個筆袋 (佢話我成日拎呢種A4袋, 見我又返學, 所以送個筆袋! )

1張無咩花紋既生日咭(唔知佢系咪覺得我好鍾意玩pair 牌, 張咭有啲紅心, 葵扇, 菱形, 梅花之類既圖案!).

Tong Long Island

如果大家仲會睇呢個blog, 我實在要感激大家對我既支持, 因為呢排忙到爆釘, 自從讀左marketing之後, 啲功課ba ba聲咁嚟.. 希望大家唔無介意, 之後我寫既野, 可能都系成個月前既事..

話口未完, 今次又系記翻一個月前既事.. 足足一個月, 可想而知啲功課幾多.. 但我好想記低去東龍島既事.

呢次系上半年我地行山團最後一次出發, 每年好似啲賽馬咁, 我地要tou 暑.. 所以系放暑假之前我地都鍾意揀一個島, 作環島遊.. 今次就揀左東龍島..

臨出發前一日(我既語氣講到似去鹿兒島多過去東龍島呀..), 都keep 住落雨, 有好幾個朋友問, 我地仲出唔出發呀, 我其實都有猶豫, 但我問朋友小娟, 佢話: 今日落晒啲雨, 明天咪唔會落雨囉..佢呢個理論真系合我心意呀.. 不過有點到第二日我見又好似真系無落雨, 又以為自已系天文台, 於是決定繼續去..

我其實怕暈泿, 去到碼頭, 見到都幾大浪, 我個心都有啲想打退堂豉....佢地仲叫我坐船既上層, 話無咁拋..其實拋到想嘔呀..



終於到達東龍島, 呢個好似經常有大飛出沒既地方.. 有人話系釣魚聖地, 又有人話露營聖地.. 不過大家都發覺天氣真的比想像中大風, 我地上到山, 望到好幾隻遊艇以及大貨輪系鄉村區樂部對開海面拋到反艇咁....仲見到一個貨櫃跌左落海, 我就覺得我做錯左決定...即刻要祈禱呀.. 希望今次旅程大家一路上平安..

今次旅程除了平日有參加過既朋友之後, 還多了"大公主", 故名思義, 大公主系唔辛苦得, 就連我亦都無諗過今次條路系有難度呀.. 我想信今次系佢畢生難忘。　



最初天氣還可以，　但我們開始上山時就有少少雨粉，　我以為只有行初段路有少少斜，　稍後可以有平啲既路, 點知一直系爬上去, 個斜波我估都有45度, 加上前一晚亦有落雨, 所以條路就更加有啲滑, 用左恐嚇(襯啲蛇仲未出嚟快啲行啦), 鼓勵既說話(我地要系落雨之前上到頂先有好日子過...), 先逼到大公主繼續"爬", 我估佢呢世都未咁辛苦過.. 終於我地上到半山腰, 大家都要開餐, 由於一早已知行東龍島唔似舊年行長洲隨街有野食, 所以大家都帶晒乾糧, 你估大家系山上食咩呀..



登登登登..食燒買....估唔到有熱野食..

不幸言中, 天氣真系開始落雨, 我地真系要"趕路", 大家望住條路都有啲呆呆地, 又系45或以上.. 系呢段路, 大家都無停到, 仲慶幸今次唔記得叫某幾位朋友嚟, 如果唔米, 一定比佢鬧到七彩...大家估唔到其實同行的有幾位長者, 佢地爬得快過我地呢啲青年人, 一早就上到山頂..... 終於我地到達山頂, 大家個樣同偷渡客都無咩分別..



雖然辛苦, 但系都好有成功感... 感謝神大家行呢段路都平安.. 真系上到山頂, 就有一條石屎路, 大家總算可以安心..

由於雨越落越大, 我地原本打算去石刻及睇sea cave都唔敢去, 大家以時速5公里盡快返碼頭.. 不過沿途就有好多花我相信如果5月初才嚟東龍島, 會系最靚..

今次東龍島之後有以下的回應:

1. 朋友Peggy話: 好開心, 好耐未試過咁樣行山, 呢條路都唔算辛苦.. 可以忘記工作.

2. 小娟老公話: 今次行呢段路, 真系可以忘記工作, 生命原來比咩都緊要呀..工作壓力原來只系碎料...haha..

3. 朋友Tracy話: 返到屋企, 對腳好似唔咪佢..

4. 大公主話: 佢一定要搵領隊報仇wor, 搞到佢咁辛苦.. 返到屋企仲系facebook章貼感受 - 比翻對腳佢呀...

唔知下次行山仲有無人嚟呢...hahahha

從新認識你 - 孫中山先生

以前讀書時, 中國歷史都是我喜愛的科目, 但講到近代史卻又系我唔鍾意的一段歷史, 之不過因為我爸爸的家鄉是中山, 而國父孫中山先生的家鄉又是中山, 所以對孫中山先生又多了一份親切感.

適逄多年聽聞孫中山先生是一位基督徒, 作為基督徒的我, 也想認識認識這位基督徒, 所以打算在中環的孫中山文物徑走一走! 剛好還有宋慶齡的文物展在一起..

這一條文物徑有16個地點, 由香港大學佑寧堂開始, 就是孫先山的革命的開始, 他第一次來到香港, 見到香港的法治, 相比當時家鄉香山的黑暗, 他看到基督教在英國人的生活裏所產生的作用, 他好想信耶穌, 後其去到壇香山時, 結識一班基督徒, 不過哥哥要脅他, 如果他信耶穌, 哥哥之前給他的產業就要沒收, 孫先山不為所動, 離開哥哥, 去到教會裏, 由一班基督徒為他儲旅費回香港, 由於他看到基督教那種改變人生命的能力, 最後他都在香港接受成為基督徒.. 他不單自已信, 他喜歡傳揚基督教.. 有牧師認為他將來必定成為一個出色的傳道人..

孫先生覺很想成為一個醫生, 去救助人民, 當時有一間醫學院剛好開始, 所以他就成為第一批的學生, 他讀醫時有5位同學, 只有2位才可以級格, 他更是第一名..

當他在教會裏看到基督教是一個很進步的宗教時, 相反滿清是那麼腐敗, 他便很想整個的中國都成為基督教, 以至人民可以富強, 他在學校時不斷提昌革命, 只可惜其他學生只看他為一個瘋子, 惟有教會裏的人認同他的想法.. 他後其更認識了何啟(啟德機場就是記念這個人物), 何啟也是一位基督徒, 他不斷幫助了孫先生.

基督教在中國革命之初有著重大的關健性, 最初革命的核心人物隨了孫先生之後, 也有很多基督徒參與, 而教會更成為革命的據點, 幫助孫先生傳報消息.. 至後來的也有非基督徒開始加入..

當辛亥革命後, 孫先生成為第一位大總統, 他只做了90日, 由於他好想推翻滿清, 所以願意不做總統, 將總統職位交給袁世凱, 他的目的, 不是要成為另一個皇帝, 他心仍然為人民著想, 這一份的氣慨, 不是每一個人擁有權力之後仍然堅持最初愛人民的心, 總統一職對他來說, 就如他哥哥的產業一樣"不太重要".

從來沒有想過孫先生是這麼一位偉大的人物, 偉大是在於他對權力的看輕, 對人民的熱情, 對革命的執著.. 我們要向孫中山先生致敬

再到意大利

一個人去出差, 往往給同事一個錯覺, 以為我去旅行, 以為我擺展既時候系可以去GUGGI 及LV shopping.

佢地唔知我一個人去既時候, 要拎2個有20kgs既辦箱, 2張1000x60mm既poster, 自已私人行理10kgs, 再加個背袋(3kgs), 再加埋著住一件羽絨, 系路上拖住走既時候, 其實同一個浪流漢只系有少許分別...

在香港我已預先訂左一個酒店系火車站附近, 但由落車地點到酒店都有二百至三百米, 再加上米蘭修路跟大陸都系差唔多, 要封修路都唔會特別留翻一條路, 再加上當日又系落雨, 去到酒店都好狼狽, 但慶幸的是今次無唔見行李..感謝主!

看過天氣報告, 米蘭只得0-4度, 所以帶左好幾件厚衫, 第一日落雨我即刻祈禱: 主啊! 落雨又要拖行李真系好辛苦, 求你好天氣..結果第二日就真系開始好天..哈利路亞.. 不過因為無落雨, 天氣暖左, 酒店繼續開行暖氣.. 一返到酒店就好似焗桑拿..!!

繼上次法國之後, 金融海嘯仲話有第二波, 怕且今次意大利之行生意都系....!好快就過左四日..最後一日我真系有啲頭痛, 因為又要好似流浪漢咁一個人拖住咁多行李離開..不過我今次真系要多謝豆豉媽, 豆豉媽: 你既sms真系嚟得好恰當, 我剛pack好左啲行李, 就收到你的sms, 佢知我有好多行李, 專登叫積奇嚟送我去搭車, 系呢度我要再次多謝佢既細心...你真系好抵錫...不過架SHUTTLE BUS系半路死火, 我又要搬晒啲野過車...

回程時今次啲氣流好強, 強到我差啲以為架機會散....但系同機的朋友就話呢次系最好瞓.. 坐系我隔離個法個男人, 見佢幾helpful, 咪問吓佢點解嚟香港, 知唔知有啲咩地方想去, 我可以介紹佢去, 不過呢位法人男仕唔知系咪以為我想約佢..(oh no! 我唔咁隨便架) ..即刻話有香港朋友.. 老兄, 我只系見你之前咁helpful, 系想你拎張地圖出嚟, 我點條路你行咋.. 我真系對你無咩興趣呀.. !

認識祢是榮幸, 認識妳要感恩

感謝神, 在近這兩年的旅程, 雖然公司只得我一個人出差, 但往往都有"獨行俠"舊同事結伴, 所以在這公司出差都不算孤獨.

今年經濟不境, 出差的朋友更少, 終於我要一個人搭飛機了, 我曾經心想: 主啊! 如果有舊同事搭飛機時, 剛好位置系隔離, 就代表神你與我同在, 與我同去, 但起了這念頭, 就立刻不敢禱告下去, 因為好像試探神是否為我預備...

當我辦理登機証時, 原本已預訂好的位置, 不知是什麼原因被人改了, 結果我被調位, 實在有點不高興, 因為我在機上睡不著, 路口位是一個不阻礙別人又方便的位置... 算了吧! 航空公司就是這樣, 我這樣的小客戶有誰理會..

當我正要過海關的時候, 遇到舊公司-光達的一班同事, 大家互問之下, 我與他們的坐位是很靠近的, 想不到當我走進飛機就坐時, 他們竟然就在我旁邊, 我的舊老闆可能還以為我是刻意叫旁人換位. 真奇妙! 主啊! 在我沒有禱告以先, 你已知道我的意念, 也知道我的需要, 這不就是說明你要告訴我, 你要與我同在, 與我同去嗎?

這班同事雖然認識不足一年, 但因為有一位一號仔(九形人格人的一號)老細, 使同事之間好團結, 而豆豉媽就是最熟絡的一個, 因為我的長氣, 變為她的"媽媽", 因為她的可愛, 變為我的"阿女", 她知道我經常一個人出差, 好多時都照顧我, 我還記獨坐在候機室, 哪一杯"熱朱古力" , 實在令人感動.. 多謝妳呀..阿女!

温暖

明晚又系要飛去意大利開展覽的日子, 之前幾個星期都已經話比弟兄姊妹知, 我又要飛, 記住記住為我祈禱....: 坐飛機有平安.. 開展覽可以順利, 當然系要有生意.. (再無生意.. 唔知我系呢間公司仲有幾多日子..)

隨著又要出門的日子, 我要多謝一些人:

1. 我的教會好幾個朋友, 知我每次出門都有不安.. 經常為我祈禱, 你們短訊的鼓勵實在好重要, 今次好友江江話會系我出門嗰幾日都會為我祈禱.. 多謝你..

2. 我的牧者, 雖然曹上尉二月才開始成為我們的牧者, 他上兩星期日知道我出差有擔心, 有害怕.. 每次都會叫大家先為我祈禱, 實在要多謝你的細心與愛心..

3. 我的家人, 每次出門的當晚, 媽媽例必預備, 一頓豐富的晚餐(大家記住唔無諗衰野), 白花蛇舌草(怕我外地乾燥, 每個同事都會知我媽媽例必有準備, 因為佢地經常都有份飲呀.) & 行軍丸(試過1-2次奪命狂瀉, 都系靠佢頂住)..

今年意大利個展覽提早左, 由5月改為3月, 所以當地天氣都比較凍, 今日睇當地天氣報告, 米蘭而家只有1-4度.. 神又有好好的安排, 今年媽媽竟然系新年開始織件披肩, 尋日就突然拎出嚟, 仲話要我系米蘭時凍就可以當披肩或頸巾用..



拎住呢條披, 去到米蘭咩凍都無晒啦..

媽媽話要開始織第二條, 咁我就話: 媽..織條黑色呀, 無咁易污漕.. 媽媽話: 我對眼已經唔咪好叻啦, 織黑冷會織錯, 只系夠眼睇到白色... 心裏有點酸.... 愛心充滿晒件坡..實在唔敢唔拎去出.. 多謝你媽媽.

六號仔清遠記

為求達到目的, 小朋友可以好口甜.

好似姨甥六號咁, 上年要求佢媽媽比佢去學校辦的佛山交流團, 佢當時好"認真"咁講: 媽媽, 話唔定我去完呢個團, 見到好多小朋友無野食, 生活艱苦, 我會乖啲呢? 就系呢一句"打動"左我家姐, 簽字比佢上大陸...

不過系出發前一個月, 我地再問佢, 你仲記唔記得你講過為咩要上大陸呢? 佢即刻染上左小年癡呆症: 我有講過咩.... 我唔記得lu.

今日姨甥系大陸返香港, 我極之期待佢系咪真系可以從之大陸小朋友艱苦既生活, 體匯出佢比大陸小朋友幸福得多.. 佢講左呢次旅程有好多第一次:

1. 第一次踩好多好多牛屎(啲同學仲教佢攞酒店啲毛巾抹翻啲牛屎.., 我星期三就出差, 系咪唔無再用酒店啲毛巾呢....)

2. 第一次咁凍, 得5度.

3. 第一次搭咁耐車

4. 第一次要咁早起身.

5. 第一次行高山 (系佢好少行山啫..都唔跟我去行山.. )

6. 第一次見到梯田

7. 第一次系農家食飯

10. 第一次系農居是有鷄狗自出自入 (即系鷄犬不停.. )

11. 第一次睇瑤族既歌舞(就系呢度用晒成個相機啲電, 仲話我個相機點解咁快無電..

12. 第一次見到好多剛剛出生既雞仔

13. 仲有好多好多第一次

咁即系佢學左啲咩呢?

三個離開光達的女人

剛過去的星期一, 見翻2個舊同事, 三個女人都已經離開舊公司, 每次相聚都會講翻過往比老細點樣折磨, 啲同事又點樣同心...

其中一個朋友已嫁到泰國, 過著幸福退休年青少奶奶生活, 每日最忙既時刻可能是一早起身睇網上新聞..不論國際, 香港, 娛樂, 都唔會陌生.. 佢既志願系, 繼續做少奶奶..

另一位朋友亦都唔錯, 入左一間公司(半退休公司).. 如果請半日假, 老細都唔會扣人工.. 佢既志願系, 公司系佢退休前都唔無執...

我呢? 仍然做緊同一行, 仍然過住要跟廠追貨的日子, 游閒左年半, 年前有個同事以健康為理由, 離開公司, 老細叫我暫時幫手跟住一個客..比以前忙, 但都可接受. 我既志願系老細唔無唔比員工放假....

澳洲大火

星期六, 我屋企突然收到澳洲家姐的來電暫報平安, 告訴我們澳洲正在有一場好大的火災, 她們還以為香港已有新聞廣泛報導.

每年澳洲在1-2月都是一個好乾燥的日子, 去年都有聽過家姐來電閒談時又有火災, 但估不到今次真的燒得很近.. 又好嚴重, 這令我想起小時住木屋, 每年到冬天天氣乾燥時, 間中都要走火警, 真的火警, 媽媽對火燭的聲音特別敏感, 有時在遠處火災也聽到聲音!

家姐與姐夫一如往常在餐廳裏工作, 突然有好幾個消防員通知他們, 火勢已很, 快啲疏散, 於是他們只能好快執了少許財物便走了. ..由於這天當時天氣高達46度(46度, 真系人都顛), 而又好大風, 所以火勢慢燃得好快.

在新聞裏看到有2個小鎮完全變為人間地獄, 實在好慘, 有一些一家全被活活燒死, 昨天再問姨甥生火災情況, 她說在她們的這一區已熄滅, 區來有2個人死了, 燒了50間房屋..

求主憐憫這個國家, 這個國家是一個愛好環保的國家, 但卻因為人類的浪費, 令澳洲上空的大氣層穿了, 天氣變得極度炎熱, 他們實不應該面對這種災害,

澳洲fans

好耐無寫BLOG, 怕且大家都以為我....

呢排實在好忙, 忙系因為返學, 又因為我幾個胰甥系澳洲嚟左香港..大家可能仲記得舊年佢地嚟香港時, 其中一個極之鍾意官恩娜.., 今年都唔例外, 阿姨甥一返到香港幾個禮拜, 就我同講, 我想買舊年官恩娜做個套電視劇, 佢仲去過坊間搵過, 但點解無得買既阿姨.., 我真系差點嘔白泡..

我另一個姨甥又同我講, 阿姨, 我今次返香港, 好想買好多套劇集.. (因為舊年介紹左"花樣少年少女"比佢睇, 佢就愛上台劇... 由返港到離港這2個月, 佢一日未買, 都一日提醒我記住帶佢去買台劇...

原來FANS就系咁樣..

頂硬上

飲涼茶對於中國人嚟講都系生活一部份, 但就唔咪人人可以飲得到廿四味, 有些朋友飲廿四味會暈, 可能我系燥底, 再加上我對廿四味既苦都接受到, 所以都未算一回事.

好少系呢道分享我由去年8月已經有患左一些皮膚敏感, 來來去去都系講睇醫生, 大家見到都悶, 呢半年裏每隔2個星期我頸部就會出現一些濕疹之類既症狀, 西醫都睇過幾次, 好翻之後2星期又敏感, 真討厭..

有朋友話不如睇下中醫或食吓啲龜苓膏清熱毒, 於是我開始轉食中藥又戒海鮮, 所謂中藥都只不過系廿四味及龜苓膏等, 我發現原來都有效用, 為左令到我的敏感可以快啲好翻, 在某一個星期, 我系7日內食左5次龜苓膏, 仲要系"獨食", 阿媽見到我食得咁"狂"都替我有啲擔心, 幸好我咁"燥狂"都仲未有頭暈.. 終於我的敏感有少許好轉...

但系唔知點解, 一個月之後, 我啲敏感又嚟過, 唔通我的下半生要同龜苓膏打合同..., 我家姐有次返夫家探老爺奶奶, 奶奶話佢老爺早排都系敏感, 食左隔離阿婆既秘方, 飲左四次就好翻, 而家都無再出疹啦..

咁神奇我當然今日要買啲嚟試試...

秘方系: 紅橋紫草+ 糖冬瓜 , 四碗水煲埋一碗...

由於我今晚要返學, 於是我叫爸爸幫我煲, 等我放學返屋企可以即刻飲.... 當我放學一入門口就聞到一陣臭鞋味, 我仲問屋企人系咪有人未洗腳... 我家姐話...咪就系你煲藥囉...., 聞到陣味都已經咁"厲害", 我估大家睇到, 都覺得系一種中藥大挑戰呀...



以前飲土別都已經好驚.... 呢煲煲完系一碗墨汁(同個煲底差唔多色既藥), 我最初仲以為煲lone左(我心諗: 阿爸你唔咪話煲到剛剛夠火喉咩..點解..)....., 雖然碗藥好嚇人, 但我都唔可以浪費爸爸的心機, 以極速飲左佢... 不過飲落又唔咪想像中恐怖...希望明天返起身無事..... 阿們!..

一點心意

好快聖誕就過去, 12月27日返工時, 就收到客人寄來一個包裹, 客人早前話有退貨, 我心諗唔咪咁多系咪呀, 唉! 做埋都唔夠蝕..

但系見到個盒面寫住: ginger bread, 梗系即刻打開個盒嚟睇睇. 單系個packaging都好吸引..

其實唔知佢系客還是我系客呢? 呢個客系上次嚟香港已經送左一盒朱古力個個客..下次佢嚟香港, 我都應該送翻啲手信比佢...

大家系咪會估個客對我有意思呢????hahaha...

我阿媽就想la.., 因為個客真系"好得閒"...其實系好好人, 佢都寄左比我老細及比日本個供應商...

個客話呢啲系德國新年食品, 朱古力包住薑餅...只有新年先有, 個個同事見到都即刻話要食呀..... 大家都一至話:



好.....難.....食呀...



我拎啲比企屋人試, 佢地都一至認為好................食

可能因為個餅有玉桂味, 大家都唔鍾意, 但客人咁有心, 我又對玉桂無咩太大抗拒, 再加誠意搭夠, 我都食左一個呀... (大家唔肯再食...所以淨翻個幾個都系我要食埋佢)