改變

天氣咁凍, 其實好想懶一懶, 但又覺得好想記低呢個感覺!

適逄今年聖誕節姨甥三號受浸, 我當然會去. 在我家庭裏面, 除了我之外, 公開認信自已是基督徒的, 他是第二個, 我另一個遠方的家姐則是信但無返教會.

可能是遺傳吧, 我姨甥同我都一樣, 受浸對基督徒嚟講, 應該是重要事, 但系佢都唔敢講比家人知, 就好似當年既我, 低低調調就過左去. 當我知度佢受浸, 反而由我鼓勵佢邀請人去. 或者天氣凍, 大家都好有藉口, 再加上大家不太積極, 結果都是只有我和大家姐(姨甥既媽媽) .

尋日, 我一早起身, 見到我阿媽時, 盡人事, 再問多一次佢去唔去. 媽媽以前不喜歡我信耶穌, 而家寬容多左. 可惜佢都系話唔去, 不過媽媽話: 如果表姐花店一早有開檔, 就買一束花由我送過去. 阿媽始終對教會有一點距離...

由於不太肯定表姐有無開檔, 所以阿媽先去檔口揾表姐, 表姐有開檔, 所以就扎左一束花, 然後媽媽再比一封利是我帶去.

媽: 學人哋買束花咋, 唔咪太識, 你幫我連埋封利事給阿星啦!

本人(同阿媽開玩笑) : 嘩, 有利是. 早知我當年都同你講我受浸啦!

媽: 你有講, 不過我無去之嘛!

本人(我疑惑追問) : 我有講咩? 我真系有講? (其實事隔10幾年, 真系唔記得)

媽: 你有講, 阿媽當年老土之嘛!

聽到呢句說話, 我有點語塞. 馬上拎住束花走落地鐵站.. 未到地鐵站, 我啲眼淚就出左嚟... 心裏面有兩種情緒:

1. 情觸良多: 當年我一個家人都無嚟到我既浸禮(救世軍是立兵), 只有教會團友參加. 同時當年未信既朋友都對基督教一般般, 所以都唔敢邀請出席.. 好像有點心酸, 有點唏噓! 本是重要的日子, 卻只有教會朋友為我高興!

2. 值得高興: 姨甥的浸禮雖然只是多了我和大家姐, 但阿媽既反應算是比以前好得多了. 希望有一天, 全家能一同參加另一個成員的浸禮!

面對這兩種情緒的衝撞, 系地鐵內眼淚又不其然流下. 但系我知道人類八掛既心理, 一定會諗錯隔離: 呢個女仔梗系剛剛收完扎花就比人同佢講分手啦, 仲喊咩呀, 人地都唔要你, 喊都無用. 所以我都好快停止我既情緒, 實在吾想比人誤會我被人劈腿呀...haha!

這次浸禮是在崇拜中進行, 剛巧自己教會今年沒有聖誕崇拜, 真是配合得好好.. 仍然可以在聖誕的日子有崇拜! 願家人都得從神而來的平安與喜樂!

生命中的第二次

八年前, 個朋友唔識死, 叫我幫佢系婚宴上做司儀. 我系教會做崇拜就得啫, 做司儀, 唔識搞氣份氛, 大家會以為返緊教會做禮拜架播.. 好彩個朋友個叔仔都好掂, 最後順利過渡.

八年後既今日系我生命中的第二次! 上個月開會, 主席叫我今次系慈黃區聯會報佳音既一個大日子做mc. 其實佢地都好大擔, 我平時講野睇心情, 一系就爛gap 王, 一系沉悶王... 近來個轉數又唔咪真系好快, 我都唔知自已到時會走邊方面... 既然大家睇得起我, 咁就盡力啦...

之前同我既拍檔阿Ken已經預試, 我都經常甩咀. 今日中午再試時, 都仲有甩咀..還好阿ken 系一個好有經驗的mc , 所以我已經同佢講: 阿ken 辛苦你, 有咩事, 你包低呀...hahaha...

終於到左活動時間, 由我開場: 好歡迎朋友街坊今日參加呢個由香港基督教聯會合辦既耶穌已降生, 萬眾樂賓紛既活動..

本以為呢個活動都系唱吓歌, 新意不多既活動, 怎知原來一班少年人都好有睇頭wor:

1. 花式搖搖: 三個中學生玩搖搖都玩得好好... 系被我地讚一讚嚇親佢至甩左手... hahah 唔好意思..

2. 花式跳繩: 一班小學生一齊玩花式跳繩, 有單人跳, 有雙人, 四人, 六人跳, 繩中有繩, 真系藉得一讚.. 以後繼續努力!

3. 福音粵曲:咪以為粵曲只得帝女花, 而家都有譜上福音歌詞, 我有幸聽過紅虹(紅線女女兒) 唱, 都唔錯架..

4. 讚美操: 近年一新興既一種讚美運動, 一邊唱詩, 一邊做體操, 可以滿足讚美神又益人既活動..

我相信神見我第一次幫教會做司儀, 特別恩待我, 由頭至尾無咩突發事, 無人甩底, 個個表演者都準時到, 而且可以在預期時間左右完成, 實在要感謝神!

最後還要多謝阿ken , 提點左我好多要注意既地方, 所以今次做MC 先無出大錯!

最後再一次感謝主, 因為前兩人氣温急降, 今日中午氣温回升, 有一個好天氣!

小心電話

本來已經遺忘, 但今日聽到收音機講開呢件事, 我覺得都要提醒一吓有睇我blog 既朋友. 因為喬唔怕舊, 唔明白點解都有人受..

1-2年前我都同大家講過, 返大陸既騙案. 不過今次我又遇到, 唔咪返大陸, 系由大陸打電話嚟我手機.

話說10幾日前既下午, 我手機響, 見到來電顯示系一個大陸手機號碼, 我近年已少返大陸, 所以揾我的大陸朋友唔多. 所以都會特別留意邊個打比我.

騙徒: 你好呀, 好耐無見呀, 近來點呀?

本人: 哦, 你好呀, 你揾邊位呀? (六七年前一個女仔扮被人強姦, 玩過一次, 實在太印像深刻, 再加上2個月前又有變態佬又系用同一招, 就算我認得既親戚, 我都會叫佢自動報上名來, 點知會唔會咁喬有一白撞同親戚把聲一模樣..)

騙徒: 唔咪掛? 你唔記得左我la, ?

本人: 哦, 唔好意思, 我識好多朋友, 認唔到你系邊位? (直接問你, 都唔講自已系邊個, 睇唔到你額頭作住騙仔兩個字, 都聽得出你系)

騙徒: 系咪我改左手機, 你認唔到我呀?

本人: 哦系呀, 咁你系邊位呀? (你當我低能架, 改手機唔咪改把聲, 你唔講系邊個, 我又唔講你系邊個)

騙徒: 無見一排咁都唔認得我?

本人: 真系認唔到, 咁你系邊位呀? (玩咁耐都唔收線, 你自己晒電話費)

騙徒: 我咪系廣州嗰個.

本人: 唔好意思, 我廣州無朋友.

騙徒見我話廣州無朋友, 無辦法, 就收左線.

收線後, 我有點後悔, 應該再玩佢一玩. 下次再打比我, 我一定會同佢講: 哦, 我知, 你系＂偉哥" 呀嘛, 仲系姓楊嗰個嘛.. 叫我借錢, 好呀, 我幫你. 如果佢比個戶口號碼叫我轉錢, 攞住個號碼即刻去報警.

當我講呢件事比另一個朋友知, 原來佢都收到, 佢又真系誤認左系一個大陸朋友, 還好未再收到電話, 我已同佢講, 所以佢都會提高警覺.

今日聽到收音機及新聞, 原來真系有人中招, 呢啲騙徒會等你信佢系自已朋友, 之後隔無幾耐就再打電話嚟話自己生意唔好, 急於周轉, 又或叫佢借錢比佢買家電...

再提提大家, 我當年中招系有人扮被人強姦, 個女仔接聽左就系度扮咸, 等我以為系其中一個朋友出事, 佢就講埋自已點比人咩左, 由於我呢個膽小鬼, 無膽一個人去揾佢, 話要人陪, 所以佢話唔洗我去揾佢, 話冷掙一吓, 點知我轉頭再打比我以為出事既朋友, 我朋友就完好無缺. 到個女仔再打比我, 我問佢系邊個, 佢就知道我知道佢唔咪我朋友. 馬上收線. 都算好彩, 最後我無咩損失, 每次聽電話都變得好警覺..

所以大家千祈要小心, 騙徒主要針對人性中的貪心和同情心, 不要被人利用!

電話推銷

我相信, 每一個有手提電話, 由八歲至八十歲都會收過電話推銷, 讀Marketing 既我都明白, 雖然我唔鍾意telemarketing, 但確又有人可以打電話做到生意.

當你收到一日N 次既電話推銷, 我想大家都會由林志玲既聲線變為朱咪咪. 最快折當然系cup 線, 不過亦都有以下的無聊對話:



第一種: (每星期都會打嚟最少2-3次)

銀行: 小姐, 你好, 我地xx 銀行, 你系我地特選客戶(全港有700萬人都系特選客戶) , 我地而家有個最低息貸款, 你只要電話確認, 第二日就可以系傳入你戶口..

本人(無聊時吹吹水) : 哦系呀, 而家做5% 都幾低wor, 不過隔離銀行做3% , 我前兩日先聽過, 你地可唔可以做到咁低呀..

銀行(以為有生意) : 小姐, 如果你借15萬, 12月還款, 每月都系4xxx.. 好低架.. 你ok , 第二日就傳入你銀行..

本人 (我已經想問, 借咁多,系咪唔洗還呀): 借15萬, 做咩呀? (我呢啲cheap 精用15蚊都諗過度過, 15萬? 佢真系比老細追數逼得好盡呀!!)..

銀行: 做吓投資囉

本人 : mumm, 好吸人, 不過我從未一次過借15萬, 我要認真考慮吓, 有電話入, byebye!



第二種: (每個星期同種都會打嚟最少2-3次)

化裝品: 小姐, 你好, 我系Dr. Pro / Dr / Dr xxx, 你被選為特選客戶....

本人: 麻煩你幫我delete 左我啲資料, 我同你公司講左n 次, 唔想再收到你既電話.

化裝品(仲未死心)：啊小姐, 我地而家既送你一次彩光..

本人: cup 線..



第三種: (正當今日同fedex 開完火, 啲火仍然好似花園街火災咁猛時, 收到以下電話)

私人財務: 小姐... 你好, 我系xx 財務....

本人(火勢即時持續上升, 但仍不失温柔) : 小姐, 麻煩你比個fax no. 比我, 我要書面通知你地delete 我啲資料.

私人財務: 小姐, 我地呢個電話唔咪fax 機..

本人(呢位阿姐口音系大陸人) : 小姐, 我梗系知你呢個系電話, 你比你公司個fax no. 比我.

私人財務: 小姐, 點解要fax no. 呀?

本人(連環開火) : 我經常接到你地啲電話, 我厭煩到開始有抑鬱症, 我要通知你公司delete 我啲資料...

私人財務: 小姐, 咁我幫你delete 啲資料....

我的媽媽

系我個blog, 我甚少提及媽媽, 可能因為媽媽無咩特別笑料, 相比老爸, 阿媽較嚴肅!

天下間母愛系一種好難言語既東西(突然咁感性, 大家可能覺得唔慣). 其實媽媽系日常生活都表現愛子女的不同方式:

1. 平時擔心我唔食早餐: 所以每朝都問我食唔食麥片. 又或一早煑定一碗早餐, 早餐種類有好多種, 正常的有包括: 麥片, 公仔麵, 薑葱麵, 粥.... 不正常的有炸稷, 臘味飯, 隔夜糖水.....

2. 間中送我一件温暖牌: 阿媽是一個好有心機織冷衫既人, 眾多姊妹, 以及咁多個女都無承傳到佢既手藝. 遇到一些特別既針織花紋, 阿媽就會織比咁多個女以及咁多個姨甥仔女.. 我都好識做架, 出trip 都會帶埋件披肩去show show quali.

3. 煲湯水: 近呢幾年, 由於都是阿爸煮晚飯, 所以阿媽都少落廚. 不過當留意到我有咩頭暈身興, 阿媽就會問啲街坊有咩神奇妙方可以幫我保一保... 最近見我膝頭痛, 就叫我試一試嗰支神奇蜈蚣油, 只要一滴落在皮膚上, 就會出煙..

最近阿媽檔口隔離嚟左一個新老闆, 佢地賣玉. 老人家, 唔知點解特別鍾意玉, 系咪有吉祥保平安既意義我不太確定. 我少帶項鍊介子等飾物, 有時阿媽買一件比我, 我只是收起.

可能阿媽見我少帶之前所買既玉, 所以今日又買左一件玉比我, 估我會帶, 因為今次系十字架.

呢份禮物令我有點感動. 不是因為收到禮物系十字架(說實話, 都幾大件架..haha), 而因為阿媽一份心思. 阿媽以前唔鍾意我信基督教, 但也會買一份與基督教有關連既禮物..

媽, 我希望你都得到一份禮物, 就是.....永生! 到時我將呢份禮物比你, 希望你接受!

我的爸爸

大家以前都見識過我爸爸系點,..

近呢1-2年, 我爸爸越嚟越令人費解....

話說早兩日前, 爸爸系廚房見到一粒被咬過既蜜棗.....

爸: 好可能我地屋企有老鼠...

我: 唔咪掛, 我地系飛鵝山, 仲要住32樓, 老鼠爬32層都好side力wor...(都聽唔到有老鼠聲)

爸: 唔咪呢, 應該系有老鼠...

我: 可能系阿媽食既呢? 你問左阿媽先啦...

爸: 我覺得系老鼠...

之後我就掛住睇電視再無理我阿爸...

到在今晚, 我阿爸突然又拎住同一粒蜜棗入我房...

爸: 我覺得屋企有老鼠...

我: 唔咪掛, 我地系飛鵝山, 仲要住32樓, 老鼠爬32層都好side力wor (阿爸, 點解呢粒蜜棗你兩日都唔掉呀...仲要keep 住兩日後問翻同一個問題...). 可能唔咪老鼠, 系曱甴呢?

爸: 唔咪呢, 你睇吓..個牙印都唔似曱甴.. 咁大個牙印..

我: 你問左阿媽未呀..

爸: 唔洗問啦, 一定系老鼠, 個牙印咁大.. 會唔會系你食完唔記得呀...

我: 梗系唔會啦, 我個牙印都唔咪咁.. (阿爸唔無玩wor..). 點解你唔問阿媽呢...

爸: 可能系你, 你唔記得左... 唔會系阿媽既...

我: 阿媽... 你早兩日有無食過蜜棗呀??

媽: 哦..系我食架..

還好阿媽無聽到對話, 唔咪又好似南北韓, 又開火...

p.s. 話口未完, 一個鍾之後...真系開左火...

氣質系最好既名牌

剛剛忽然想一起件重要而值得記低既事, 為勉腦退化(老人痴呆症)發作, 自已唔記得, 雖然過左20日都要即刻記低呢件事...

話說系香港覽時, 唔使擺展既我, 例必會到展覽會匯一匯我的朋友. 雖然近這幾年展覽會已經越來越少香港人擺show, 豆豉媽今年唔使去show(年頭講話食飯, 年尾都到, 都仲未食...hahah), 但我的朋友仍然都有機會出現, 一同聚首...

阿毛系我的好友, 雖然佢而家系自由身, 但都有幫佢意大利客人企booth.

話說開show 第二日同老細見完供應商, 老細那那淋返酒店休息, 我就走去揾阿毛食午飯. 由於阿毛個客既員工唔咪好多人識講英文, 所以佢都幾忙要做翻譯. 食飯都只可以系會場食埋啲貴夾唔飽又唔太好食既野..

今次阿毛帶埋個廠同事後生仔(8090青年) 一齊嚟食飯, 佢個樣都唔太差架, 不過我一直都聽唔清佢究竟叫咩名.. haha. 有時見佢間中就望吓我, (說實話: 我化左妝都唔差架....hahahahah. 日後有機會再分享呢方面既爆笑經歷...hahaha)



食食吓, 吹吹水, 呢個8090後青年突然同我講:

8090青年: 你好樣好面善

本人: 系咩 (心想: 細路, 識女仔, 呢招唔咪好得架播, 仲用). 啊! 可能我個樣普通左少少...(做人都系要學謙厚, 唔無認叻, 唔咪死得更快)

8090青年: 系呀, 妳好似我以前既老師...

本人: 哦系呀...(作死, 想話我老,系咪想死系香港呀! ), (即刻轉去同阿毛講:系咪呢, 我都話我有書卷味啦), (再禮貎回應呢位8090青年: 咁邊方面似你以前既老師呢?唔通, 我真既有書卷味?? ）

8090青年: 啊! 唔咪唔咪, 我系覺得你既氣質, 好似我以前既老師...

本人: 你講咩話? 我聽唔清楚, 你再講多一次?

8090青年: 我話, 我覺得你既氣質, 好以我以前既老師...

本人: 你講咩話? 你再講多一次? (阿8090青都唔好意思再講) , 阿毛, 你呢個朋友好有眼光呀...

阿毛: 你冷靜啲啦...



大家, 邊個話8090青年成日講埋啲唔等洗既野架. 而家証明到, 佢地其實都真系好有眼光. 我要為佢地平返一次!!!

氣質, 是我最好的名牌!! 但我仍然會做人低調既...hahahahhahahah

old 嬸(嬋)

今日終於考完試, 年紀大, 要記咁多野真系唔容易...

剛過去既星期日, 我又開始行山了, 今次我地去左俞景灣. 因為行山的朋友都好想去一啲唔同既地方, 所以以前無諗過要去的地方, 有可以成為下一個目標.

由於早排個膝頭開始覺得痛, 所以嚟緊行山都可能要買枝柺杖. 不過因為最近忙緊考試, 所以我無時間去買.

為左唔想個膝頭承受咁多壓力, 所以未有柺杖之前, 我諗到一個好方法, 就是帶一把長遮. 長遮既好處系:

1. 可以代替柺杖

2. 可以擋太陽明

3. 可以避雨

太陽天帶一把長遮, 別人唔講, 自已都覺得怪怪地.. 不過有把遮, 真系擋左好多陽光, 美白都可以減啲, 之後我發現長遮還有一個好處:

4. 可以趕狗..hahah

由於我既舉動實在太有意思, 最後還被陳少校取名為: old 嬸(嬋)

OMG!

這就是二家姐

二家姐是一個好鍾意買東西既人:

1. 衫是首選必買品.

2. 毛公仔, 咁大個人都仲同個女一齊癲, 買成十幾個同一系列, 只系換左件衫既毛公仔..

3. 買野比屋企人... 每次見到佢返香港都會帶好多手信, 其實有點不忍, 因為佢系澳洲唔咪享福, 做到十隻手指都粗晒..只要同佢握手, 就知佢為家庭付出左幾多, 好希望佢日後退休真系可以休息!

由於家姐在澳洲, 每次有朋友返香港, 兩地既人都好似進行"以物易物" 遇有大家要買的東西, 就會互相格價, 邊到平, 就買一大籮..

今次家姐系body shop 買一種butter cream 澳洲無得買, 於是我家姐就叫我系香港睇吓仲有無得買, 當然格價系例行公事.. 上星期見到要既cream , 但因為到月尾, 減少開資, 所以無買..點知今日去到body shop , 竟然"超平" 原本要140蚊先一盒, 點知而家199蚊三盒....真系感謝主...人生其中一大樂事, 咪就系可以用筍價買到平野..

我已經幫家姐決定買六盒, 但打個電話比家盒確認唔會買得太多.. 點知我家姐聽到之後, 叫我買十二盒...hahaha...

個店員可能以為我啲皮膚好唔掂, 每個月用一盒...就系咁, 生平等一次買咁多盒body cream..咩到膊頭都則晒!!!!

我家五姊妹

我的朋友或許知道, 我有五條queen, 每個家姐都有不同的性格:

大家姐: 沉靜, 有條理, 做慣會計, 就算日常生活的開始, 都會做記錄, 如果要問佢10年前10月10日, 分分鐘可以話比你知, 佢同佢家人做過啲咩..haha

二家姐: 做野快手快腳, 以前佢系工廠四大神車手, 佢車衫會比人多一倍. 到去左澳洲之後, 佢一個可以頂2-3個澳洲妹的工作...勁..

三家姐: 聲大大, 無貨買! 中氣十足, 獨得媽媽真傳, 神婆性格.. 佢一個人可以鬧幾個人...勁!

四家姐: 沉靜, 有靱力, 看似柔弱, 但可能是眾姐妹中最堅強..

本人: 不用多講, 無咩長處, 最捨得買衫買書, 文又唔得, 武又唔得..在眾姊妹中到而家仲系讀緊書既一個.....百歲唔死都話應該要聽新聞!

在以前的日子裏, 嫲嫲跟四叔都是同一性格不太喜歡我們, 因為我們都是女.. 還好, 屋企無錢, 否則到現在我家可能也要走去揾個代母..搞翻三包男胎>>>>當大家一把年紀時... 個細路先出世....hahah

我家五姊妹

我的朋友或許知道, 我有五條queen, 每個家姐都有不同的性格:

大家姐: 沉靜, 有條理, 做慣會計, 就算日常生活的開始, 都會做記錄, 如果要問佢10年前10月10日, 分分鐘可以話比你知, 佢同佢家人做過啲咩..haha

二家姐: 做野快手快腳, 以前佢系工廠四大神車手, 佢車衫會比人多一倍. 到去左澳洲之後, 佢一個可以頂2-3個澳洲妹的工作...勁..

三家姐: 聲大大, 無貨買! 中氣十足, 獨得媽媽真傳, 神婆性格.. 佢一個人可以鬧幾個人...勁!

四家姐: 沉靜, 有靱力, 看似柔弱, 但可能是眾姐妹中最堅強..

本人: 不用多講, 無咩長處, 最捨得買衫買書, 文又唔得, 武又唔得..在眾姊妹中到而家仲系讀緊書既一個.....百歲唔死都話應該要聽新聞!

在以前的日子裏, 嫲嫲跟四叔都是同一性格不太喜歡我們, 因為我們都是女.. 還好, 屋企無錢, 否則到現在我家可能也要走去揾個代母..搞翻三包男胎>>>>當大家一把年紀時... 個細路先出世....hahah

美白新體匯

唔知點解亞洲女姓好喜歡美白, 是因為好多護膚品公司系亞洲做了好多推廣, 令到亞洲每一個女仔都好希望自己比聶小倩更白. 如果唔白就"批盪"到有咁白得咁白..

還記得上一間公司個太子女(唔咪因為極之討厭佢又或佢啲咀臉幾黑人憎之極先攞佢嚟做例子), 明明已經被化裝品搞到成面暗瘡, 但都仲要"查"好多粉上個面, 遮唔到啲疤之餘, 仲搞到塞晒啲毛孔..

其實去年我已發現左要美白, 其實無不二發門. 真正做好美白系飲食方面. 不過唔咪人人可以肯去做.

(講左咁耐, 都未講到正題系我一慣作風...好快比人打呀)

舊年去醫院探我表姐, 平時系屋企佢都系大魚大肉(佢唔食任何動物既皮, 話食皮好肥, 又對皮膚唔咪幾好, 但實食唔食佢都系差唔多). 點知入到醫院住左2個月, 公立醫院唔咪私家醫院, 有錢都唔無鮑魚飯比你食, 所有病人一視同人, 食一份肉二份蔬果. 就在這種環境低下, 個人清減左. 連皮膚都靚左好多, 後生左幾年.

今日, 我去探姨丈, 佢都八十幾歲, 之前佢瞓系病床吊鹽水都唔覺. 點知今日見到佢既時候, 皮膚白又靚左. 好似後生左5-10年.. 真系無花假.

原來注重飲食, 不論四十或是八十皮膚都可以改善, 搞到我都想跟醫院呢款"無啖好食"餐單試一試.

又一恩典

近幾年因為要讀書, 所以個人都變得窮左好多..大家見唔到到索到我有啲霉霉地...hahha

還好仲有4科就讀完, 但都捱到出年六月. 時間真的過得好快, 咁就已經讀左12科...好快, 我就可以脫苦海..

因為讀書, 所以成日都要睇緊荷包做人, 計吓計下今個月又有朋友生日飯, 半年一度既保險, 還有其他開支, 都有點頭痛.

作為基督徒, 弟兄姊妹之間, 經常會分享到金錢需用既問題, 我們好多時都會經歷到神在最需要的時候, 為我們預備需用..

是的, 主耶穌, 今個月真系有啲緊呀, 求你幫助我! 阿們!

早幾日前, 剛巧收到稅局既一封退稅.... 哈哈哈, 我今年有退稅呀, 過往都試過有退稅, 但系今年系有幾百蚊.. 系我呢啲窮等人家, 幾百蚊都系甘露呀!

多謝耶穌!

講耶穌

以前家姐好鍾以用講耶穌來取笑我, 我每次聽到都有種侮辱既感覺. 今日在收音機裏聽到一個有趣的真實故事, 原來叫人信耶穌都可以有咁既經歷.

其實這個故事, 我平時無聊也會幻想過.. 如果有一天我遇到賊時, 我同佢講耶穌(唔知實際情況有無敢大膽), 叫個賊信左耶穌...

近來在you tube上載了一條video 就是影到一個外國的女店員, 她是一個基督徒, 有一日有一個賊帶住帽, 走到店裏要佢比錢, 於是個女店員就同佢講叫佢信耶穌, 可以介紹工作比佢做.. 如果大家有興趣, 可以看看呢條片.

http://www.youtube.com/watch?v=_8kcBjwyNVs

雖然不肯定以上呢條片不是完整的一條, 但都幾有趣.. 個女店員最後講左句, 如果我比左300蚊比你, 我就要賠錢比公司... 結果個賊就走左.

久遺了的海洋公園

海洋公園是小時候渴望去的偖侈地方, 當年未有迪迪尼, 入場費是最貴的. 有機會入去都可能是親友來港, 帶他們去玩. 可惜自由行開始盛行, 海洋公園已浸滿了內地團友, 想也有啲怕.

上星期有一個內地來的朋友到港, 由於他留港時間不多, 本來打算打佢去太平山, 去"老襯亭". 不過諗左成晚, 我覺得去老襯亭好似老人家去的地方, 所以我最後都改了路線.

由於星期日早上我要返教會, 所以要等到下午, 不過我朋友聽到改去海洋公園, 就算只有半日佢都好高興. 我叫朋友先買水, 知佢食左午飯, 我便賣了一點小食頂肚. 呢位朋友好唔話得, 佢知我未食午飯, 所以佢買水既時候順便買了"一磅方包"比我當午餐...大家聽清楚系"一磅方包". 大熱天時, 乾吞一磅方包都真系"超爽"既事..hahah.

而家海洋公園入場費都幾貴, 如果唔咪有朋友有教協証, 要成250蚊一張. 不過而家都要205蚊.

入到海洋公園, 初時不算多人, 我仲以為大陸團因為導遊阿珍的出現, 而唔敢來港. 之後就越來越多人. 第一次去海洋劇場系人多到看唔到個表演..... 海洋館人多到無咩冷氣.... 熊貓館人多到隻安安樂樂都唔想走出嚟, 要個動物管理員襯隻熊貓出房門偷偷地閉左佢個房唔比佢入去而大家先可以影到張相...

行左半日海洋公園件衫可以濕完再乾, 乾左再濕... 如果大家想減肥, 可以諗吓買一張年票6xx蚊, 成個夏天入去焗一焗, 每次可以瘦一磅....

對唔住, 阻住大家

每年的七八月都是打風的日子, 大家無諗過天文台原來系十大港人點擊率最高既網頁之一, 如果政府網頁可以賣商業廣告, 呢個網都會幾賺錢!

話說回來, 當大家系康森只系香港南面略過直去海南島時, 港人及我的朋友都失望左一陣.

到今個星期初見到燦都既時候, 又引發大家的一陣期望. 因為個風好有可能吹得好近. 大家對燦都都寄與厚望, 一個唔該就可以因為8號風球而放假...(掛8號波, 系生活既調劑, 系香港人的盼望, 系香港人的快樂)



朋友C 系燦都剛形成, 就話: 希望可以有一日假放啦! (本來我都好希望放假, 但系燦都吹到嚟既時候, 剛好我老細落機既日子)

我同個朋友講: 唔好意思, 我要好好祈禱, 因為老細來港, 打風時飛機降落系好危險. 我老細咁好, 我仲想打呢份工..

朋友C: 我明我明, 不如咁, 祈禱個風行慢啲, 你老細到左, 之後先掛風球..



我當年都試過系打風返港, 明白咩叫危險. 所以我好懇切早晚祈禱, 求神叫個颱風吹遠啲. 結果, 第二日返工後望吓天氣報告, 個風真系打橫行左一晚先再向西北再吹.

感謝主, 神聽我禱告! 不過我比朋友投訴...

朋友C: 唉! 我好想放假, 點知個風吹走左..

我: 唔好意思, 因為我好懇切祈禱, 神聽左我祈禱, 所以個風吹走左.

朋友C: 我都話左叫你祈禱個風行慢啲遲啲到咯..

我: 冷靜啲! 天文台話今年既風初時系弱啲, 之後會好強, 你應該有啲放假架!

我都系一個typical 香港人, 我都好想放假, 不過諗到有親朋戚友來港而會遇上危險, 有邊個會唔擔心呢? 如果你有朋友來港遇上颱風, 我都會為佢祈禱的!

再見彩虹

讚美之泉有一歌名叫: 彩虹下的約定

我相信聖經是第一本書記載有彩虹:

彩虹出現之前是神將洪水降在大地, 當時因為地上的人類走獸的罪惡好大, 充滿全地, 以至神要毀滅地上一切的走獸包括人類. 神只拯救了挪亞一家以及潔淨的畜類七公七母, 不潔淨的畜類一公一母.

當洪水降臨以後, 神記念挪亞一家, 於是把水退去. 挪亞方舟最後停在亞拉臘山, 挪亞築壇獻上燔祭, 神賜福給挪亞一定, 並立約.

神說: 我與你們, 其你們這裏的各樣活物所立的永約, 是有記號的. 我把虹放在雲彩中, 這就可以作我與地立約的記號了. 我使雲彩蓋地的時候, 必有虹現在雲彩中. 我便記念我與你們和各樣有血肉的活物所立的約, 水就再不氾濫毀壞一切有血肉的物了. 虹必現在雲彩中. 我看見, 就要記念我與地上各樣有血肉的活物所立的永約. 神對挪亞說. 這就是與地上一切有血肉之物立約的記號了. (創世記九章12-17節)

今天到旺角時, 雖然是六點多, 天氣仍然光亮, 台頭一望, 見到一條大彩虹. 後久沒有看見彩虹了, 每次見到彩虹都有一種喜悅..

讚美之泉2010 - 愛可以再更多一點點

剛過去的星期一, 是第三年去讚美之泉.

讚美之泉每次都會帶來新歌, 好想分享這首歌, 第一次就被歌詞感動了.

" 愛可以再更多一點點"

我可以擁有全世界, 卻沒有愛

我可以明白所事情, 卻還是空白

我可以用信心移山, 卻還是孤單

這世界沒有了愛, 一切仍是黑白

不要埋藏在心裡, 把愛說出來

不要默默在一旁, 把愛活出來

*喔愛, 可以再更多一點點

不惛被傷害, 把靈魂鎖起來

愛, 可以再更多一點點

從天父來的愛, 把懼怕挪開

發現幸福在轉角與你相遇....

一瞬間, 這世界變得好美

http://www.youtube.com/watch?v=ugkkUKrDpGY

送你一個電視框

之前都同大家講過, 我爸爸有得做白內障手術. 在剛過去既星期三我家姐陪佢去左眼科醫院做手術, 而我就星期四陪佢去覆診.

我爸平時扮唔緊張, 其實佢系好緊張, 話唔趕, 但見五分鐘都等唔到巴士就打算去坐的士. 始終因為張覆診咭上的恐嚇字句話"遲左無得睇醫生", 所以我地都系早到好啲.

爸爸始終覺得自已系長輩, 所以搭的士, 都會主動要比錢. 作為佢個女, 的士錢都唔咪好貴, 我比又何況. 於是我地將近到落車既時後就開始"比錢爭奪戰" .

的士錢總共二十七蚊, 於是我比一百蚊, 我爸話有散紙遞幾張廿蚊, 我地各不相讓遞比個司機, 個司機望住我地兩張銀紙, 就收左我阿爸既廿蚊, 就同我地講: 的士錢你比廿蚊得架la, 我望住個咪錶, 唔咪廿七蚊咩? 最後真的只收左廿蚊就算..

唔通我同爸爸上演左一幕: 父女情深2010? 感動左個的士司機? 又或我地睇落都有啲窮呢? 搭的士竟然有"電視框"? 司機足足收少左25%呀!

我實在覺得好可惜, 我竟然無問司機有無call 的士服務呀.....

Yeah Show 2010

今年是我第一次去Yeah Show, 我記得最初我不太喜歡這種楝篤笑佈道會, 覺得有點格格不位, 估唔到已經是10年前的事了.

一系唔去, 一去就去足兩日, 每一日都有未信的家人和朋友一同參加, 其實真的好開心.

星期六下午, 我就帶左一個家姐及3個姨甥去.. 正!

星期日下午, 我就帶左一個朋友, 朋友又帶左一個朋友, 另外有3個弟兄姊妹又各帶一個朋友..總共有13人.

雖然今次一個新朋友都沒有信主, 我好開心

1. Winnie 既男朋友, 系好唔鍾意去參加教會既一些佈道活動.. 經我地成個月既禱告, 佢都有去.. 感謝神!

2. 小娟 & Alan 既表姐, 之前都怕佢唔肯嚟, 最後都有嚟.

3. Joyce 佢既朋友Sandy 都嚟左.

4. 我的朋友, 因為病左就唔嚟得, 唔緊要, 下次再嚟.

大家好耐無咁擁躍了, 我希望呢種叫人認識福音的動力, 可以繼續.

講返Yeah show, 其實真系幾好笑, 森美和林以諾牧師都系一個講笑了得的人, 不過我想另我印像深刻的是巫啟賢的見證分享, 我以唔未聽過佢現場唱歌(其實我都只系去過一兩演唱會, 無聽過唔出奇), 佢把聲好洪量, 佢分享了因為細女特患急病, 值著基督徒的禱告, 最後細女可以不藥而瘉. 一個生命改變了的人, 值著禱告而誡煙, 以前我信耶穌時都好多基督徒見證話誡煙, 如果個個都變成基督徒, 都唔系有控煙辦la ! 感謝主!

終於等到

終於等到, 可以有好多解釋, 特別是我的好朋友會有以下的聯想..

1. 終於等到畢業 - 我都好想, 不過仲有四課先完成, 到下年10月先會行畢業禮.

2. 終於等到出糧 - 呢方面都幾真, 見到我咁霉, 等出糧都系應該的.

3. 終於等到另一伴 - 我的好朋友要為我懇切祈禱.. 不過神未安排到.

講左咁多都唔咪, 都未講到正題, 大家開始打算轉睇另一位blog 友..hahaha

其實終於等到既, 系爸爸有得做白內障手術.

爸爸好似我嫲嫲一樣, 有白內障, 早在幾4-5年前已去政府醫院睇眼, 醫生一直都系叫佢每一年覆疹一次. 原本醫生既記錄系要做白內障手術, 怎知3年前的一個醫生無端端寫佢唔洗做, 而爸爸年紀大, 又唔知醫生寫左啲咩, 到我哋發現, 先再追問眼科醫院點解佢唔洗做手術, 個醫生先寫翻比佢做. 唉! 生活系香港, 唔咪又錢的話, 就要接受政府的醫療制度 - 鬥命長..

其實眼科醫院都幾有趣, 上次爸爸去覆疹, 佢地話: 阿伯, 遲啲會通知你做手術架la. 你收唔到信就再問啦.. 咁即系幾時呢? 等到6月頭時收到信話叫佢去交錢時, 佢地話會再打電話通知7月幾時做手術, 如果到7月底都無收到電話, 叫我地再打電話比佢, 呢種安排方式都真系前所未見? 打電話, 老人家好容易記錯又唔定, 唉! 還好終於系今個星期收到通知爸爸下星期做手術la.

祝願一齊平安..

平反了

寫blog越來越需要一點衝動, 事情發生了一個多星期, 如果唔咪今日因小娟同我講, 我都系系你個blog知道全球禱告日既事. 今日都無衝動去寫..

是的, 平反了, 平反什麼?

我而家讀既marketing, 經常都要做project, 有時4-5個人, 有時因為時間唔夠做presentation, 老師會要求7-8人一組而減少present 時間...

分組有好有唔好, 好是因為可以從同學既工作可以學到啲自已諗唔到既野. 唔好, 就系遇到啲唔做功課既人. 呢個問題由舊年開始, 是最唔想遇到.

由於學校可能收到既投訴越來越來, 所以出了一個peel evaluation , 要每一個同學完左個project 或 written report, 就要好保密地做一次然後交比tutor. 過往咁多次呢個peel evaluation 都無咩作用, 我覺得只系比我地發洩不滿, 有無做野既人, 最後都系得到相同既分數. 怎知今次學校開始嚟真.. 分數會因為大家工作的投入而再評分.

以為人多可以分擔多啲, 誰知人多可以有人偷懶唔做野. 我與相屬的4個同學與另外4個相屬的同學夾埋系在今次既project去分工. 誰知到最後另外4個同學中的2個, 多說話少做事, 每次都是到deadline時先挑起問題, 我和另一個同學在言語問表示不滿. 結果大家在哪個peel evluation 都毫不客氣.

當分數出了的時間, 我個我同學備屈了, 估計我們被說成是不做事, 又是一個trouble maker , 我們的分數是最低. 可能我曾經在消費者委員會裏投訴成功, 而家遇到一些不合理既事情, 我都覺得可行時就應該要出聲..

就是本著呢股怒氣, 我寫了電郵比澳洲tutor, 將各人的分工, 有關証明都比左老師. 起初老師覺得我有點找麻煩, 也因為未有住可証明我所言是真, 不太相信. 到我說要將有關資料文件比他看, 他說會查查看.

呢位老師算是比其他老師有熱誠. 雖然不抱太大的希望, 但總比坐以待斃好...不論好與壞我都祈禱交比耶穌, 由神審判...

在上星期考試前, 個另一位同學話我知, 成績出左啦. 但系啲分數改左, 高左呀! 然後我返到屋企上網check check 真系改左. 於是我和同學寫翻一封thank you letter比阿sir , 阿sir 話, 佢睇左我們比佢既文件之後, 佢覺得哪幾位同對我們不公平, 於是就比翻一個合理既成綪比我.. haha.好開心, 因為阿sir 為我平反左..

多謝耶穌, 多謝阿sir !

言論自由已沒有容人之量

在這幾個星期, 就近六四期間, 政府和激進人士都利用這個時間做點嘢. 真系有點厭煩!

政府方面:

1. 警方收了民主女神像.

2. 落區推銷政改方案.

激進派:

1. 要求警方"釋放"or "交回"民主女神

2. 在特首與問責官員推銷政改時阻止, 攔阻

作為一個巿民, 從電視鏡頭看到, 民主派行為與政府有咩分別呢?

民主是否只為反對聲音而產生呢? 何謂民主? 不論政府或民主派, 其中一方爭取權力時, 同樣會使對方無自由, 無民主!

民主派說政府收女神是政治打壓同時, 另一方面當特首落區宣傳政改是被民主派激進份子壓逼, 不淮問責官員們前進退後, 直情真的要打人.., 講真, 從電視畫面又不見到民主派有幾斯文, 容讓政府有發言的自由.

公平一點, 如果余若微及五區總辭議員落區時同樣比支持政府的人事圍攻, 我想他們也會破口大罵! 面口也不會好得了多笑, 會否仍學曾俊華成日講"多謝你" 呢?

說到中大學生要將民主女神放在學校, 校方唔容許擺放在大學門口, 就即說政治打壓, 講得咁偉大, 學生會又在全部學生之中做了擺放女神像的公投未呢? 如果未做公投, 學生會這種一意孤行的行為是否又抹殺了民意呀? 如果你做了全校公投, 全體學生一致認為學校要擺放民主女神的, 哪校長還可以say no 嗎?


如果學生會說自已是代表全體中大學生, 哪麼, 中大校長又代表什麼呢? 只要學生鍾意, 連大學校長既說話都可以隨意否決, 哪中大校長是否還有權力, 他的作用又是什麼呢? 是否校長是只按你們的心意行才是好校長? 是否校長為學生為學校而有顧慮就是教壞學生? 教授既言論也請謹慎一點吧! 你的言論也會教壞學生呀!

我發覺現在所看到的言論自由, 民主缺乏了冷靜, 互相尊重! 言論自由中的胸襟廣闊, 已沒有容人之量! 不論政府和民主派, 都欠奉!

從巿場角度來看, 相方都在利用public relation 來爭取建立良好關係, 要建立的是自己在巿民中的份量和形像, 可是大家都互相破壞形像. 都是相輸!

全球禱告日2010

5月23日是全球禱告日, 今年是最後一年, 好快又過了六年.

開始發起這個禱告日是在南非, 南非信徒為當地平安, 結第一年罪案律下降, 是的兩年前我和一個朋友也在教會不斷鼓勵人用禱告改變這所教會學校, 雖然沒有任何數據上的改變, 但我自已就在禱告中受了醫治.

這日未入場, 在場外見到有人收回一些不屬大會的場刊, 我想, 可能有異端打算利用這個時刻不知不覺將一些不屬大會的訊息給一些平信徒. 果然在第二天報就看出有一班自稱是什麼"基督同盟會" 的人來"踩場". 並且話這些義工保安一邊說耶穌愛你, 一邊推我.

還有在收音機在瘋show快樂人中的曾志豪亂引用聖經: 有人打你的左面, 也要打你的右面.

我有時覺得香港一些激進份子, 過份使用言論自由了. 這四個字"言論自由" 變得天下無敵, 只要有關民運份子的事, 他們都好像失去了理性. 沒有支持他們的行為就是沒有愛心的人. 我真系... 接受唔到佢地囉! 香港快要被這些所謂的民主自由份子搞昏了.

這班所謂既"同盟會" , 在一個宗教聚會玩政治, 在全球禱告日, 要大家支持他們, 為六四平反, 豆腐渣工程. 我尊重你對大陸同胞的熱愛, 只是你們是打算利用了基督徒的愛心作為你的籌碼吧! 舉個例子, 如果有一天, 有一班惡人, 闖入你家, 要倒亂你家裏既東西, 然後你去制止佢, 惡人還說, 你沒有愛心, 你應該支持我破壞你家的行為.. "同盟會" 如果你真能接受人去破壞你家, 你就可以拿石頭扔這班基督徒義工了!

聖經說: 聖督釋放了我們, 叫我們得以自由, 所以要站立得穩, 不要再被奴僕的軛挾制(加5:1). 今日好多人都誤用了自由, 自己喜歡作的事就而別人阻止就是沒有自由沒有民主, 扼殺人權..如果人人都用自由而任意妄為, 這個世界真的大亂了. 那我為什麼要遷就你的自由而扼殺了我自己的自由呀! 你是誰, 要在我的自由上動土! 自由也要在一個法律下被受規範. 同盟會, 請你們自律吧! 你們的行動不得要領, 就使出傳媒扮可憐, ..討厭!

最後提醒大家, 請留意有"基督"兩個字的機構不一定是基督教, 他們的行為是反映出他們是信徒不是.

意大利粉

記得上次去德國老細屋企, 食過佢煮既野菌意大利粉(大家唔無以為野菌就系系超巿買既嗰種, 系真系系森林去摘, 要冒住食錯毒摘錯毒菌既危險, 當然佢食左幾廿年, 都無事實 ) , 好味到好似系餐廳食既一樣, 所以我都同老細講, 叫佢寫過食譜比我.

所以今個4月佢嚟香港時知道我想煮意大利粉, "路過裕華國貨" 見到有呢類野菌, 就買左一包比我..

估唔到佢仲心急過我, 返到去德國知後, 系電郵都追問我, 煮左味.???試左啲野菌好唔好味??

實在唔好意思, 太忙要趕project, 所以去到5月中都未試煮過.. 由於老細"逼得太緊" 終於等到今個假期.. 就去買啲材料動一動手.

略有要求既我, 真系揾左一間意大利材料店, 買左支意大利橄欖油及pasley 香茜粉. 尋晚第一次試煮...

唔咪自已讚自已..我從何得知我自已煮得好好味, 睇見我個姨甥7號, 佢食完一碟, 再食一碟, 唔咪因為佢生積, 系因為佢覺得好好味就會不顧後果.. 直到佢阿媽叫佢"收手"...



唔無理個買相系點(只系少左啲伴碟啫), 但系啲味道都好唔錯, 有意大利風味..

好食到今晚再煮多一次...hahaha

生日快樂2010

前幾年, 每次生日都可能要出差, 自從意大利展覽改了期, 都可以系香港過了.

今年跟去年一樣, 5月份都系好忙既日子, 而今年我又系唔識死, 讀三科, 所以5月份忙著交project, 做present!

今年生日, 剛好搭住母親節, 所以除了同阿媽慶祝之外, 我都系主角之一. (但也可能系被遺忘既一個) ..

唔緊要. 我姨甥既舊歷生日同我同月同日生. 所以屋企人點都無藉口唔記得..hahha

母親節當日, 一班同學話要補拍廣告片, 算啦, 就算系生日兼母親節, 為左做好份功課, 都出嚟啦.. 點知, 我去到個同學屋企樓下, 先知道原來大家一早就話除消, 真系好唔開心. 因為同組既其中幾個同學都系啲不負責任既人, 做功課已經唔幫手諗喬, 而家仲要放飛機. 又捨膊, 又唔做嘢.. 唉! 點解全年都要遇到呢啲同學呢?

吊詭的是, 做presentation嗰日, tutor見我地都互相"幫忙".. 仲話, 你地呢組都幾"合拍" wor..

系, 我差在未系個peel evaluation講晒佢地啲衰嘢!

雖然今個生日有發生左啲唔開心事. 但系返到屋企開左個facebook, 有幾廿人同我講翻講生日快樂.. 即刻爽晒!

多謝晒大家!

螢火蟲

不經不覺又過了兩個月, 系呢兩個月裏, 都幾忙, 在4月裏放完復活節之後, 每個星期六日都要返學, 都無得休息, 私事比工事仲要忙.

5月頭又有小考, 其實只要肯比點時間讀書, 都可以應付到的.

說實話, 無寫blog實在是因為開始玩了facebook 及 online game, 只要寫一句簡簡單單的訊息, 就有幾個人回應, 有時唔似寫blog, 寫左只有2個朋友睇. 而家無寫咁耐, 所有blog友都唔知飛晒去邊LU.

經過2個幾月, 懶惰既心情又開始回復了少許, 每次發生一點小事情, 又覺得要逼吓自己用一用個腦, 寫一寫作個留念, 由其事, 自已越嚟越無記性. 起碼寫BLOG都會記得某年某月某日我的曾經.

還好科技發遠, 有數碼相機, 可以回帶我的記錄.. (我有時懷疑自已好似黑玫瑰對黑玫瑰中既馮寶寶, 患左痴呆症, 要用紙仔貼住啲事)

好了終於要入正題!

早前有一個夜晚, 大家都熄燈, 媽媽特然大聲叫: 你地睇吓, 我房有隻螢火蟲, 我想不是吧! 呢度又唔咪鄉村, 咁都會有螢火蟲? 但系媽媽一直系度叫. 於是我同家姐都去望一望..

嘩真系螢火蟲. (Try 左好幾次都上唔到條片)

見到螢火蟲令我諗翻起以前細路仔時, 有幾個暑假返大陸鄉下, 表哥屋企系鄉村, 一個好田園式的環境----> 比蚊咬都豬頭咁..

呢隻螢火蟲都帶比大家2分鐘的歡樂, 之後佢見光就沿著光線飛走左..

新名字

未去出差前, 我都發覺我無件厚而又黑既大衣適合去展覽(以前是初夏去出差的) , 雖然買左一件褸, 但系每次見到米蘭既天氣報告, 去到零下1-2度, 我貪生怕死既性格又出嚟, 最後我比較過件羽絨之後, 為勉冷病要人照顧, 我都系著到成隻稯甘..

去到德國, 都唔使見客, 著住件casual 既羽絨都無咩問題, 但系去米蘭時我帶埋帽, 包到一隻果蒸稯, 要走過1-2千米既展覽館長廊, 個個人都好似去大酒店咁, 唔咪黑就系白, 我呢件蘋果綠再加上長毛領既羽絨就分外起眼..

每次我同老總去找供應商時, 怕凍既我都著住件羽絨, 再拎多個大袋裝文件, 十分"論盡" 老總忍唔住講: 你做咩好似Eskimo , 我最初都唔知咩叫Eskimo, 後尾個同事解釋比我知: 愛斯基摩, hahahah...確實, 對歐洲人嚟講, 零下一二度濕濕碎, 對我呢個南方人嚟講, 就好凍.. , 雖然比佢地整古, 但我又愛上呢個名字.. Eskimo.

後話: 老細叫我下次買過件褸去show ....

有一日老總又同我講: 你不如改過一個名字, 我諗左一陣就話: 哦, 好啊! 不如就

1月份叫: Anna

2月份叫: Bella

3月份叫: Celia

4月份叫: Delta

5月份叫: Ella ..

6月份叫: Flora

如此類推, 12個月都有12 個名. 供應商打嚟我公司都以為呢個部門好多人呀...hahahah

老總最後話, 不如你叫做: Florentina ....嘩嘩嘩.....咩嚟架... 唔通去到意大利, 要改翻個意大利既名... anyway, 都幾好聽..我鍾意..

最後老總揭終, Florentina 每一個人系florence 嚟既人都叫Florentina ...

Good! 咁吓大家可以叫我以上10幾個名la..

老總

好多年前我都曾經想, 如果有一日我的老闆是一個外國人就好了..., 我的理念都好簡單:

1. 外國老總可以幫我鍛練英文...慳翻英文補習

2. 外國老總會offer 5 日工

3. 外國老總會offer 10幾日大假..

做了咁多年工廠, 以上的想法都是妄想, 冥想, 空想....

有時我想神給我的東西不是即時, 但最終有機會實現, 就如以前我羡慕別人可以去外國出差, 最終轉到呢行就出了好多次..雖然現在怕出差, 但總也是神答應我的..

二年半前, 我在上一間公司時, 我想...唉! 系呢到工作, 以上三個願望都好難實現之餘... 要放大假都好似要人頭落地一樣.. 老細自已工作狂就算啦.. 同事請一天假連其他公眾假一齊放去個四天旅行, 都好似拾獲不赥.:我請你返嚟做咩架, 系睇住公司, 唔咪叫你翻嚟玩, 咁可以唔請你啦... 怎知今年我真的轉了一個外國公司..

以上三個願望都齊現了......其實外國老總不是個個都好人, 因為我的朋友在外國公司工作, 佢只是說一句: 以為以前既半大陸老細差, 點知低處未算低..

不過感謝神, 我的老總是一個正常的好人..

1. 他的舊員工仍然不捨佢, 每次見面都鷄dont唔斷

2. 他請願自已請個priority 機位比員工..

3. 我去到德國, 佢做左埋司機管接管送..

4. 又系因為我去左德國, 所以佢做埋大廚, 煮埋野食比我..

老總, 我祝你身體健康, 早日信耶穌(雖然我講唔過你啲英文) , 活力非常.

又出事

唔知點解出差時經常會發生好多自己估唔到既野.

如果大家仲記得我之前去荷蘭系機場內既一件瘀事, 今之又一傑作.

今次我們去到意大利, 開show前一日, 大家都好攰, 行完一日名店街(我只是陪跑), 返去酒店匯合老細之前, 見有時間, 就同個同事去超級巿場買野.

系意大利既, 都系一慣作風, 大家唔用英文溝通, 所有街道指示大多是意大利文. 意大利人是佢有佢講意大利文, 我有我講廣東話, 同個同事買完水以及明天要用的一點小食, 比完錢便打算離開. 通常系出口位置任何門口, 都代表可以出, 所以我都無理咁多, 點知我一推門, 又驚動了超巿個警鐘.. 嚇到我立即彈翻入門口. 我驚咩啫, 啲野都比晒錢....

已經比個同事笑左一獲, 點知隨後而嚟一個意大利男人, 用意大利文同個同事講, 如果我要打劫, 一定會預我一份.. 昇東擊西, 佢一定走得甩...

當然最後又比老細笑多一獲...

感恩旅程

可能好多人以為每年有得出差去外國是一件筍工. 系度可以話比大家知, 我有好多舊同事, 以及一些經常出差的朋友都會好容易患上飛行恐懼症. 這是我近期觀察得知的。　

每當有朋有羡慕我既時候, 每一句:你就好啦，　又有得遊埠，　其實我都有點說不出來的感受。　他們都不知道, 在飛機上坐十幾個小時就好似一些朋友怕老鼠而要同幾十隻老鼠困在一間房幾十幾個鐘一樣.

去年出差, 因為氣流不穩, 所以我的恐懼又加深了. 還好是隔一年才又再需要出差。　

舊年我參加了一個聖經課程，　是有關心理治療，　臨飛前的幾天，　剛好主辦單位比每位同學可以有一次的心理治療實踐，　如果大家明白什麼叫聖靈感動，　這次我感受到神的醫治，　叫我心裏加增平安。　

這次德國意大利之行，　真是一個信心的試驗，　因為去年的經驗，　回程是不好受的。　神讓我學習將信心建基在神的說話，　竭力不用感覺去感受行程。　我開始背聖經，　奇妙的事，　每天看的經文都有一段由神給人信心的動力，　我就靠著這些經文，　堅持神的帶領。惟一的秘訣是不可灰心，　也不可放棄。　

恩典：　

１。　要堅信神是不容易，　因為臨啟程的前一日，　在新聞聽到首站德國機場，　因為一個超級颱風（十年來最強颱風）吹襲，　法國及德國約有５０多人死亡，　機場大混亂。　颱風正吹向比利時及丹麥（即我們的飛行路徑）。　但神所賜出人意外的平安是並不受環境所影響的，　去到德國，　體會＂雨過天晴＂。　

２。　到德國２天天氣晴朗，　但去意大利後一日，　又落大雪。　

３。　天氣報告顯示意大利落大雨，　幾天都天氣壞，　天空多雲時，　氣流就會不穩。　誰知我們到步的當天沒有雨，　第二天出太陽，　氣温２度有如香港１１度。　

４。　再返德國時德國已沒有雪也沒有雲，　而意大利就開始密雲。　德國田園佈滿積雪，　但太陽日曬，　天氣又回暖。

可能有人以為天氣晴朗是巧合，　但眾多的巧合就不算是偶然，　以下的經文是我今次旅程的力量：　

基督釋放了我放了我們，　叫我們得自由，　所以要站立得穩，　不要再被奴僕的軛挾制。　（加５：１）　

主的靈在我身上，　耶和華用膏膏我，　叫我傳福音給貧窮人。　差遣我報告，　被擄的得釋放，　瞎眼的得看見，　受壓制的得自由，　報告神悅納人的禧年。

開卷

有一些朋友, 可能有一種錯覺, 以為我是一個好喜歡看書的人, 其實我是一個喜歡買書的人. 當然對於某幾位作者, 我很欣賞, 例如杏林子, 施以諾醫生, 艾鍾尼(輪椅上的畫家). 他們都是基督徒, 欣賞他們是因為他們遇到生命有很多缺陷, 但他們的思想能突破了人的限制. 或許這是神給他們獨有的使命吧!

早前因為施以諾在書中分享了他爸爸施達雄牧師自少如何教導他, 以及他爸爸現在因為肺梗塞也不願做一個"三等"公民(等吃, 等睡, 等見主), 很想看看這樣的一位牧師如何出了一位這樣的醫生, 所以第一次見到有他的書"心靈快餐"便買了..

是的! 醫生兒子有著父親的影子. 兒子也將父親多年分享的故事也在書中道出.. 真是處父無犬子..

自始施牧師也成為我的一個喜愛的作者. 可惜香港沒有他的書. 在網上查閱也只見台灣才有得買. 每逢朋友到台灣旅遊, 我都拜託拜託, 可惜牧師近年產量甚少, 也不是一般旅遊區書店有售..

或許越難得到的東西才越有吸引之處, 所以最終有朋友可以幫我買到兩本. 我十分高興. 其後也終於給我買到了一本書名好吸引的書"上帝知道". 雖然這本書是以台灣事情作例子, 仍能讓人感受真理沒有界限.. 也叫我一點點提醒.

"就如基督徒為什麼要有好行為, 是否好行為是得救的條件: 誠然好行為不是得救的保証, 卻是得救的見證. "

往後的日子, 我也希望可以完成一本以後, 稍作一點分享.. 使這個部落格多點內涵, 也強逼自已完成一本又一本已在家佔一席位的書. 不是只滿足於買的過程而能感愛作者用心的分享....希望大家不會因為我咬文嚼字而有點不習慣. 因為作者備受尊敬, 以口語化分享好像有點不敬.

當然分享某些書時, 我仍然會一慣作風 ...."水繼續吹...不忍遠離"

唔尊重老豆

好快又已經一個多月了, 每次有一些好笑的事, 都想停一停, 寫一寫, 但系轉過頭, 又忘記了.

自從爸爸系街巿買過一啲有椰絲, 芝麻及沙糖既蛋卷, 就愛上了. 原來唔洗一定要鉅記, 普通街坊的手藝都系餅有餅, 卷有卷味. 當我經過一間零食店, 我見到有呢類蛋卷, 無論有椰絲無椰絲, 我都買左返屋企試.

正所謂, 食過翻尋味, 唔一定要魯味..食完就再買, 放系屋企又好, 帶翻公司又好..

點知呢日, 我爸爸晚上見到我買左幾包蛋卷, 就開始依依吟吟, 又話我賣埋啲唔好食既野(上次佢買又無事), 買左幾錢, 系邊度買架....我仲以為我系街邊執添.. okok! 咁我帶返公司食咪得囉..

所以第二日, 我一早就帶晒我啲蛋卷返公司. 點知夜晚返到屋企, 食飯既時候, 我爸爸就同我講:阿女!你都好唔尊重老豆, 我同你講兩句啫, 你就拎晒啲蛋卷走! 我同阿媽對望左一眼. 老豆系你尋晚好唔滿意, 我先帶返公司之嘛.. 真系比爸爸激死!

想死咪出聲囉.. 又扮野!