姨甥六號仔

因為我有四個家姐, 而且個個都有2個或以上的仔女, 七個識行識走, 兩個唔識講唔識走.

咁多個姨甥之中, 有一個姨甥系好有趣的. 佢排第六, 由細到大, 佢都系一個好搞笑的小細路女, 佢細果的時候仲教識我唱一首歌, 過左好幾年佢已經唔記得, 好彩我仲記得, 由一個小朋友唱出嚟確實好有趣:

壓力歌:

壓力好多種, 感受確不同.

壓力有其愁, 壓力亦有憂.

困惑差不去, 積極去面對,

勇敢不疲累, 堅持不氣餒.

近來姐姐家裏發生了一點事, 作為小朋友要面對家庭的問題, 好多都變得不知如何是好, 但呢個小朋友好醒, 因為佢識得找大人講自已的唔開心, 識得用圖畫表達自己的感受, 當我們為佢擔心的時候, 反而佢會好開朗的同我地向我們haha...haha..笑... , 耶穌說: 讓小孩子到我這裏來, 不要禁止他們, 因為在神國的, 正是這樣的人. 我實在告訴你們, 凡要承受神國的, 若不像小孩子, 斷不能進去.(路18:16-17) 希望這些日字, 她能感受耶穌與她同在.

六號仔, 我地支持你!

遠方來的禮物

系2003年香港最唔開心的一年, 但在這一年尾我卻蠻開心, 因為在2003年年尾的時候我跟朋友參加了基督教短宣中心去了荷蘭, 這一次的旅程之中, 我們在一個家庭裏住宿, 嘩這個家庭中的爸爸(人稱劉大哥)實在很好人, 不論我們食既, 住既, 行既, 他們一家都包辦了, 很難得有這麼的一家接待別人就好似自己的仔女一樣, 離開荷蘭實在很捨不得. 他們所作的就如聖經所說: 我餓了, 你們給吃, 渴了, 你們給我喝, 我作客旅, 你們留我住, 我赤身露體, 你們給我穿.. 些事們既作在弟兄中一個最小的身上, 就是作在神身上(太25:35-40)

返到香港以後, 我們這位好弟兄每有朋友到香港都會帶我們喜歡的食物 - 旦糕和魚仔, 第二年他的兩個女兒來香港的時候又帶一次給我們, 再過幾個月他的兒子來的時候又帶給我們一次. 上次佢個細仔嚟香港, 我地帶左佢去離島, 佢仲大膽到走上懸崖邊, 我幾驚賠唔翻個仔比人地.

過去他四個子女已有三個嚟過香港, 估唔到今年輪到他的大仔, 今年也不例外, 他仍然在大仔來港前一晚做好旦糕和辡魚仔, 然後交比個大仔帶比我地, 還不斷打長途電話問個仔交左比我地未, 不是因為有禮物收先咁高興, 而是因為這一份情宜不能用錢來衡量, 好多時人認為禮物的價錢越貴, 就越有誠意, 原來將人放在心裏, 呢種表達才是無價的禮物

我個姨生見到呢個旦糕就話: 點解有一個車軚架阿姨....



呢樽魚仔系由馬來西工的材料帶去荷蘭, 然後炒好加上秘製辡椒而做成既, 所以好珍貴架.

中毒

上個月澳洲幾個姨甥嚟左香港, 系香港大陸玩左七個星期, 差唔多成個暑假都系呢度.

為左滿足佢地爸爸媽媽的屋企人, 所以幾個姨甥要中港兩地走嚟走去, 好彩佢地聖誕節的時候可以返嚟香港, 話晒香港的聖誕氣氛點都好過大陸.

話說有一日幾個姨甥睇到雜誌上的飛輪海相片, 我話吾尊好靚仔, 佢地即刻系度笑, 仲笑左好耐(到而家我都唔知佢地笑咩, 而家啲少少女心事真系好難明), 佢地話吾尊唔咪好靚仔, 大東和阿崙好好多, 唔咪掛吾尊個樣都話唔得, 唔通真系要搵翻阿侖狄龍? 話晒我都算系吾尊既friends, 我即刻show套花樣少年少女比佢地睇, 仲話佢地"記住睇真啲", 於是佢地開始煲劇, 都未睇完一集就話: 阿姨吾尊系套片靚仔好多wor...娜娜娜系咪呢, 我既眼光唔咪咁弱架嘛.

由呢一日開始, 我幾個姨甥就開始追呢套劇, 追唔咪一個問題, 佢地系中左毒, 仲要做翻個劇情同埋個表情比我睇 , 佢地仲可以翻睇又翻睇, 笑完又再笑, 個台詞仲可以講埋比我聽, 女仔唔在講, 兩個男的姨甥睇左一集啲笑過未停過, 就系咁呢套劇代替左我地幾個阿姨倍左佢地成個禮拜(因為要返工, 所以都倍唔到佢地), "花樣"多謝你呀! .

系我唔好, 搞到個姨甥愛上飛輪海, 佢地而家上網就系去you tube 首尋飛輪海同S.H.E個消息...(不過搵到好野就記住預埋阿姨一份啦!).

除左個女姨甥生之外, 個男姨甥生又迷上左一個女明星, 因為最近做律政新人王二, 我個男姨甥睇過官恩娜做戲, 就話佢好靚....... 真系O晒咀..



佢地為左記念呢幾位偶像, 臨離開香港之前都要買翻幾張poster 翻澳洲"吊念"吓, 於是我就帶住個女姨甥行旺角, 正直飛輪海人氣急升, 好快就搵到佢地既海報, 但問個sales 有無官恩娜, 個sales就話: poster要有碟才出poster架wor.., 佢咁耐都只系出個一次..得得得sales 姐姐我明你講咩..(即刻覺得有自已好"火羅"), 返到屋企, 個男姨甥話吓無呀阿姨, 但你可唔可以明日再幫我搵呀(我仲諗住佢第二日都走, 佢會放棄添, 點知佢對阿娜姐熱情澭溢得咁緊要...仲話: 阿姨, 如果我無一張poster 帶返澳洲, 我會有遺憾..., 為左了結佢既心事, 淨翻半日我都要幫佢再搵張poster....

去到信和中心, 見到有間買CD店, 裏面有好多飛輪海既專輯等等..但系就偏偏唔見有呢位娜姐既野, 於是又厚面皮問個sales, 你地有無官恩娜既海報呀, 個sales又系咁望住我, 吓佢無出碟無海報架wor..我都知, 我只系諗你有無一張買淨庶系度, 我幫你掃埋佢之嘛! 夾系牆腳或者櫃低我都唔介意呀. 唉! 算啦吓一間.. 又問個sales有無娜姐既海報, 佢又望位我呆左(我知啦, 你以為我同性戀鍾意娜姐嘛..), 佢話無架la, 你不如去買張相, 真系多謝佢呢佢說話, 走到隔離果間相店問個老闆要阿娜姐的相, 佢既表情同頭先兩位sales一樣, 我實在明白咩叫好"火羅", 仲要一個鐘頭"火羅"三次, 搵到張最唔殘的相買左就算, 了左個姨甥的心事, 不過個姨甥見到時話: 阿姨張相咁細張, 有無大啲架..(咁你要唔要呀?), 你繼續幫我搵張海報好似飛輪海個啲咁大呀! 好彩個表哥無帥自焉話包系佢身上, 仲話要唔要系布質呀, 硬皮呀等等.. 實在感激不盡..

就系咁佢地小心亦亦手拎住啲poster 上機返去澳洲

忍左好耐

大家成日都見我系個blog講個電腦好慢, 唔知你地會認為咩為之慢, 如果開機要用15分鐘, 轉一個畫面要5-10分鐘, 睇晒一個blog友的文章最少要用30分鐘(佢都可能系得2-3篇文章), 唔知大家覺得呢啲算唔算慢呢?

我裝左香港寬頻幾個月, 有一日有個人打電話比我話而家啲上網速道10m都唔夠, 要裝夠50m先support到上網的一啲網頁, 優惠比我呢個特選客顧, 如果我唔join佢地個plan, 可能追唔上個潮流, 我話比佢知我都好想參加, 但系我個電腦support 唔到你地條線. 呢部電腦系好適合爸爸媽媽用的, 因為個畫面實在轉得太慢, 乎合到佢地唔想轉得太快既要求.

曾經收過一篇email, 大致上系咁講, 如果一個人經常要對住一個好遲鈍的人, 患心臟病的機會會偏高, 對左呢部電腦咁多, 我諗如果我無心臟病, 皮質純都應該偏高左, 特別系連我要關機都用我15分鐘, 真系好想痛痛快快咁拎爛部機. 但我唔可以意氣用事, 思前想後左半年, 上個禮拜終於買左部新機, 雖然比我預期超出預算, 但唔洗比電腦攪到我多幾條白頭髮, 嘜都值得.

大旅行

雖然過左半個月, 但系都要記低系12月30日同屋企人去郊外旅行的事.

教會好少攪旅行, 今次捉正我做攪手, 於是呢個旅行小組實行益街坊, 平時民X聯或工咩會的本地旅行團都要90蚊或以上, 但系我地真系好希望教會平信徒的屋企人去得開心又放心, 於是差唔多半價就可以參加呢個名為"蘭花,鮑魚,薰衣草, 大家旅行得救恩"的呢個本地一日遊.

話晒我系負責人, 我當然叫左一村人參加呢個旅行, 仲要我三個系外國的姨甥, 我家姐講到明佢地有一點唔鍾意, 又覺得沉悶就會系我耳邊衣衣吟吟, 哈哈所以我地出發前我以經鄭重的同佢地講, 比個面我, 唔鍾意都唔無叫悶呀.

我地第一站系去睇蘭花, 我一心諗住比啲屋企人過年之後買吓蘭花, 點知第一站就系蘭花場, 大家都唔敢出手, 我就一於好小理, 買左一盤卡多利蘭, 都只不過系80蚊, 有賺!

之後去左流浮山食海鮮, 大家都唔咪好欣賞啲鮑魚, 所以大家用左唔夠30分鐘就掃晒所有食物, 出去條海味街掃貨. 雖然大家都知道啲海味都唔咪本地貨, 但可以滿足人三個願望: 第一系買野, 第二都系買野, 第三都系買野.

離開流浮山, 就去左恒香餅廠, 呢間餅廠都好有marketing的頭腦, 整幾個臨記系度磋吓粉做吓包裝, 就當系睇晒成條產生線, 開放個工場被人入去就可以有一班人買佢地啲貨, 我都系其中之一的......

最後一站系到薰衣草百花園, 系就系有一啲薰衣草, 但都唔算系好多, 呢度一樣特色就系如果想喂魚, 要比錢買糧, 比埋錢幫佢地養魚, 但個個小朋友都話要喂, 唉!

玩左成日, 大家都盡慶而回. 最後一個餘興節目當然系: 上車瞓覺.

夕除夜

唔知系咪老細得一粒女, 但個女又想佢兩公婆倍, 兩公婆又唔想對得太多, 所以揀左呢個每年最值得歡樂的日子同一班同事一齊慶祝. 年年呢個日子尖沙咀都系要封路, 九點先開始的除夕party, 又無咩車搭仲要系條街蕩, 真系唔咪好爽.

說實話, 我都唔咪好想去, 因為除左我之外, 得個倉務同事無攜眷或子女出席, 整到我好似佢的parter咁, 唉! 算啦算啦, 有藉口坐埋一邊唔洗坐埋啲宰相位.

Sharaton 啲食物果然唔差, 之前病左一個月瘦左的4-5磅, 呢晚食完都即刻補翻左5乘, 不過食buffet有時都見到人生百態, 好似大家見到生蠔的時候, 師傅都未放低隻蠔, 都差啲被人搶埋佢成盤蠔, 另一位師傅剛放低啲鮑魚, 有兩個年青人拎住個夾死都唔放, 將啲鮑魚 “掃”落隻碟, 其實又系嘜急呀, 無晒咪叫個師傅再補餸, 你只要企系到唔度唔走, 一間咁大的酒店, 講服務架嘛, 點都知你等咩啦, 雖然我都唔會認得你個樣, 仲對你的食相無興趣., 洗嘜咁失禮.

呢個party 無咩特別, 但我相信老細有驚無喜. 話說公司舊年除夕去左澳門慶祝, 今年只系嚟尖沙咀, 老闆娘唔知系咪太高興, 又或老細真系好少同佢出外去旅行, 佢話出年不如公司去泰國慶祝, 夠15人就可以成團, 真系要講句: 多謝老闆娘!

終於等到12點, 出外的氣氛果然系唔同系既, 平時唔會拍抬都拍抬, 平時唔會尖叫都識得尖叫, 嘈足半個鐘先至停, 我有理由相信我的耳膜系有輕微的受損, 一年一度無計啦.

我曾想像過尖沙咀除夕晚系好多人, 但系無諗過真系咁多人, 從酒店望落彌敦道真系成條街都插滿人, 足足要2個鐘先至翻到屋企

記大過

記得讀中學時, 我學校都好嚴, 如果遲到三次要記缺點, 所以有遲到習慣的朋友, 好快會記滿大過, 比人踼出校, 我以為只有學校先會有記缺點同記大呢樣野, 原來做呢間公司都有記大過架.

我老細平時唔聲唔聲好和善, 但系佢都系有一般的老細, 都系會記住同事做過啲唔好野, 不過我老細有幾樣野系冒犯不得的. 第一系唔鍾意人遲到, 少少地一兩分鐘都會算數, 多就唔好啦. 第二系唔鍾意人請假, 如果請病假, 最好系喉嚨發炎, 仲要系由女聲變做男聲, 但為佢實會打電話問吓你個客啲野有無問題. 知道你變左個男人之後, 佢個心會舒服好多, 正明你真系病. 第三系要出席公司的飯局, 唔咪指同客食飯wor, 而系公司的annual dinner, 除夕party, 但凡公司搞的都要出席, 除非你有充足既理由, 如果唔咪會作為日後的炒人証供.

就系咁本來教會第一次系除夕炮製的 “勁歌熱舞”就無我份參與, 因為公司希望同事對公司多點歸屬感, 所以一一都要出席, 仲好歡迎大家攜眷再加小朋友出席, 其實公司都算大方, 話晒都幾百蚊一位, 一家去晒都千幾蚊又無話系人工扣翻, 仲尊登整埋啲節目, 等我呢個仲搵緊個森林的人可以一早大大晒聲話比人知, 唔洗約我, 我唔得閒.

聖誕真快樂

好耐無寫個blog了, 唔知邊鬼個整到個modem甩左個插鬚, 等我仲以為要搵人翻嚟整好個寛頻, 所以幾日都無上到網.

呢個聖誕節, 啲咳都仲未好翻, 每年一度的平安夜報佳音, 雖然我系例必出席, 由於第二日我要做崇拜的主席, 為左保住把聲唔無到唱詩時走音, 加上被免再次冷親死多兩錢重, 最終決定比自已今年休息一吓, 所以平安夜乖乖地系屋企休息.

第二日的聖誕節崇拜, 領左4首聖誕歌, 結果都系衰左, 高音唔夠勁, 低音又唔夠醒, 唔緊要, 受難節再嚟過(又系我做崇拜主席領詩wor, 唔知系記念耶穌受難, 還是會眾受難呢? 次次做主席都病, 真系慘! )

系呢個聖誕節, 由於幾個姨甥系澳洲嚟左香港, 一場嚟到, 我都要露兩手(上次阿姨甥系佢嬸嬸面前讚過我做的pizza 好食, 仲問佢阿嬸識唔識整pizza, 真系咩彩都攞翻晒啦, 無理由令次佢又嚟唔整比佢食), 於次呢個聖誕節的下午我就系咁忙住買野, 忙住磋團粉, 等團粉發酵都要2個鐘, 又要做個茄汁底, (已經忙到死, 但系啲家姐都仲唔返嚟幫手之餘, 仲叫我斬埋隻火雞, 扔入焗爐焗, 第一次要劈雞, 仲要劈隻咁大隻, 比隻白鴿咪算囉, 都唔知有無攪錯, 算啦, 一年一度) 終於整個好pizza, 個個姨甥都讚好食, 個心都甜晒啦(記住系佢阿嬸面前讚多兩句, 下次磋多2個鐘頭麵粉都無緊要啦) 不過, 仲有一盤pan cake要整埋添, 就系咁我真正食野都攪到10點鐘.

食pan cake 時, 不得不提0個個有五歲身形的三歲表姨甥, 佢見到我家姐吱啲cream落件pan cake 的時候, 講左一句令人好難忘的說話: 你做咩吱啲防腐濟落件餅到呀? 差啲點件pizza 噴翻出嚟!

食完野當然唔少得抽禮物, 個個小朋友都有份, 佢地仲要等到12點拆埋禮物先肯瞓, 呢個聖誕節真系好熱鬧.

小病是福

已經病左有2個星期, 每次病到咳的時候, 都好長手尾, 次次都要睇好多次醫生, 又要飲好多湯水先至會好. 今次都唔例外.

今次病, 攪到我好知醒, 每日五六點就咳醒, 人地話呢啲叫做寒咳, 阿媽聽見我講話系寒咳, 即刻就同我講, 咁我今晚炒碗薑飯過你吃, 我只好答, 哦! 因為平時我系唔多鍾意媽媽的呢啲 “家鄉菜”, 今次比阿媽露兩手.

雖然吃過甚麼薑飯, 但我都無咩起色, 仲系日日咳, 於是我又諗起以前煲過咩湯, 就系咁又勞煩左阿爸幫我買呢樣買個樣嚟煲湯, 只可惜我呢個病又系無咩起色, 淨系病到五顏六色.

西醫唔得, 我要轉中醫, 洋鬼子的野, 有時都唔及中國五千年的國髓, 拎住一包二包藥返到屋企, 諗住那那林五碗水煲埋一碗, 點知屋企個藥煲系穿既, 有無咁喬呀, 又要即系call阿爸幫我買過一個藥煲返屋企.

今次雖然病左咁耐, 每次見到爸爸媽媽因為我既唔舒服而不斷勞心, 實在覺得對不起佢地, 但也感到在家實在好, 不用你說有幾唔舒服, 佢地已經知你邊度唔舒服.

我在父親面前為孝子, 在母親眼中為獨一的嬌兒。(箴言四: 3)

父女

人很奇妙, 有很多野係遺傳自母女的, 不論樣貎, 身高, 性格以及脾氣都從父母而來. 論外貎, 我覺得與爸爸相似(但偏偏個個見我同媽媽站在一起, 又話似媽媽), 性格就唔知似邊個, 不過風趣的一面也應該是與爸爸相似, 因為爸爸幽默較多, 例如:

好多時我爸爸好鍾意問我: 你今沖左涼未,

我就會回答:　尋日沖左（代表今日未沖）　，　又或明日未沖（代表今日已沖）

到第二天，　我不經意的問爸爸佢沖左涼未

爸爸就會回答：　尋日未沖，　又或明日沖左

咁我就會問: 即系幾日都無沖啦...

早幾天我的舅父離世, 爸爸媽媽急忙趕回大陸, 爸爸不曉得是因為太趕, 將手錶放在褲袋裏, 當我見到有污槽衫要洗時, 又沒有再檢查褲袋, 於時把爸爸的手錶, 洗得一乾二淨, 爸爸返港時, 發現手錶已經過"防水測試及避震功能", 結果只系有少少水氣.

但過不了兩天, 當我做完運動時, 把手錶放在運動褲袋裏, 爸爸同樣將我的污槽衫拿去洗, 我的手錶也同樣經過"防水測試及避震功能", 結果我的手錶通過避震深試, 但過唔到防水呢一關, 充滿水氣, 到今日都仲系睇唔到支鈔針.