行水禮

可以用"好幾年"無落水嚟容易自已, 唔咪因為呢3個月唔洗錢去公共泳池, 而系都好想去吓游水, 所以今晚只有我和家姐及姨甥六號都要去..

以為七點幾啲師奶兵團就會返屋企煮飯, 泳池可以少啲人, 點知鑽石山個戲水池都爆滿, 我地即刻都要轉去摩士公園.

著起套幾年前買的泳衣, 就即刻比我個姨甥笑: 阿姨你好肥.. (系既, 我知我又要去做gym , 進行地獄式訓練.., 不過我啲朋友成日都話我瘦, 我真系好肥咩..六號仔...

其實我地唔都算系游水, 只系算"行水", 個泳池咁多人, 游兩步都要企系度, 今晚系個泳池行嚟行去, 極其量都只能算是浸左一個漂白水浴, 怕且呢個夏天都系無咩機會好好游水了..

唔洗錢的活動始終都系人多, 而奇喱的人都唔少, 有人系個沖身室, 放低件低低就當霸位..., 有無朋友既club有游泳池可以真真正正咁比我泳一次呢???

再會讚美之泉

咁又一年, 舊年大概呢個時候, 系我第一年去參加讚美之泉的敬拜讚美會, 今年知道佢地又嚟香港, 當然約埋成班團友一齊去, 開始賣飛既一星期, 都差不多無飛買, 當然, 佢地唱彈都系好了得, 因為佢地既同工都系讀音樂出生, 唔咪讀音樂就只會做古典音樂, 佢地所演出的都系好有時代感..仲好有觸動人心添.. 可惜唔咪基督徒的朋友一聽見系基督教音樂就以為呢個音樂會好老土, 佢地既唱功可以比美葉麗儀呀

上次只系叫再6個朋友, 今次有11個朋友去, 有一些初成為基督徒的弟兄姊妹第一次去這個讚美會, 都覺得是一個很值得參加, 當晚唱左好多首新歌, 可惜現在只記得呢個歌名 - 沙漠中的讚美!!!

有時人經歷唔開心的事情就好似系沙漠一樣, 搵唔到一個人可以依靠, 前面好似睇唔到一條可以走的路, 環境告訴我們放棄就是惟一可以做的, 但系基督徒的生命裏, 在沙漠仍然可以看得到活水, 因為神與我們同在, 面對困難時, 主必會幫我們渡過!

尋日有一個同事問我, 耶穌點解唔將啲苦難攞開???如果佢系神就唔會將啲苦難給人, 可以阻止苦難!!!

耶穌來到世界不是要解決苦難的問題, 是讓人解決人生的問題. 沒有耶穌, 苦難仍然存在, 那一個宗教可以告訴人, 他們能阻止地震, 阻止天災, 任何的苦難呢...?但耶穌來到世上親嘗了苦難, 自已被掛在十字架上, 所以他知道我們的苦楚, 與我們同渡人生的低谷!

欣賞妳! 余慕蓮

近呢幾年, 電視其中一個節目"向世界出發", 對我嚟講, 呢類節目都系叫啲少見既明星去吓旅行團少去既地方遊覽吓, 講一啲個人感受.

今晚睇到一個近年好少見的甘草演員 - 余慕蓮, 由細到大睇電視, 見到呢個演員都系做醜角, 是一些無人願意做, 又經常被人取笑的角色, 咁多年來, 佢被人笑佢她其貎不揚, 但都做好自已. 當我們想到醜角, 就會想起她....主角永遠無佢份, 誰有這份忍耐與勇氣多年來都是做這種小丑的角色呢!

在節目中, 她介紹自已所損錢出來而建立的小學, 她用了自已差不多一半的退休金嚟興建呢間小學, 她講左一個叫我感動的說話:

我唔咪好有錢, 但我捨得,

我地好多時都諗演員大多有錢, 但她不是(從她的退休金可以想像), 人到退休既時候都想留個錢旁身, 但她卻捐給山區興建一間小學, 她沒有好高的學歷, 但她希望小孩子能讀書這份情卻高過她的學歷, 知識高與低並不完全決定一個人的深度, 如果這集"向世界出發"是她第一次做女主角的時候, 我覺得她實在做得"太棒了", 她令我想到聖經裏面耶穌講的一句說話: 施比受更有福

七月一日游遊

平時星期六, 日, 都系參加教會活動, 所以每逢到假日, 好多時我都系希望同屋企人一齊渡過. 我屋企人對活動的選擇好少, 來來去去都系BBQ.

天氣熱左, 姨甥女都好想去游水, 打緊八號風球都無得去, 睇左幾日天氣報告, 6月30日都仲落緊雨, 但天氣報告中7月1日開始放晴, 所以我同家姐都諗要滿足咁多人的願望, 都系去海灘BBQ.

BBQ一族有: 我媽媽, 夏天都要著長袖衫(樽領更可以確保唔怕冷傷風)既大家姐, 各有一個BB既三家姐及四家姐, 仲有大家久違了果個有五歲身型但只有三歲大的表姨甥以及佢媽媽... (呢個表姨甥而家系6-7歲身型但只系有4歲多...)

落水一族: 有姨甥一號, 六號及七號, 以及帶埋盒西餅+曲奇去海灘BBQ既七舅父...

唔BBQ又唔落水一族: 有心臟病既姨媽(好開心見佢可以出嚟海灘行吓), 成日呢系屋企最鍾意打機既姨甥三號(佢仲帶埋本書去BBQ, 實行以書會友)

要去石澳燒野食都唔咪一件容易事, 為左確保有燒烤爐, 我姐夫要晨早6點鐘起身7:30去到, 實行勇奪第一爐..否則就要等等等....

BBQ既過程中有一個小插曲:

話說阿表姨甥天生活潑好動, 但佢媽媽要佢食左一啲食物先比佢去玩水, 到佢終於有得落水既時候啲表姐們已經出晒海邊, 佢唔等媽媽就一支箭向前走, 佢媽媽因為比一班年青人阻住, 轉個頭就唔見左表姨甥....正在搵緊佢之際, 突然聽到救生員廣播: 黃X浩小朋友的家長, 請到救生席, 你既小朋友等緊你.... 我個個姨甥都即刻上水問系咪真系阿表姨甥..我地仲估系同名同姓既小朋友, 點知...真系..

原來表姨甥一唔見到媽咪就好驚, 但又好醒目喊住走去看台搵人哎咪, 隔離一個女職員對我表姐講: 又系呢個小朋友呀, 如果比我早啲見到佢咪唔洗哎咪囉......我表姐只好..

我地玩到下午6點幾便回程, 回程既時候, 我啲姨甥個個都變晒......燒乳豬

負離子

早一陣子, 執到幾張十年前的舊相, 除左發現自已個樣唔咪變左好多之外, 我更發現自已個髮都唔咪變左好多, 自從十年前剪短左啲頭髮之後(當年即刻有人問我系咪失戀), 都未留長頭髮, 於是今次要改變一吓型象, 由公仔麵變做意大利粉, 本身我啲頭髮就系曲, 所以平時啲朋友都以為我成日電髮, 其實都天然曲架, 慳好多電髮錢.

今次我要做負離子, 經過格價之後, 我去左朋友常用的師傅, 呢間髮廊無咩特別, 特別左只有一個師傅, 其他洗頭, 染髮, 電髮都由幾個外藉女傭擔任, 講到呢個師傅, 佢一離開間髮廊, 你會完全睇唔出個邊弗似一個髮型師, 佢個髮型同埋個身型都系...表示佢既客人系走成熟路線, 穩打穩扎..不緊要, 做負離子直髮, 潮極都有限, 所以無問題..

呢間髮廊最令我欣賞既就系個幾個外藉女傭, 佢地既team work 精神, 絕對唔咪添work精神, 個種互相合拍, 可以系: 幫我做緊一半負離子既其中一個女傭, 被老細叫去幫另一個客洗頭, 而另一個女傭剛好完成手頭上的工作就會接力經續幫我做負離子...

終於坐左個幾鐘整完個髮..我家人和朋友的反應系:

六號仔: 阿姨, 你個頭髮好怪呀(之後佢又叫媽咪帶佢去做負離子)

家姐們(包括老爸): 阿妹/女, 你都系曲髮好啲

朋友一號: 都幾好, 後生左,

朋友二號: 見左你十年曲髮, 你做咩轉做直髮呀!

朋友三號: 你做咩變左精子呀! (系呀, 咁你以後唔無睇電視la)

公司同事: 我都系鍾意你之前撓撓地既髮型..

咁我系咪要....

媽媽隻手最靚

好多時人都好鍾意對比下一代和上一代的相同, 又對比上一代與一下代的不同, 就好似我同爸爸的外貎比較相似, 性格又有啲似..

首先我地會對比既系性格, 通常人都系鍾意講啲唔好既一面, 而我第三個家姐就成日都話:

七號仔就似足佢個老斗, 又懶, 又無記性, 又唔鍾意讀書, 無一樣似我的....(系咪真系淨似姐夫呀..好似都見到你既影子wor)

除左比對性格之後, 大家都好鐘意比對外貎, 姨甥六號仔和妹妹八號仔都極似我四家姐, 我家姐有一張BB相, 因為佢兩個女都同極似佢, 所以2個女都照例擺左一個相同的post, 日後都可以話佢地系三姊妹....

呢日, 我三家姐同六號仔講, 你隻手好靚wor, 比你媽咪隻手靚wor, 但六號仔話, 我覺得媽咪隻手系最靚, 我三家姐話唔咪掛, 你咁細個, 你隻系又白又滑, 你媽咪邊夠你靚呀, 但系六號仔又話, 我都系覺得媽咪隻手靚啲..

六號仔! 系呀, 雖然你媽雙手又要工作, 返到屋企又要做家務, 洗衫煮飯, 做到粗晒. 但你媽媽隻手都仍系最靚呀!