婚禮-江江與志強

星期日終於到了江江和志強的婚禮.. 其實我星期一就有最後一科要考試, 所以婚禮完左, 我都要趕返屋企繼續溫書..

由於我要幫手做姊妹, 星期日一早5點幾就要趕身去新娘屋企...剛好天氣又轉冷...真系醒晒..

貫切香港既傳統, 早上有玩新郎既遊戲, 今次我覺得一班姊妹都算錫住新郎, 都無啲難食既食物, 無啲嬌艷既底衫褲, 全部遊戲都唔過2級..... 新郎最辛苦都系由頭玩到落尾, 今次真系請左一班好兄弟幫手, "睇住"志強點比我地玩, 辛苦晒啲兄弟呀...hahaha.

神都好錫住一對新人, 天文台講過星期日系會落雨, 但系去到婚禮開始, 大家入晒禮堂先開始落雨, 感謝神..

今次既婚禮對對本教會都算一次破紀錄:

1. 第一次有500人參加....因為新娘系幼稚園教師, 好多家長及教會朋友都有嚟

2. 第一次系學校大禮堂, 單是佈置都花了不少人力..

3. 第一次總動員近全教會既人... 平時都只系1-2個團契既事, 今次歷來幾位牧者, 司庫, 聖樂人員, 3-4個團契都有幫手, 可算厲害厲害..

4. 由於學校禮堂不是政府註冊場地, 所以一對新人在婚禮中段又要走去小禮堂簽紙...辛苦晒..

5. 單是影相單位都有39個....唔計sip場及閃入去影相既朋友...

由開始到結束, 搞到近7點才完結...還好飲宴在星期一晚...