一日的運動量

唔知大家對於一日的運動量有咩解釋, 對唔同人有唔同的見解:

對武林高手嚟講: 可能系高手過招24小時!

對跑手嚟講: 可能系好似跑馬拉松咁, 最少跑十公里!

對網球員嚟講: 可能系打三小時的網球!

對足球員嚟講: 可能系跑足全場90分鐘, 但系都無波入!

對近期既考生嚟講: 考試時寫足3個鐘!

對晨運客(公司職員也咁用) 嚟講; 每日洒太極, 洒足4個鐘.

對師奶嚟講: 可能系每日出街買餸兩轉個半鐘, 再加上講價講足1個鐘

對BB嚟講: 可能系每次飲奶5-10分鐘 (一日飲7-8次)

對我姨甥七號仔嚟講: 原來系讀兩片書, 默左成個鐘, 就已經系-->就系佢一日的運動量, 真系失敬失敬!

自由表達

近呢一排新聞焦點所在莫過於是北京奧運聖火的傳遞, 究竟會打破奧運幾多項紀錄, 首先系有最多示威的一次, 其次系聖火息滅最多的一次, 再者系聖火運送途中要搭巴士的一次...

作為一個香港人, 雖然民族意識薄弱, 但系見到這麼多西藏人反中的情緒, 以及外國人以大欺少, 欺負中國人, 侮辱中國人, 有好幾次看到新聞時都有一種想為中國說一句: 西方人, 你們又幾有人權呢? 你會不是同樣歧視發展中國家的人嗎? 你唔不是看第三世界國家的人也是如狗一般看代嗎? 就如聖經裏面的一種人 - 法利賽人, 外面是粉色的牆, 裏面卻裝滿死人的毒氣, 你們要求別人守律法, 自已卻是能說不能行的人.

法國裏面有白人也有黑人, 你們能否說他你也給與黑人多少機會可以成為領袖呢, 倘若你們國家裏的少數民族起來要在你國家裏畫分一個土地, 你們會接受嗎? 單是年年在法國都有罷工, 有學生示威, 你們不也是用有警方振壓嗎? 美國人, 在200年前以前, 你們是土生土長在這塊大陸嗎? 你們不也是強佔印第安人的地方而立國嗎? 如果未絕種的印第安人要求建國獨立, 你們也會毫不考慮, 大大方方咁將52個州分左三分一地土還比印第安人嗎? 今次奧巴馬又能否在白人的社會裏成為總統呢?

早一陣子看到明報的一編社評, 也頗有客觀表達, 雖然我不是一個記者, 但是記者不是要有客觀的報導嗎? 現在的報章以及外國所謂無國界記者, 他們不都加了自己的偏見在報導中嗎? 亂作新聞還理直氣壯, 結果被人發現他們偽造圖片, 歪曲事實, 仍然面不改容. 還有哪個不知所謂的美國新聞報導員, 她簡直是不級格以及沒水準. 用自已的偏見與歧視在電視裏說出侮辱中國的話, 再次感到, 有知識確實並不代表一個人有智慧, 有修養. 西藏人看以被欺壓, 就得到同情, 他們又有沒有報導啦嘛的惡行呢? 公平判斷是: 不可行不義, 不可偏護窮人, 也不可重看有勢力的人, 只要按著公義審判的鄰舍(利19:15), 無論哪一方都有正反兩面.

今晚在電視報導中, 看到不同國家的華人起來抗議, 示威, 有點難過, 也有點感動, 難過是每次中國人都要在被逼到忍無可忍的地步才團結起來, 感動是, 中國人團結的力量不是西方人可以小看的, 多個國家裏的華人, 他們都要表達對法國的不滿, 特別在中國好多省份, 這次是和平表達, 有進步, 不是以暴力宣洩而是示威遊行話比西方人知道中國人民自已也不願意中國被分割.

是的中國並不是一個理想的國家, 有貪污, 欠缺人權, 好多不公平的事情, 醫者沒醫得, 這一切一切我們都感受到, 我們也忍受著, 但是有哪一個國家不是要用時間來改變嗎, 不是經過多年人民的努力才能改變嗎?

如果說一句就可以馬上改變, 有多好呢!

引用明報: http://hk.news.yahoo.com/080327/12/2rdez.html

颱風你好野

今個星期六, 日都已經定左有兩件事要做.

第一就系要陪六號仔同七號仔去探我個朋友豆豉媽, 自從六號仔系我朋友的blog見過阿豆豉, 佢就成系話要去見呢個只有8個月大的BB, 經醫師診斷過之後, 佢患左豆豉毒, 六號仔初期的症狀就系每日都差唔多要上網去下豆豉既BLOG, 仲會keep 住問我睇左個blog未, 成日系度講豆豉好得意, 幾時可以見吓豆豉, 但系佢唔會食豆豉蒸排骨, 或豉汁蒸倉魚.., 豉汁排骨煲仔飯. 不過現在情況略有好轉.. , 為左可以醫好佢啲豆豉毒, 決定帶佢去見一見呢個BB, 不過真系估佢唔到, 第一次約好去探豆豉時, 全港幼稚園及小學流感好嚴重, 阿周一嶽漏夜都要宣報幼稚園及小學停課, 結果要自我隔離. 等左個一個月之後, 本來今日決定再去探豆豉, 點知果個失驚無神既颱風, 竟系超自然地出現系四月份, 仲要點都由海南島兜嚟香港, 仲要掛埋3號風球... 唔知下次再去探豆豉又有啲咩大件事發生...咁邪!

第二件要做的事就系要去行山, 由一月到五月, 我教會都會去一次行山, 上次一班朋友一齊行山, 都覺得有益身心, 所以都打算今個星期日再去, 本來我地打算由慈雲山行都沙田, 呢條系最短, 最無難度的一條號, 點知今次系最有難度, 即系連行都無得行, 成個颱風咁吹埋嚟, 無計啦, (就算我CALL人嚟, 都無人so 我呀), 本來我有幾個朋友, 其他弟兄姊妹都有幾個朋友都諗住一齊行山, 最後都系要取消, 不過唔緊要, 如果唔能夠順延, 我地系5月18日都有一次長洲環島行, 呢次真系精彩, 行完山之後, 唔介意洗小小錢, 仲可以食埋海鮮先返九龍, 諗起都爽!

放監la

嘩! 好耐無寫blog了, 又好耐無去探過啲blog友, 因為呢幾個星期都要咪書, 上次個鬼佬阿sir, 被分數實在太緊, 如果考試唔級格要重讀, 都好慘, 又要再比多幾千蚊, 都好肉痛, 為左達到級格呢個咁低既目標, 只好呢2個禮拜, 閉一閉關, 做吓"空洞"派掌門人.

尋晚經過3個小時的考試, 好多同學都話都唔知自已答緊啲咩, 又話隻手不停寫, 寫到好似唔咪自已隻手, 我都好認同呢個講法, 算啦, 估計都應該可以過關... 終於可以休息了, 終放監la.

今個星期六可以去探吓豆豉...仲同埋六號及七號仔去, 六號仔仲話比豆豉媽知要整啲野比豆豉食, 佢唔通唔記得左豆豉只系個BB, 只系食奶, 莫非佢會開定支奶過去....

之後今個星期日我地又要行山la, 不過個朋友話會落雨... 所以我要祈禱又祈禱, 一定要有合適的天氣呀!

清明節 - 又整餅

清明節對我嚟講應該系一個休息的日子, 但系兩個姨甥都系我屋企, 我知又系一個工作既日子. 果然未到清明節, 我個姨甥又忽發奇想同我講: 阿姨, 我地幾時整餅呀..., 上次佢地話整蛋糕, 結果都系我一手包辦, 今次怕且都唔例外.

今次我同佢地講系會整曲奇, 由於我都整過好多次, 都無咩難度, 佢地由話自已好勁, 唔想我多講, 佢地自已睇住我個食譜嚟整就ok, 就系咁, 我交左個場比佢地(其實我知佢地一陣間會交翻個戰場比我, 我覺得一陣間會系好似去左伊拉克)

睇吓呢兩個小鬼嘈冤巴閉, non stop咁問我幾時落牛油, 整吓又話好攰, 我都系要出吓手整好一團粉比佢地慢慢唧餅型, 唔咪啲牛油變埋水都唔咪整好, 你地睇吓, 呢盤就系佢地既傑作

你地見到曲奇中有一個E字, 系佢地専登做比我架, 都算佢地有我心啦, 不過除左個E字之外, 我都搵唔到有邊件曲奇的形狀系有啲意思, 但系佢地就可以好似啲人幫海邊啲岩石起左好多名, 真厲害..

果然到最後, 我都系要收拾個戰場, 洗晒啲用具系我意料中事, 但嚴重既系, 我發現個打蛋器竟然系........................我張床

估唔到 - Assignment 2

今個禮拜又系要交Assignment 同埋做 Presentation 的日子, 雖然其中一個男同學已經一力承擔做Presentation的角色, 實在好多謝佢, 咁樣先算系個男人嘛(如果大家仲記得我講過同組有個閃電俠, 一話要做Presentation 就閃人)但系作為同組, 如果佢要求我地一齊做, 我都好樂意, 無理由要佢一個人咩晒所有責任.

話說呢個禮拜有個客嚟香港, 星期二或三會到, 唔未肯定日子, 我心想唔咪真系要做Presentation果晚先到呀話, 點知個系真系比我批中, 個晚的5點鐘先到, 仲落單落落到8點鐘, 無辦法, 咁耐都未發巿, 張單緊系不容有失, 只好話比個同學知, 我只能盡趕返學校.

當我放工後立刻趕去學校既時候, 真系剛剛睇住個同學完左個Presentation, 實在有點唔好意思, Assignment 由唔咪負責好多, Presentation 無咩幫到手, 到放學後, 我地問邊過做其中一次的Presentation, 個同話, 因為未有人趕得及返到學校, 結果阿"閃電俠＂想閃都唔得, 焗住要出場, 真系估唔到, 上帝的計劃系人估唔到架.