姨媽生日會

自小睇住我大的三姨媽, 近呢幾年經常出任醫院, 由於佢有心臟病, 舊年新年時, 大家都以為姨媽系無得幾耐日子, 可辛又過了一年, 現在又到10月是她的生日, 雖然該晚我要返夜校, 但我都覺得唔去會遺憾.

我們幾個親戚都不是有錢, 所以過去多年大家都系系屋企煮一餐飯, 三十多人圍在一間屋裏, 逼逼地都食得好開心, 我們家如果, 姨媽家也如事, 對於出街食飯, 一來花費很大, 二來也少了一點在家逼埋一齊的溫暖..

不過人多了, 煮得太多也花幾小時, 所以舊年我們開始老爸老媽生日時出街食, 而姨媽家也相同.

其實次次兩家兩老生日, 大家都系食中餐, 老人家喜歡中餐, 今年表姐想試吓食自助餐, 所以揀左一間唔咪太貴的酒店, 訂了三十人的位置, 都好浩浩蕩蕩, 除了我媽以外, 姨媽還有兩個弟弟, 即系我有兩個舅父, 由細到大都系有點自以為是, 佢聽到要去食自助餐不是食中餐(我都唔明白啲上左年紀既男人, 包括姨丈, 爸爸, 姐夫, 舅父都十分抗拒, 究竟有咩情義結呢? ) 就話唔去.

唉! 姨媽都唔會有好多年在世, 食一餐又如何, 經我媽媽勸解先勉強去, 怎知當日, 搵唔到間酒店, 系附近等到我家姐去接佢, 佢發脾氣交左封利是比我家姐代為轉交給姨媽, 就走了. 旁人聽到都覺得好氣, 己經六十多歲仲要耍脾氣, 姨媽是貪你一封利是嗎? 以為比利是就好重情義嗎? 明年都不知還可以跟姨媽慶祝, 只是食一餐有這麼難, 要表示你對西餐的不滿嗎? 可惡!

由於我要早食早走, 見到姨媽, 都盡快影張相, 心裏好想喊, 唔知下年還可以合照嗎? 我相信姨媽應該開心, 有好多人一齊食飯..

不過這個生日有一件開心事, 因為我知道姨甥三號原來己信耶穌.... 終於在我的家庭裏有多一位基督徒, yeah! 原本是一個好"寸"既細路, 今日信主,, 希望他能得著更多平安, 喜樂, 有基督的恩典.

新招掟蕉

早前系電視知到黃毓文連同長毛系(無留意陳偉業呢個人)立法會掟蕉, 我實在覺得莫明奇妙, 滿以為只有長毛先做埋呢啲不文的舉動, 原以為佢會稍為好一點毓文, 卻真系叫人失望.

不論他的動機多麼振振有詞, 呢種行為我都覺得好幼稚, 難度除掟蕉他把口就唔用得咩, 大家都系覺得佢敢言才選佢, 我覺得香港既立法會點解突然間變為台灣國會, 又或變英國的國會國議(在國會內打交) 完全失禮, 點可以出手做埋呢啲咁失禮既事, 我經常問我啲朋友, 你有無去投票呀, 但系百分之八十都話比我知, 佢地上月無去投票, 唉! 我實在覺得大家唔去投票, 真系害死人, 選左一啲咁騎厘既人, 如果佢地所選既系區議員, 只為你個區做事, 我都覺得ok, 都系你自已受, 但系呢批人系立法會議員, 佢地系代表全港, 緃然自已個區無咩好既議員, 都要揀個唔會咁差, 正所謂兩害取其少嘛, 我想大家會覺得我而家先講翻呢件事, 系咪遲左啲... 都系既, 因為都唔咪咩新事. 不過今日再見到毓文講既野, 令我又再嘆為觀止先勾起我團火...

今日系網上新聞見到毓文話: 因為佢系立法會掟蕉, 所以令到特區政府放棄了為生果金定下入息審查. 一隻蕉就可以改變呢..真有趣... 如果特區政府的因為一隻蕉就改變, 哪麼下次再有廿三條立法, 我相信佢一要掟留蓮, 果中之王, 我想留蓮既驚嚇度及成效應該系滿分(我覺得好似系度睇緊聰明苯伯) ...."特首重傷咪講唔到野囉"..

我相信無呢種舉動, 也必定有好多人表達不滿特首既決定, 系因為反對既聲音眾多, 所以使這個議案改變, 但他佢歸功於自已掟蕉行動, 之前有40幾入人士投訴佢既行動, 佢地又話查過系同一批人投訴, 又話會睇吓投訴啲咩先會回應(你咪都系唔肯接受有反對聲音), 我好希望社民可以用一些動口不動手而有智慧的方式表達意見.

美味海鮮餐

細路仔時, 有好幾間食店系好想試吓, 第一間系鑽石山的四川擔擔麵(而家搬左去紅磡, 另一間就是竹園海鮮.

星期一慶祝好友阿毛既生日, 佢話好想食海鮮, 但平日去到西貢, 有啲系荃灣做野既朋友, 由荃灣去西貢再返元朗家, 平時放工都得翻半條人命, 放工都仲要咁玩佢, 系咪對佢嚟講太過激呢, 所以思前想後, 我地最後選擇去九龍城竹園海鮮..

呢間食店出名海鮮, 個人最低消費$150, 由二人套餐至十二人套餐都好吸引, 唔一定要散叫, 跟套餐食都好唔錯, 乳鴿, 蝦, 蟹, 魚, ,菜, 龍蝦, 鮑魚, 每人都算有足夠份量(大食另計), 我朋友就影左啲海鮮, 有興趣可以去下面個blog望下.

http://hk.myblog.yahoo.com/wkwcherry/article?mid=508&suc=1

呢間食店最大既特色就系啲食物好味度, 但無服務.

如果你系呢間店既老食客, 當然唔咪要求服務, 而系要求味度, 正如去太子金鳯食牛扒, 食到成身牛扒味你都話ok, 我相信竹園咁多年既買點都系食物, 而佢地最益街坊就系啤酒及橙汁任飲, 又無加一服務.

好公道, 無咩服務所以無要求加一服務, 總好過有啲食店, 無服務又收加一服務!

零的突破

每個人都會有自已的興趣, 大部份女仔的共同興趣離不開行街買衫, 男仔就離不開相機, 手機與影音電器!

數數吓自已在不同的年日, 有不同的花費嗜好:

1. 剛剛出嚟做事, 喜歡上買新衫(呢個嗜好到而家都無變過呀!hahaha)

2. 之後有一段時間又好鍾意買袋(比我發現在系年廿九去香港沙廠買袋系好平, 30蚊都有交易呀..hahaha)

3.有一段長時間又好鍾意買書(有好多到而家都未睇! 我會繼續努力清左啲書架! )

4. 有一段時間又好鍾意買CD

5. 又有一段時間好鍾意買護膚品(比人說兩說就買左一大堆野...啲人仲成日恐嚇我話我啲毛孔好大, 個幾廿歲既sales仲同我講: 你唔無介意, 睇你個樣同我差唔多, 但你啲皮膚咁差.., 我真系好想講句: 師奶, 我好介意, 你啲皮膚好好咩, 睇你同周啟邦夫人應該系同年齡呀!)

5. 舊年有啲好平既珠二成, 每次見到都會買一兩件

我有時都諗自已會唔會有購物病態, 買開停唔到手, 每個月都有一啲無謂既花費. 每季要清理一些舊衫, 我都覺得自己第時唔知會唔會好折墮, 不過一件衫要著到爛唔咪咁容易, 可能真系好似摩西年代的以色列人系曠野40年, 衫沒有穿, 鞋又沒有破, 咁點暢旺經濟呢...

繼中國系奧運有零的突破, 我都有零的突破, 剛過去既9月份, 我第一次無咩花費, 只系睇左一次醫生, 同朋友食左一次飯, 其餘的用錢都系返工搭車, 午飯, 無買任何無謂野(最緊要系公司附近呢排都無開倉..一班瘋狂既同事未出手呀!) 我覺得好有成功感呀!

可能因為要儲錢讀書, 都唔敢亂咁用錢, 原來能夠唔買野都可以好有滿足感!

升格

系過去幾年, 好多朋友結婚, 收到請簡都不是什麼新鮮事, 還好我的公司不是很多同事, 未至於好似一些朋友在銀行工作, 經常轉分行, 每年都幾個朋友結婚. 呢啲粉紅炸彈攻擊比對伊拉克武裝分子攻擊更厲害

剛過去的星期三是大侄女結婚, 拍了好幾年拖, 倆小口子終於決定結婚, 而佢的妹妹在12月也會結婚, 嘩, 一連兩做侄女都結婚了. 突然間覺得自已好似升格左(大家要記住, 呢個系我堂侄女, 佢系細我幾年咋!) , 我仲問我家姐, 唔知佢地到時會唔會話要敬杯茶比我呢個姑姐, 系眾目睽睽之下敬茶比我, 真系將我個年齡升格得好緊要....

可能已去過10幾個教會弟兄姊妹的婚, 大家的婚宴來來去去都系, 播結婚相(睇吓由細到大既外貎有咩改變), 講翻兩句多謝大家既說話, 切果個道具蛋糕(呢一招真系好...!), 唔知有無人結婚可以有多啲新意思