復活節 - 整餅

2個姨甥系佢地特然奇來有3個星期的復活節假, 成日都話要好無聊, 所以我都打算系今個復活節都會露一手, 話比佢地知會整香蕉蛋糕, 雖然街巿都可以買得到的香蕉蛋糕, 但系有得玩, 2個姨甥應該都好會好開心.

星期五返完教會, 我就去左買材料, 仲比我2個姨甥催我幾時開始整蛋糕, 我一心諗住今次都有2個"妹仔"會幫我手, 到我真系開始做蛋糕既時候, 梗系鷄飛狗走, 於是我又開始我的整餅活動, 如果你得閒, 都可以跟住呢個材料去做:

香蕉蛋糕:

香蕉 - 14oz (大概2條蕉, 最好系要有梅花點, 街巿啲買剩庶就最好, 出嚟的效果會香啲)

鮮奶 - 4oz (差不多125ml)

面粉 - 7oz (做蛋糕果種)

高筋粉 - 7oz (做面包果種)

發粉 - 1/4oz

蛋 - 7隻 (失溫, 先系雪櫃取出放涼)

牛油 - 2-1/2oz (要用熱水坐溶)

製法:

1. 將面粉, 高筋粉, 發粉一起過篩

2. 蛋和糕用打蛋器要打至cream 狀約8分鐘.

3. 香蕉和奶用機打勻, 但不宜加香蕉油(焗完出嚟都好似落左香蕉咁香)

4. 先將2和3倒在一起, 略打勻, 再將面粉分為4-5次落在蛋漿和香蕉內打勻, 然後再落牛油, 攪勻後, 倒入盤入, 再放入預熱的焗爐焗30-40分鍾. 爐火約170度.

呢個節系除左整蛋糕之後, 又系會一年一度收到家姐從澳洲寄嚟的復活蛋, 每次都有一箱, 但我地怕肥, 叫左家姐唔無寄嚟, 佢都系會寄嚟, 總之點都系一份心意, 所以系度都要講句: 多謝家姐! (不過次次啲蛋都寄到返香港都系散, 俗稱- 蛋散)

受難節 - 愛得默然

對一般人來說, 他們都只會知道有復活節, 但在基督教來說是有兩個節日, 一是受難節即是耶穌被釘死的那一天, 在這個節日裏也是猶太人一個傳統裏好重要的節日, 就是逾越節, 這個在兩個節之所以重疊在一起是因為當年猶太人將耶穌釘死在十字架上的那一天是逾越節, 而逾越節的羊羔也是就預表耶穌成為世人的代罪羔羊, 所以祂被殺, 受害. 在耶穌被釘在十字架上的時候, 祂說了七句說話:

1. 耶穌說: 父阿, 赦免他們, 因為他們所作的, 他們不曉得. (路23:34)

2. 耶穌對他說: 我實在告訴你, 今日你要同我在樂園裏了. (路23:43)

3. 耶穌見母親和他所愛的門徒站在旁邊, 就對他母親說: 母親看你的兒子.又對那門徒說: 看你的母親. 從此那門徒就接他到自己家裏去了. (約19:26-27)

4. 這事以後, 耶穌知道各樣的事己經成了, 為要使經上的話應驗就說: 我渴了. (約19:28)

5. 耶穌大聲喊著說, 以利, 以利, 拉馬撒巴各大尼, 就是說, 我的神, 我的神, 為甚麼離棄我. (太27:46)

6. 耶穌嘗了那醋, 就說: 成了, 便低下頭, 將靈魂交付神了. (約19:30)

7. 耶穌大聲喊著說: 父阿! 我將我的靈魂交在你手裏(路23:46)



今日的崇拜裏, 所讀到的經文是(路23:33-43), 這段經文提到以上的頭兩句耶穌所講的話: 父阿, 赦免他們, 因為他們所作的, 他們不曉得, 這一句說話確實充滿了愛和寬恕. 我們可以饒恕人的小過錯, 只要不是殺到埋身, 不傷及己己命, 都有可原諒的機會, 但耶穌講這句說話的時候, 正是對一群用言語致他於死地的百姓, 就是說要釘他十字架的群眾, 以及真正用釘把他釘在十字架上的兵丁, 其實耶穌甘願被人捉拿, 被人嗤笑, 被人吐唾沫, 被人釘在十字架, 所要寬恕的, 豈止這兩群人呢? 死亡的痛苦, 不會使他愛世人的心失去, 耶穌就在十字架上的表現出愛不後悔, 愛得勇敢, 愛是未曾保留,

正是這種默然的愛, 使他旁邊的犯人, 深深被耶穌所感動: 同樣被釘十字架的兩個犯人的其中一個犯人嗤笑耶穌你不是基督(即救世主)麼, 可以救自已和我們(路23:39), 原本也一同嗤笑耶穌的另一個犯人, 轉過來責被這個犯人: 你既是一樣受刑的, 還不怕神麼, 我們是應該的, 因為我們所受的, 與我們所作的相稱, 但這個人沒有作過一件不好的事(路23:40-41). 耶穌從被捉拿的一刻沒有為自已辯白過什麼話, 卻是默然接受眾人的誨告, 默然的愛, 使他旁邊的犯人感受到自己的罪和耶穌的無罪, 求耶穌記念他. 這可算是耶穌在死亡前前看到一個最開心的事, 就是一個悔改的人, 他雖然是犯人, 但他尋求耶穌的記念(尋求神的寬恕), 所以耶穌對犯人講了一句說話, 也是這個犯人離世前最開心聽到的說話 - 耶穌對他說: 我實在告訴你, 今日你要同我在樂園裏. 犯人在神的眼中被寬如了, 死亡常被定為痛苦, 無助, 但耶穌的死, 卻是為人帶來了祝福.

因他受的刑罰我們得平安, 因他受的鞭傷我們得醫治!

捐舊衫

早排我家姐搬左返我屋企, 人多左, 家裏就自然有所改變.

首先增添一啲傢俬, 好快媽媽就決定買一張上下格床, 但系有入必定要有出, 為左擺張床, 房裏的一個大櫃就要放棄, 這個系媽媽儲了多年以來的珍藏, 有佢年輕時代的舊衫(有啲系寶珠姐系粵語殘片可以見到的款色) , 亦有我地幾姊妹多年來的舊衫(即系由小學到而家, 幼稚園果啲系上次搬屋既時候就差唔多送晒, 但都有幾件珍藏, 佢仲話可以留翻比姨甥女著). 還有一些佢織比我地的冷衫. 好多時我地雖然不斷叫媽媽將啲衫送去教會或給有需要的人, 但系媽媽都無理我地, 其實一個女人曾經經歷過戰爭的痛苦, 對於任何有用的物品, 都系會儲起, 她除了覺得好浪費之餘, 呢啲衫對他來說是一種回憶, 亦都系精神支柱, 當她貧苦的日子, 就是這些衣物同佢共渡難關.

算了講翻正題, 因為屋企實在放唔落咁多野, 所以媽媽都忍痛叫我將一啲舊衫送去教會, 所以呢兩個星期我做左業餘咕厘, 搬左好多舊衫返教會, 今日我又要帶一大袋出門口, 等電梯既時候就見到一個隣居, 打聲招呼便一齊入電梯, 點知一入電梯, 一個三唔識七的樓上樓下(個樣系大陸師奶)就指住我袋舊衫問我, 呀! 呢袋咩嚟架, 佢雙眼簡直系發緊光, 個額頭系寫住: 如果你唔要袋衫就可以比我, 我好想要. 可以買到十幾蚊架. 我真系即時唔識反應, 個隣居知道我系拎返教會, 即刻代我講: 佢拎比朋友架.., 呢個樓上樓下好失望, 但啲口水差啲流晒出嚟.

坐小巴落到地鐵站口, 迎面又有一個大陸阿叔無la la 對住我笑指住我袋舊衫話: 咩嚟架? 無個額頭同阿樓上樓下一樣有一個印記(我好想要袋衫), 我心諗關你咩事呀!

唔咪掛, 而家啲人真系對啲舊衫咁有興趣, 為左十幾蚊都好主動wor. 香港人真系唔夠佢地爭呀!

讓坐 - 老人編

大家咪以為讓坐只是青年及成年人的專利, 原來老人家都可以讓坐的.

每日返工我都要轉一程巴士, 但都可以見到一點人生趣事就是 - 讓坐(又系講讓坐, 舊年先講過好似無咩新意, 咁睇埋落去先!), 呢條巴士巡環線, 雖然是只是幾個站, 但系因為系工廠區, 所以好多人搭, 但又唔知點解, 晨咁早又會有好多老人家搭, 所以近門口有個幾個門口位, 都有不明文規定, 啲後生仔又或稍為無咁老既成年人, 見到老人家都會自動彈開, 見到呢個情境都值得令人欣慰, 因為香港人表現出對老人家的愛心.

呢個讓坐的情境我是見慣不怪, 話說今日我在車上正望向街外的境色, 突然背後傳來一句老婆的聲音: 啊! 阿婆你坐呀! 你老啲呀! (嘩! 唔咪掛, 阿婆, 你都唔咪好後生wor, 雖然你出於好意, 但你咁講, 同埋你一把年紀, 你咁樣講邊過都唔敢行埋嚟坐wor), 阿婆想讓坐比另一個老婆婆, 咁果位老婆婆又講: 唔洗啦, 你都好大年紀, 你坐啦(吓! 呢個阿婆好似還拖似啲wor) , 果位婆婆又再講: 唔咪啊! 你坐啦, 你老啲呀! , 呢位婆婆又再講: 你年紀都好大呀! 你坐啦! , , 後生仔讓比就話坐啫! 你都好大年紀, 我簡就系見到兩阿婆好似系度斯殺, 為左"講坐" 差啲有流血的事件出現.. , 最後有個中年人即刻自動彈開, 比個位婆婆坐, 然後要讓坐的那位婆婆就問: 你今年幾多歲呀! 果位婆婆就話: 我今年87歲, 咁那位婆婆就話, 噢估唔到我仲大你一年添....

學投訴

由上個星期日開始, 遊戲節目掌門人又再次出期, 呢個都可算系可以捱咁耐都仲有好多觀眾的節目, 對於呢個節目, 都過去都欣賞設計節目的人, 可以諗出一些有創意的遊戲, 同嘉賓娛樂一番.

以為今次有咩遊戲可以有點創新, 誰知今次系玩埋啲核突, 拑鼻毛, 用膠紙貼人面而強力拉開膠紙, 用鼻孔吹BB..等等令人噁心, 低級趣味, 是真正的虐待, 變態的遊戲, 可憐既系啲嘉賓為左個節目仲要笑笑口話無事, 我啲屋企人睇完都話有無搞錯, 啲小朋友不斷話好核突, 好噁心. 呢個節目系我生平第一次要立即寫投訴去廣播事務管理局去投訴.

曾經去過明光社, 呢一個團體是一個關注傳媒、性文化及社會倫理的非牟利團體：希望本著基督教信仰，藉研究、監察、教育及出版等工作去關心社會、服務人群. 他們提醒巿民不要盲目地接了電視及報章上的訊息, 就是他們的提醒, 每當我看電視的時候不是人云亦云, 說好看便跟風去看, 我們經常被電視節目所深化, 口頭禪, 無厘頭句語都只算系小事, 但對一些色情文化, 就影響心遠而不自覺.

今日看到網上到廣播事務管理局收到54宗投訴, 我是其中一人, 雖然有人認同這個節目的手法不合當, 但節目主持人自驕, 無視這些投訴, 還自以為自已做得十分了得, 因為節目收視有29點. 說真的, 今日我們形做一個怎樣的世界, 我們的下一代就會是怎樣成長, 我們可以無視他們節目的作風, 但他日我們的下一代就可能會成為掌門人中的掌門人, 報章上變態主角的佼佼者, 如果大家看到一些有問題的電視節目或報章內容, 都希望大家可以表達你的不滿, 地球不單止在物質環境上要做修補工作, 人的心靈也要做修補工作.

廣播事務管理局投訢網址: http://www.hkba.hk/cn/complaints/forms.html

明光社的網址: www.truth-light.org.hk

知識與判斷

裸照事件在上個月才剛剛勉強算是告一段落, 由裸照風波所引起的一些道得, 色情的問題到現在仍然要一班家長, 教師引作反面教材, 教導小朋友有正確的觀念, 估唔到今日睇報紙系香港大學又出現一個翻版, 一個大學生遺失了"手指" - 記憶體, 而引起令一場裸片"唔咪螺片"風波.

對於上次事件的主角所做出的錯誤行為, 實在叫人驚訝現今的年代, 青年人的思想與作風是如此放縱, 雖然我有好多個姨甥, 而且有1個都已成年, 但唔代表我系老at at , 又或思想封建.

有道德往往被人錯誤地標簽為系思想守舊, 前人在為生命與個人品格上作一個嚴謹的操守就被算為老土, 但系每一個人對一些位置的人又何常不是對他們道德操守有要求, 我們對領袖和元首不也是要求他們品格正確, 廉潔公正? 相信我們不會期望自己的領導人是一個生活不檢點的人(暗地裏他是如何我們不知道, 但起碼他表面上都要做得好好睇睇), 否則克林頓就不需要因為性醜聞而成為全世界的笑柄, 既然我們對人都有道德上的期望, 這就不再算為老土與不老土的問題了.

藝人裸照, 我同事好想睇晒有咁多得咁多的照片, 好似當被人問到你有無睇過時, 大家都要講話有睇過才是最 in , 曾聽個一個電台節目, 一個家長說這件事對佢既小朋友好大影響, 佢都唔知點同小朋友解釋那個藝人的事情, 但原來呢個家長是緊追狗仔隊的報導...但還要叫小朋友唔無學啲藝人... 家長用什麼態度回應呢件事, 就會成為小朋友學習處事的態度.

當人傳裸照的一刻, 其實系通過你的思想, 唔應該只系推卸責說這是電腦世界, 按一下enter 就無責任, 其實你用什麼心態去看代這件事, 就代表你是怎樣的人, 原來知識不代表能叫人有判斷能力的思想, 就如大學生也一樣, 藝人這件事已街知巷聞, 但估唔到大學生仍然有樣學樣, 唔覺得自已傳閱這些片段是有問題. 在這幾個月以來, 我覺得作為香港人, 確實覺得有點"失禮", 我們並不是落後城巿, 主角的行為是不值得一題, 但傳閱者與主角也好不了多少, 與一些沒有智識判斷的人好似沒有多大的分別. 如果傳閱裸照而沒有覺得半點羞恥, 那真是我們的悲哀.

修剪

曾經系電視會看到一個港台做的節目, 講到早前有啲修樹的人其實對於剪樹唔知道點樣去剪, 只知要剪得棵光秃秃就好似完成左修樹的"工作", 結果棵樹可能被鋸到重傷甚致死亡.

由我屋企到教會的途中, 我亦都睇到有兩棵樹:

有一棵系生長系一間學校裏面, 有一年夏天的某一日, 經過時見到呢棵樹鋸得光秃秃, 心想棵樹完全鋸到無晒葉, 只系淨翻支主幹, 棵樹會唔會死架, 但唔知點解到春天的時候, 呢棵樹開始出左好多新葉, 而家正棵樹茂盛過以前.

但呢一棵樹生長系山邊, 論地勢, 呢棵樹唔會阻礙到人, 但又系唔知點解比人鋸到光秃秃, 我心想, 呢棵樹應該都系去到春天既時候就會出好多新葉, 亦都會變得好茂盛, 點知一過去, 第二年過去, 第三年亦都到了, 呢棵樹都無出過任何一支新葉, 我想棵樹應該重傷到死左.

同樣都是鋸樹, 但可以有不同的結果, 有的變得更加豐盛, 有的卻重傷不治. 我想人生命都系一樣, 神在人生命裏, 用左好多不同的經歷, 將人好多唔好的東西修剪去, 使我們唔再系一些自我中心, 睇唔到別人存在的人, 生命就變得越來越堅壯, 但系有一些人的生命好脆弱, 唔可以一下子剪到"乾乾淨淨", 否則就藥石無靈.

問題是誰去修剪, 修剪的人對樹的認識有多深, 人和樹都一樣有能經得起重大考驗的, 也有人要慢慢一步一步的改變, 每一個人都必定要經歷考驗的階段, 誰是強者? 並不是讀書了得的人, 又或有好多錢的人, 而系能面對逆境而敢於向前的人.

只是我往前行, 祂不在那裏, 我往後退, 也不能見祂, 祂在左邊行事,我卻不能看見, 祂在右邊隱藏, 我也不能見祂, 然而祂知道我所行的路, 他試煉我之後, 我必如精金(伯23:8-10)

城門水塘到大埔

上次因為跑馬拉松, 所以我都無咩力再去行山, 但今次又系我做領隊, 其實我都唔咪對路線好熟, 只因為我聲大大, 有貨買, 啲人仲以為我系經常行山, 其實我識的路, 十隻手指都數得晒.

今次我地由城門水塘行去鉛鑛坳再行到大埔, 呢條路系我地傳道人之前行過, 佢話以佢既年紀, 同埋婦孺, 都系行左3個半鐘頭, 咁我地呢啲年青力壯, 應該可以行得快啲.

哈哈, 今次我有好多教會以外的朋友都參與, 我只系邀請左一個朋友, 點知佢叫左老公, 妹妹, 妹妹的男朋友, 妹妹的男性朋友, 我另一個舊同事, 同埋再加多個佢剛認識無耐的朋友. 都人才仔仔.

雖然今次唔咪行馬騮山, 但系都仍然有馬騮出現, 沿途我地都見到一隻半隻馬騮, 望落去呢啲馬騮都唔咪好兇惡, 等我仲以為佢地都系全部慈良既時候, 就有一隻應該系雄性的馬騮出現, 唔知佢系咪要為成家人搵野食, 佢單拖對住我地18個人, 都諗住向我地落手, 望左我地好耐, 圍住我地又行左好耐, 睇吓我地有無惠康及百佳袋, 如果我地真系有, 我相信佢一定會偷襲我地, 佢個額頭刻左個勇字, 無懼我地18個人的眼神系好堅定, 不過佢如果過嚟, 我地成班男士都應該會將佢變成. , 之後再見到一雙馬騮系個垃圾箱搵野食, 突然間又覺得呢啲馬騮好可憐, 佢地無什麼東西可以食, 可能真系餓左好耐....如果佢地唔咪會襲擊人, 我諗其實有好多人會樂意比啲野佢地食.

成個行山既高潮就系個分享(hahaha當然唔咪因為我成班朋友讚左我好多句話我系好好朋友, 好好好朋友.., 但比我睇到系佢地心目中的我又系點樣, 有點感動, 又有點唔好意思...話晒都比人讚左幾句, 我相信佢地一點唔咪作野..), 我地系呢個分享可以聽到大陸對宗教開始再開放一點, 以前唔比人去講信仰, 而家系可以比人去講信仰, 只可惜如果做左一個官, 佢地仍然唔可以有信仰, 因為有信仰就即系無份工, 直到佢地退休才敢系眾人面前承認自已系基督徒.... 無論如何, 我地仍然會尊重佢地的選擇.

返教會- 六號仔與七號仔

兩星期前六號仔突然同我講阿姨, 我要返教會, 而阿七號仔因為見到六號仔嚷著要返教會, 一向唔會執輸的佢又話要跟埋一齊返, 兩個仲話比我知佢地以後個個星期都要去教會, 我好開心, 因為好希望佢地可以系教會成長, 能認識耶穌之餘, 有一套康健的價值觀.

未到星期日, 他們期待的心情是令人興奮的, 教定鬧鐘, 講定幾時出發, 完左之後要幾時同婆婆飲茶. 返到教會大家都鼓勵佢地參加主日學, 因為大人崇拜以唱詩和講道為主, 但主日學會有故事或遊戲. 可能佢地初初返主日學, 唔咪好投入, 但佢地完左主日學之後, 六號仔不斷要我教佢唱果首詩歌, 七號仔又講比我知佢地有玩遊戲(不過六號仔果班呢次無野玩, 我估一來時間唔夠, 二來有一個有過度活躍的小朋友當日返左嚟, 佢地驚佢玩得太癲失控, 無玩遊戲六號仔是幾失望)

滿以為第二個星期兩個小朋友也會繼續, 但系唔知咩事, 小朋友的興奮又好似比一盤水淋息左, 又不大願意跟我去教會, 雖然有點失望, 但唔知道佢地唔咪發生左啲咩事, 但佢地唔願意講出嚟, 無辦法啦, 希望佢地可以再次開開心心返教會.

巧合vs恩典

早兩星期前跟大家分享過我的姐夫到家裏擾攘, 當時我們頗擔心, 由於他的情緒激動, 不知會發生什麼事, 只能做的就是立刻祈禱求神保守我們一家平安, 也求主讓這個人的情緒問題可以得到康復, 其實我地唔咪有深仇大恨, 如果他能夠康復也是一件藉得高興的事.

我們不知道神可以用什麼方法去解決事情, 我們也不知自已可以如何應付將要來的事情, 但好奇妙, 自從這天發生事情以來, 醫護人員便帶左佢去醫院作檢查, 本以為幾天便會出醫院, 但到現在, 他仍然要留院觀察, 就系咁樣, 我們得到了一點的安寧, 神的恩典是夠我用的.

好多未信的朋友對於祈禱所帶來的合到好處和平安往往只說: 呢啲都系咁喬啫, 是的有時單單一件事發生在個人身上可能只是巧合, 但如眾都的巧合走在一起就不是巧合了, 而是神的恩典了.

恩典是神的一種禮物, 將一些不應該比人的東西, 卻比左人. 或許你會覺得我系消極主義者也好, 我認為好多事情不是自已想有就一定有, 或你是誰配有擁有, 又或要爭取到底也未必可以擁有. 每一日差不多都有家庭爆力的事情, 系地鐵開始多左一啲和諧之家的廣告, 系我教會裏所處身的band 3中學, 很多學生都面對家庭問題. 雖然我只系住公屋, 但我有一對愛我的父母(雖然呢排阿媽同我開左幾次火, 阿爸又成日系度依依吟吟), 同家姐的關係又和諧, 仲有咁多個可愛既姨甥系我面前轉嚟轉去, 比起報紙上既主角, 我是 , 是滿有恩典!

討厭group assignment

讀夜校往往好容易識好多唔同的同學, 特別系marketing的科目, 阿sir & miss 好鍾意做group assignment, 呢種群體學習其實是一件好事如果大家都系想真正學習.

過去2年的夜校生活, 識左幾個好同學, 真的能夠互相幫助(當然唔咪互相抄功課), 一齊做功課, 一齊比意見, 一齊溫書, 一齊做運動..差啲仲一齊跑馬拉松...

今個學期系呢個課程最後一科, 同樣又系要做group assignment, 而阿sir 為左大家可以有多點的實戰機會, 於是經常玩role play, 由於阿sir 系鬼佬, 局住大家做role play既時候都一定要講英文, 就系咁可以睇到啲同學系龍定系鳳, 我所指既, 唔咪英文流利與否, 而系學習態度. 正如阿sir 講, 講得唔好唔緊要, 嘗試對我們將來先至有好處, 雖然我英文都唔咪好流利, 如果殺到埋嚟, 我都會嘗試, 因為我的客人都系外國人, 條利打晒交都要厚面皮咁對住佢地講英文.

不過就系呢個英文role play環節, 令我見盡啲同學幾咁有"義氣". 同組6個人, 每次有3個同學已經好高姿態表示佢唔會做role play, 好似我地系佢馬仔, 必定系我地負責咁, 真系好想同佢講, 我同你唔咪好熟.....

尋晚的課堂, 有4個同學系為左避阿sir點出嚟做role play, 打算將個波交比我和另一個同學, 休息的時候就落左街去煲煙, 煲左40分鐘先入翻課室, 然後就問我和另一個同學, 系咪已經做完, 實在忍唔住講左句: 你就想.

好討厭呢類同學, 好彩只系仲有5堂, 對耐啲都死呀!

食燒鷄

唔知由幾時開始我屋企人好鍾意去旺角既德興酒樓, 其中最大的原因為呢間酒樓的燒鷄真系一隻幾好味的燒鷄.

我唔咪好鍾意食街外什麼叉油鷄, 白切鷄, 因為街外的燒臘, 都系血淋淋

星期日系我媽媽生日, 平時我地都系系屋村附近的酒樓叫埋幾個親飲完早茶, 夜晚再食多餐, 但系今年新年後大舅母剛過世, 大家無心情, 所以不打算出嚟食飯. 但一家人總要食一餐.

由朝中午, 我們就已經去左德興飲茶, 當然都系例排食燒鷄(仲叫左3隻燒鷄), 咪以為佢地就咁收手, 因為爸爸當日要返工, 所以無享受到, 所以夜晚又再嚟呢間酒樓, 平時出去飲喜酒, 大家都多數會食唔落, 將隻燒鷄留翻比主人家享用(如果擺足40圍, 可能有40隻燒鷄, 拎出街買都唔錯..), 但當晚我地系食盡晒, 都咪話唔勵害...

有一個小片段是令我難忘的, 今年我姨甥一邊讀書, 一邊做part time(佢都只系賺錢買game 玩, 同賺錢買花帶無咩分別) , 但系在我爸爸媽媽(即佢公公婆婆)生日的當天都比左少少錢佢地做生日, 忽然間覺得佢大個仔嘞, 雖然錢唔咪好多, 但一點心意系令人欣慰.... (如果識得如何教導小朋友愛家人, 唔咪只系爸母會比四百萬給一個孩子, 分分鍾佢地比翻八百萬父母...)