解暑

大家對於家居要解暑你會有咩方法呢?

踏入夏天, 我們家都有好多不同的解暑放法:

爸爸: 好鍾意去買嘜瓜嘜瓜: 西瓜, 哈密瓜

媽媽: 去煲一煲冬瓜水, 涼茶

家姐: 去買涼粉

我: 樓下士多未被領匯逼遷時會買雪糕返屋企, 又或煲一大煲酸梅湯!

剛過去既星期六, 日, 是熱到爆燈既日子, 氣溫去到34.X度幾時候, 一慣好少開冷氣媽媽及我, 都好想開冷氣, 但我地系要保持被動既姿態(十足十花師奶一樣) , 於是我媽媽問入嚟我家過夜既姨甥一號仔:

我媽媽 : 天氣咁要熱, 如果你怕熱, 可以開冷氣..

我 : 系囉, 如果你覺得熱, 真系可以開冷氣

一號仔 : 唔洗LA, 我可以唔開冷氣, 都唔咪好熱啫, 開風扇就得

我媽媽 : 唔緊要, 我怕你熱, 開啦, 我都覺今晚有啲焗..

我 : 系呀!

一號仔 : 婆婆, 我諗住將來做消防員, 而家咁樣既溫度都捱唔住, 我第時點做消防員呀!

真系超激O咀! 就憑住呢一句, 作為我姨甥解暑之道!

當晚我地幾個絕對好似乾蒸燒賣系個蒸籠鍛鍊左一個"燒房員"之夜..