堅強

由去年年尾家姐就面對家庭/婚姻改變的問題, 我想每一個女人都唔希望自己婚姻破裂, 而我家亦都唔咪一個思想開放的家庭, 但大家一直都知道真正的原因不是出於我家姐, 而是另一方, 我們深信分開不是壞事, 作為信徒的我, 信仰雖然不鼓勵離婚, 但有時我會認同離婚系兩害取其小的做法!

家姐其實在多年的家庭生活裏都系一個盡心竭力的人(其實我每個家姐都系一樣, 佢地經常形容自已系女傭都過系老婆...) 一齊開支, 照顧小朋友, 家務都由佢包辦, 不論我們覺得她是否真的幸福, 但是她沒有什麼怨言! 不覺得有不幸, 就就她的幸福, 她的福氣!

我知佢會有唔開心, 因為離婚唔代表事情結束, 如果簽一個名就代事情的完結, 我想系容易得多, 而另一半又經常為她及我們整個家庭帶來很多困擾, 這才是沒完沒了的事.

家姐我每不斷為你祈禱, 一直都求神保守你和小朋友有平安! 你要堅強呀! 我們一家都支持你!

終於系上星期五即為左小朋友的安全問題, 家姐決定搬回我家居住了, 當聽到呢個消息, 我的姨甥六號仔第一時間通知我, 佢好高興, 同媽媽一齊買袋執拾行理, 我聽到呢個消息, 我都高興, 因為呢個決定都系對佢地較好, 屋企細, 會逼啲, 但一家人逼啲都開心. 六號仔搬翻嚟的第一晚, 佢地好似人地去宿營, 玩到唔想瞓, 見佢地咁開心, 我都好開心.

說到六號仔, 不得不讚佢, 好明白媽媽, 又好會照顧只有一歲大的妹妹, 又好識得讀書時讀書, 做埋功課先去玩, 唔會人擔心, 知道明年讀小六就要升中學, 會為自已將來著想(比我當年醒好多, 我果時唔記得左果時我仲好似系一舊飯...)

兩天前, 姐夫嚟我家, 仲出動到警察要帶小朋走, 警察嚟我返而覺得安全, 我知道事情之後, 打左個電話翻屋企, 聽到六號仔把聲, 我問佢而家情況點...佢簡略之後, 就對我講: 阿姨, 我已經祈左禱la! (六號仔, 你好叻呀!)

以下是我的祈禱:

主啊! 求你保守我家姐及我一家的平安, 姨甥及爸爸媽媽會有害怕, 但求你保守他們有平安, 姨甥在世上未必能有好多父愛, 求天父你的父愛雙倍的賜比這兩個小孩子, 好讓他們體會你所賜給的愛勝過世上的父愛! 啊們!

今次的事件雖然看似是一件不幸的事, 但天父會將咒詛變為祝福!

我將這些事告訴你們, 是要叫你們在我裏面有平安, 在世上你們有苦難, 但你們可以放心, 我已經勝了世界(約16:33)

你當剛強壯膽, 不要懼怕, 也不要驚惶, 因為你無論往那裏去, 耶和華必你的神必與你同在(書1:9)

馬拉松2008

等左好耐, 終於到左跑馬拉松的一個禮拜! 今年其實都系一個好有意義的一年, 因為今年有北京奧運, 作為香港人, 今年跑馬拉松就一定會記得...hahahahah

比賽前既呢一個禮拜, 系我進入作戰的日子, 我要練跑練跑再練跑, 但系唔知點解, 之前跑到一個鐘, 但而家跑得都系只有45分鐘....星期五再練跑既時候, 好彩教練都比左個秘技我, 就系....唔無再練跑la...(睇我個樣都面青口唇白, 可能擔心要幫我call白車), 星期五唔無食咁多碳水化口物既野, (啫系咩嚟架呀教練..), 星期六就盡食多啲碳水化合物既野(啫系粥粉麵飯囉...) ,咁就可以將多啲糖份儲存系肌肉裏面, 跑既時候就可以有力啲..., 系真唔咪呀! 估且信住先啦..

我話左比我啲屋企人知, 我星期日晨咁早會跑馬拉松, 我啲姨甥好高興就話希望系電視裏面可以見到我(千祈唔無呀, 通常都系跑到要送去醫院的人先至上電視, 我真系唔希望上鏡呀...)

呢個星期天氣都系好凍, 我不斷祈求神給我一個最適合跑馬拉松的天氣, 13度..會唔會冷親呢? 我都好擔心, 年初二睇完醫生, 年初七先好翻晒, 跑既時候仲要著短衫短褲, 好驚又唔小心再病過...主啊! 你保守我唔無又冷親呀....

星期六10點就去瞓覺, 星期日零晨4點起身去搭車, 我心諗咁早都應該無咩人搭地鐵, 點知架地鐵人多到好似平日去中環咁, 個個都全副武裝, 一付戰鬥格.

原本我系跑Run 2即系6:10的一場, 但系主辦單位安排放行理的地方, 單系排隊都搞左半鐘以上, 放好個袋再行到起點都6:30, 由Run 2 變左Run 3 - 6:40分才開跑, 沿途仲見到阿喬寶寶著埋超人衫, 帶埋個撒雅人頭嚟為大家打氣...真系嚇到唔記得左咩叫做凍........

終於開始起跑, 但我覺得好似百萬行多過似跑馬拉松, 人多到成條東區走廊都系跑手, 跑左2公里, 我就諗我會唔會由3公里開始行到終點呢...唔得! 呢個念頭唔可以有, 最少到要跑一半... 跑左好耐都唔見3公里個牌, 有無搞錯架, 但無耐就聽見個工作人員話: 仲有400米就有得飲水架啦..咦..即系我已經跑到4公里...好辛苦, 但飲左水之後, 個人又好左好多, 於是繼續.

以我之前既經驗, 停左再跑會仲辛苦, 所以我盡量唔比自已行, 慢都要系跑的動作, 但系無辦法, 上斜我終於放棄, 行上去算吧啦! 就系咁由6公里開始, 行完再跑, 跑完再行, 7公里, 8公里, 9公里, 好開心, 我好快到10公里, 進入維園的幾百米, 見到有好多途人為在比賽人士打氣, 仲唔知有無人影相, 如果上埋電視, 比人見到我只系行翻去, 都好樣衰...因為呢個心態, 我最後200米後都系跑到終點...hahaha

感謝神, 我能夠完成馬拉松, 好開心, 完成既時間比我之前預計快左, 我以為我要跑最少1小時20分鐘, 而家系1小時9分幾. 而天氣系最適合的一年, 唔太凍又有風, 大家都話跑得好舒服, 個朋友都話神聽左我祈禱, 天氣出奇咁好, 如果出年我又跑, 佢都會跟我跑...再次要感謝主呀!

翻到屋企個姨甥再次追問我, 阿姨, 點解唔見你系電親上面出現架..

年又過年

大家見我過年到而家都無寫blog, 可能仲以為我好富貴, 更系去年恒生指數上到3萬幾點既時候賺左一筆, 又或匯豐低到落104既時候入左貨, 新年去左比平時貴成幾倍既旅行團. 熟悉我的朋友都知道, 新年我系甚少做富豪出門, 就算比老細逼我放晒啲年假, 放成十幾日, 我都系會留翻屋企發霉, 一來可以補翻咁來以嚟既睡眠不足, 二來我覺得新年系應該同家人系埋一齊咁先至有feel.

年年新年都無咩特別, 年廿九系公司做阿四, 但系好開心, 我祈禱左好幾日, 希望老細比我系五月做完展覽之後可以去荷蘭參加個朋友的婚禮...hahaha老細終於比我之後放三日假...(唉! 只系三日都咁難放, 你地可想而知我老細幾咁唔鍾意人放假)

年三十晚就系屋企做阿四, 做阿四之餘我都會閃出街數吓貨先翻屋企繼續, 原本話唔去最後我都同我家姐去左香港沙廠買掃平貨, 雖然我個心裏面系好明白: 特價無崖, 回頭是岸, 但系件件差唔都系三十幾蚊有交易, 點都要唱旺一吓經濟.

年初一系發覺自已又仲招, 好彩我都唔咪好迷信, 唔咪阿玲玲又會話我犯太歲, 年初二知道個位好勁既醫生(唔再搵阿靚仔醫生嘞, 佢真系得個樣...同我唔夾呀!) 都有開診, 我真系要感謝佢新年都唔放假(系果個時我真系覺得阿醫生, 你好偉大呀! 藥費仲唔會話新年要收雙工...), 食左藥, 就好似個廣告咁...佢同我好夾呀! 下午已經好左好多. 隔左兩日, 再去睇多一次, 今次就真系康復晒啦!

原本呢個新年打算備戰馬拉松, 但我真系病到成條虫咁, 日日系屋企瞓, 不過因為瞓得好充足, 我都覺得皮膚都好左.

歡樂時光過得特別快, 十天系假期就系咁無晒....

城中熱話

我好朋友都知道我的姨甥七號仔, 與現在城中熱話的主角同一個名, 只不過個寫法唔同, 當年呢個明星出道既時候, 剛好七號仔出世, 又咁喬我家姐偏偏要改呢個名? 我都好心叫佢唔無改呢個名, 不論呢個明星留芳百世或是遺嗅萬年, 七號仔去到邊都會比人笑足一世(就好似歌手李隆基, 同唐明皇系同一個名, 都比人笑啦...) 但系我家姐好堅持咁話: 個名系我改既, 我又唔咪抄佢, 寫法又唔同, 我唔會理人點諗, 我一定要改呢個名...唉算啦, 七號仔系你的生既, 咁系佢阿媽, 你話點就點啦!

系播! 我都仲未問七號仔, 有無人整古佢問佢攞照片呀, 大家都系朋友.....

果日系份頭X日報上面見到一班藝人話批評將啲相章貼在網上, 系社會的悲哀, 無錯呢個人的做法真系幾粗劣, 如果果個系你個女或你個仔, 你會點呀(不過佢應該都無咩人性, 所以唔會諗呢樣野) , 但系對於班藝人協會所講的一翻話, 令我回想在911既時候, 有人質問基督徒點解神會容許有呢點事情的發生, 葛培理牧師個女回應: 當教會教導人道德的時候比人話落伍, 教道人要對人友愛的時候, 被人笑, 但今日卻有人問點解神容許.

是的, 李大導演拍完一套"斷脾山"之後, 仲比佢攞埋個最佳導演, 拍完一套"識戒", 大家仲問剪片的時候偉仔同湯嚟果場戲剪左幾多, 大家都說呢種就是為藝術而演出(藝術有好多種- 文學, 繪晝, 音樂, 舞蹈, 雕塑, 建築, 戲劇, 電影. 不是單一的只有肉體才能表達藝術既精髓), 同樣不難想像會有淫照的出現. , 大家歡喜看狗仔隊的報導, 於是呢班狗仔隊就用任何手段去找一張可以製做話題的相. 而呢班為搏出位的少年少女, 又為左可以成為明星, 願意犠牲自已最寶貴的貞潔, 社會悲唔悲哀, 取決於我們如何建立一個健康的社會, 多謝一個基督教團體 - 衛偉城文化中心, 佢地經常去到校園裏教導人貞潔的重要性. 希望呢個貞潔運動可以得到各家長的支持, 給青少年人有一個正確的人生.

我想今次的主角除了要面對放縱情慾的後果之外, 也是一個對他們的家庭與愛情一個大考驗, 有時想到在婚禮中, 新郎和新娘都說會無論疾病, 貧富, 吉凶, 禍福..都會愛對方一生, 現在真是一個試金石, 好讓他們學習: 愛是恒久忍耐, 又有恩慈, 愛是不嫉妒, 愛是不自誇, 不張狂, 不作害羞的事, 不求自己的益處, 不輕易發怒, 不計算人的惡, 不喜歡不義, 只喜歡真理, 凡事包容, 凡事相信, 凡事盼望, 凡事忍耐, 愛是永不止息(林前13: 4-8)

團年飯

之前都講過公司"飯聚"系唔可以唔去的, 而我啲同事個個都好期待去呢個飯聚, 點解?

第一, 因為上年食過果碗海皇翅, 讚不絕口, 知到有一個同事食海鮮會敏感的, 佢地即刻話"幫佢口"食埋佢.

第二, 雖然公司會計問供應商攞翻嚟的禮物都比晒大陸做抽奬禮物(但系如果剛好系公司要用的物品都會留為公用), 但系老細都好識做, 每人都預備左一份禮物, 但又要保持神秘. 由老細親自派比員工, 當然唔少得多謝老細同老闆娘啦!

老細好少會被員工早收工, 但佢為左打麻雀, 佢都比大家可以在一年一度的團年飯早收一個鐘咁大把去娛樂吓.

去食團年飯的時候發生了一個小插曲, 話說老細走左之後, 我地打算等埋個倉務同事一齊搭車去, 但佢突然話無人話過佢知要食團年飯, 好決絕咁話佢唔會去, 因為阿媽已經煮左飯, 但系佢唔出現的話老細就會對阿會計同事發脾四, 於是大家都合力用盡好多方法叫佢去. 我都未見過咁麻煩的男人, 要6個女仔圍住佢都唔肯去, 仲要系條街拉住佢都唔肯上車(搞到其他男人好羡慕, 呢個男人有咩好, 竟然有6個靚女圍住佢, 佢地實系心諗: 我地既條件都比佢好, 又無人圍我呢? 有無搞錯呀! 新蒲崗有呢種服務我地唔知架! ), 原來佢比同事話左兩句就發脾四(無野呀嘛, 公還公, 私還私嘛, 做男人邊可以咁架) 卒之班同事用左一個鐘頭先叫到佢去! 比我就唔理佢, 做男人點可以叫班女人系條街咁又拉又扯架, 火都嚟埋!

其實話份禮物要保持神秘, 但個個都知系咩, 就系寶品(同事話都過千架, 我都話呢個老細幾好唔咪太差, 淨系唔比人放假呢樣唔好之嘛), 呢排病到唔顏六色, 用佢嚟補一補都不知幾好, 但如果呢盒野交比阿媽去煮, 就會變左千年人參, 佢會將盒野埋系至陰至寒既地方 (唔咪重病都唔會拎出嚟食). 佢早幾年買左果啲人參, 都怕且可以幫到啲重病既富豪, 有起死回生既作用呀!

慈雲山到飛鵝山

前一陣子又開始了行山的興致, 跟教會幹事相量過後, 我們開始了頭五個月的行山活動. 今次既活動又系我同幾個第兄姊妹一手籌劃(去年年尾同今年年頭我都唔知點解咁多事工要負責, 唔緊要, 我覺得呢個事工都好有意思, 能夠有益身心), 今次我改左個幾有意思既名"向山舉目, 向山舉步", 如果有唱過呢首歌詩篇121篇, 大家都知道向山舉目就是尋求神的幫助(咁多事工要負責真系要救主幫助呀).

今次的行山路線系由我們的教會開始, 即系慈雲山開始到蠔涌, 上次行反方向的路線都可以見到維港加西九龍, 唔洗諗今次系可以見到維港加鯉魚門. 呢次我地有幾個新朋友仲帶埋媽咪嚟, 咦? 我地行成3-4個鐘唔知佢媽媽頂唔頂得住, 希望條路線對佢唔會太辛苦. 點知呢位媽媽行左唔夠15分鐘的樓梯就已經氣踹, 唔緊要, 慢慢嚟, 我地等埋你.

上到慈雲山就有一間士多, 果度有豆花食同紫背天葵(個名好似武俠片既天山神水咁), 可能行到大家都餓所以大家都食得好開心(其實都只系行左5分之1 我地就掛住食)

感謝神, 今次行山天氣好好, 個隊友前一天試路都有好多煙霞, 呢日我地就可以見到維港真實既一面.

唔單止, 仲可以近距離見到高清發射台, 系呢度祝大家新一年, "步步高昇", 電視機遲啲"部部高清".

行到去個飛鵝山分界線, 有一個涼亭, 我們就在這個地方唱詩, 分享, 又可以繼續欣賞維港景色! 唔單止, 仲見到有機部消防車添...哈哈唔咪掛, 唔通前面有山火?

由於隊中哪位媽媽能源已盡, 我地系一隊添嚟架嘛, 我地便轉了路線, 改由飛鵝山莊完結. 但系山上我地仍然可以見到我地原本要去的濠涌

住左系飛鵝山附近十幾年, 都唔知有個飛鵝山莊, 真系笑話. 間間都系豪宅, 仲有埋"食Q"系到看守, 可惜呀..都唔見有一個富豪經過添.....

希望下一個月的行山都系咁正啦.