彭牧師, 我們懷念你

昨天是教會聖樂同樂日的日子, 同樂本是歡喜, 但卻收到一個不喜的消息

彭牧師已主懷安息了!

雖然只是上了8堂彭牧師的課, 我實在欣賞你, 牧師隱藏了自已原來患了cancel, 己到了末期, 他只簡單的說自已是呼吸系統衰退, 頭腦簡單的我, 當時還以為真的是可以年老力衰的原故. 妄想他只是開玩笑.

每次看到他步行到課室都好吃力, 心有點不忍, 雖然我好想聽你講課, 但我情願你休息減短課堂, 只是你愛教學的心沒有因為死亡快到, 你推卻了我們的好意. 因為這是你深明死亡的逼近, 最後一次教導, 不論在你堂會內或在救世軍裏, 你都沒有改變心意. 在課堂上你每咳一次都表示歉意, 別人不明白, 你更謙卑的說是自己講得不好, 主啊! 你給了我們何等樣的牧者呢?

當我要為教會寫月報分享季題時 - 生命的冠冕, 我想你就是一擁有這冠冕的人了, 在未知病情時, 你早有意回饋母會, 為靈性貧乏的我們盡一點力, 你對基督耶穌的忠心, 對教會內外的弟兄姊妹愛心, 凡認識你的人都知道你的忘我精神是配得的.

我深信你對教會弟兄姊妹的付出沒有白費, 他們因為你的愛心而堅守在主裏, 我為能上你的課而高興. 遺憾的是我曾好想發一個電郵給你, 寫出這一課的感想, 己及對你教導的感謝, 以為你沒有哪麼快被召回家, 可惜已沒有機會, 還好在有一天我們會在天堂裏再遇, 如果我記性沒有退去時, 我仍會向你說出這一句 - 多謝你!

彭牧師! 我們懷念你!

天堂鳥

兩個星期前我又要幫教會插花, 每次插花, 我都唔會好似啲高手, 去到花虛都唔能夠好爽快決定買咩花, 因為以前買花系下午3-4點, 原來好多靚花都比人買左好多, 所以而家我都醒左少少, 1-2點去買, 起碼都多點選擇.

好想試吓插天堂鳥, 插啲唔同既花, 又可認識一唔同品種, 上次插繡球落花泥, 第二日就死左, 好彩我鍾意買多少少花, 預定補救用, 所以喜歡插花既朋友, 盡量少用繡球吧!



今次自已都蠻喜歡呢次傑作, 所以比大家睇一睇!

巴黎 - 不知名的菜

講埋言一篇, 巴黎的旅程算是告一段落.

離開巴黎的前一日, 下午三點多, 我和朋友都好心急趕住"收檔", 對今次的展覽的情況是我意料中事, 但沒想到比想像還要遠. 算吧! 下次再努力!

朋友說要去LV行一行, 我便帶她去了, 之前已說過有好多行理, 所以我都無打算買什麼或幫朋友帶什麼. 但去到LV見到個匯價跌左咁多(不過比起歐羅6.5或7.2的年代, 10.4仍然算不得什麼) 都有點衝動, 但我要儲錢讀書, 所以最後都系無行動.

朋友就思前想後(用左個半鐘諗買唔買, 以及買邊個, 個匯價低唔低..), 終於都買左她的第一個LV, 然後我們終於可以去食飯.

我們搵餐廳的目標以價錢為本, 絕對無我個客請食飯果種豪氣, 見到一間餐廳, 人好多, 價錢又抵, 一定無死錯人既, 於是便入內進食.

我們見到隔離枱的食物都唔系咩野, 個待應不斷同我講法文, 咁無辦法啦, 我只好佢講阿拉伯文, 點了第"8"個:



一塊好似薄餅的東西包住香腸, 菜, 火腿, 蛋, 我淨聽到個待應話系好TYPLICAL既唔知咩菜(我估系屋企自己整PIZZA, 然後拉薄個皮, 再放翻呢啲配料都可以) ，所以我特別影左個國旗比大家望一望, 如果你地知系地球上邊一個國家, 請話聽比我知, 起碼我都叫做食過一"不知名"國家的菜.





第二日, 回程時在機上隔離位是一個法國太太, 因為中午機, 大家都眼光光瞓唔著, 她用了謹有的英文不斷交談左, 就系咁就完結左12個小時飛行返到香港.

巴黎, 藍色鐵塔

唔知點解, 今年好少舊同事去呢個展覽, 舊年就算公司只有我孤零零一個人, 但有成班舊同事轉流一起食晚飯, 都覺得好易過, 佢地啲老細唔知系咪預知有金融海嘯, 半年前已經話唔法, 唉! 想搵個人食飯都有難度..

一如往年, 去法國一定要去Leon, 相信好多去過法國既朋友如果試過Leon的青口, 一定會鍾意, 今次有一個廠同事第一次去法國, 我已賣晒廣告呢啲青口好好味, 所以佢都好期待去試一試.

雖然朋友難約, 但就約左個識左八年, 一直都無生意來往, 而又十分卡通, 個樣好以日本漫畫人物的日本人, 佢雖然十分搞笑, 但系佢都系好似日本老人家, 唔鍾意食法國餐, 鍾意食中,日餐, 不過同樣佢都好喜歡食青口, 所以邀請佢一齊食.



食左咁多次, 都系覺得青湯原味青口系最好食.

食完之後, 我帶個朋友去遊鐵塔, 去到見到鐵塔時, 今年個鐵塔竟然變左藍色..



哈哈哈, 唔好意思, 因為我無軟件將張相放翻正, 不過藍色鐵塔依然難得一見.

適逄剛巧9點鐘, 鐵塔慣例是會不斷閃燈, 所以多加一層詩意.. 如果系紫色, 我諗會浪漫啲.

我問過一個法國人, 點解今次會見到藍色鐵塔, 他說因為呢六個用法國系歐盟中個領導國, 所以鐵塔除了系藍色之後, 仲掛左好多粒黃色星星. 想見藍色鐵塔, 最好快啲去法國..

巴黎 - 又第一次

實在好唔好意思, 個客人真系盛情難卻, 可能見我"孤兒仔", 所以第二晚個客又話請我食飯, 呢晚系萬勝節, 又系星期五, 所以都好多人出街, 西方人跟東方人好唔同, 中國人到左7月鬼節, 你叫朋友出街, 都話要早返屋企, 驚撞鬼! 西方人到鬼節個個都系"夜鬼", 所以東方人叫佢地系鬼佬, 鬼婆, 鬼妹及鬼仔絕對適合.

今次客人又帶我地去試另一家餐廳, 系我以前未食過, 呢個國家除左美國戰艦都應該無咩人會打算去, 登登登登, 就系伊朗..

同樣呢間系客人常去既餐廳, 對我嚟講就真系新鮮, 香港都應該好少有, 如果有大家不仿介紹一吓..

唔講咁多, 先嚟個頭盤\

大家估到系咩嘛?

其實我都唔知系咩, 一堆好似薯蓉既物體, 又有一罐好似美國鮮茄汁焗豆, 再加2件好似用醋做成既珍珠鷄, 個客介紹完我都唔知系咩嚟, 總之一句..講咁多.食啦!

用一片薄餅包住嚟食, 都有啲似北京片皮鴨! 講唔出個味道, 勝在有特色.. (通常啲介紹美食既節目, 食到一啲麻麻地好食既野, 又唔想踩到咁盡, 都系講呢幾句!)

好! 嚟主菜



呢碟飯真系有啲特別:

1. 佢話呢2串肉, 一串系牛肉, 一串系羊肉, 我食到尾都覺得2條都系有穌味, 跟本分唔到邊串系羊, 邊串系牛.

2. 第一次食飯加牛油, 估唔到又幾特別, 以為好難食, 原來唔咪, 牛油加系飯面, 都好香(如果大家常試記住用咸牛油, 還可以加一些香料或black pepper, 呢個舉動即刻令我想起細個既時候, 將練奶加系白飯(我諗大家細個都無我咁巔), 以前阿媽可能想我介奶, 於是將啲練奶加系飯裏面, 大家唔無以為好甜好難食, 味道同茫果糯米飯差唔多, 唔信你試吓..

呢個餐廳我只記得點去, 所以唔能夠講個地址比大家聽..

巴黎！ 法國大餐

舊年去法國, 有一個客人好好, 只見過我一次, 又知道我一個人去法國, 於是我老細講, 我去到法國, 佢會請我食飯... 我仲記得呢個客人上次帶我去既一間餐廳, 佢話個廚師系法國十大廚師, 總統及政要都系去佢間店食飯...但系個廚師系旁邊一條小街, 又開多一間餐廳, 裏面的廚師系呢位廚師既徒弟, 價錢可以慳翻90%...

上次個客請我食飯時介紹左我食牛扒, 果塊五乘熟既牛扒, 我同果客都鋸左成個鐘都鋸唔完, 最後都系放棄, 於是我好懷疑呢間餐廳系咪真系咁好食..

今年個客又話請我食飯...一般老人家都唔會搵啲新餐廳, 我估計我又會去呢間餐廳, 果然不出我所料..

今次我系呢間餐廳點了一個法國田螺及一個羊排, 大家可以先見一下個買相..



呢個田螺真系好好好好味... 牛油加香草浸住田螺, 用麵包浸在牛油裏, 索左啲牛油加香草, 食落口..真系好好味..(返香港先慢慢減肥..)



我朋友就食左個鵝肝醬, 嘩!又系好好好好味, 當然好味過我系超巿買既罐頭多多聲..好清甜, 入口即容..真系超好味呀! 不過好容易"漏"..食到半路先記得影相.



其實食完頭盤加麵包, 我都包左50%, 但見到個羊排, 都好想食...嘩!



要比十粒星..個羊排好好味, 雖然有少少穌, 但好嫩, 好淋.. 頭盤系EURO 13, 主菜系EURO 22, 未計其他, 佢系貴啲, 但以法國餐廳嚟講又系名廚, 都好藉得去試...

如果有機會去巴黎, 記住試吓呢間餐廳, 地址而家無系手, 搵到再補上個blog.

巴黎！ 第一次

今次去巴黎都有好多第一次既事發生..

法國系一個自由國家, 由於當年法國系非洲及美洲建立好多籍民地, 所以現在法國裏面都有好多不同膚色的人..

由香港到巴黎, 剛好坐在我旁邊的是一個非洲人, 是一個純黑色, 不是朱古力色的非洲人, 呢個黑人系只有掤牙系白色..

一般嚟講我都好少會同啲唔熟悉既外國人傾談, 特別系咁"黑"既人傾談, 因為一個唔合理既想法, 認為黑人與南非黑人差唔多, 又將他們與拉登連上關係呀...SORRY!

不過呢個非洲人已經移居法國, 佢講左幾次比我聽佢個國家名, 我都唔咪好記得, 只知道系摩洛哥落啲..佢仲佢系美國讀左幾年統計學, 好自豪要經常出國, 去過好多國家, 而今次被人邀請去到馬來西亞聽講座..

系飛機上, 我問佢有無去過karaoke, 佢話無, 不過好想知系咩嚟架, 我講完比佢知, 佢仲問我如果系非黑開呢門生意有無得諗..我話比佢知: 有! 不過要睇佢可有幾多錢投資..(希望你唔咪要開大陸式既Karaoke啦).呢個黑人都算健談, 佢仲話會一定記住我wor..

黑洲人經常被歧視, 黑人能有所作為, 都不是一件容易既事! 奧巴馬, 我希望你系有材能但唔偏坦弱勢社群, 做個公義及有智慧的美國總統!

巴黎！ 個人展覽

好快又一年了! 如果大家仲記得舊年我系巴黎發生咩事 - 巴黎公共交通工具大罷工, 我要行足三個幾中先可以返到酒店. 大家不用擔心, 我絕對唔會比自已重滔覆轍, 如果再有罷工, 就算歐元跌到落6元, 我都唔會再去幫人買LV...

由於9月開始, 全球經濟下滑, 所有貨幣都跌左最少兩元(之前咁高企, 都要多謝布殊政府攪到個美國經濟太差所至), 系出差前一個月, 啲朋友已經叫我幫佢地買紅酒, 買LV, 買鵝肝醬.., 大家真系以為我出差真系好似以前老細潤我地咁講: 你地開開心心咁去巴黎, 開開心心買野返香港..(最慘就系叫我買野既朋友, 以前都同樣要出差知道辛苦, 但就唔買任何野, 到佢而家唔洗出差, 就話有錢買......真系作死!)

不過轉左呢間公司, 樣樣野都要我一個人負責帶過去展覽, 單是行李都有3-4件(2個辦箱, 2張大海報, 再加自已私人行李, 每次出差我都覺得自已咩咁多行李好似一個流浪漢, 所以朋友既"托運"都比我拒絕晒....

去年唔洗擺展, 好輕鬆! 今年又是一個新挑戰, 一個人擺攤位(大家無睇錯, 系一個人) 人生確實無咩人有可以有咁既經歷, 一人攤位, 又唔咪老細, 奇哉奇哉!

金融海嘯系9月開始, 歐洲經濟咁差, 我估計今次都系變左做4 日看更, 無生意又唔可以離開個攤位..唉! 翻到香港仲要問責..絕對系死路一條.. 唉! 我不入地獄, 都有人推我入地獄...

未去法國前都有壓力, 雖然我思想上覺得應該無壓力, 但我見到自已雙手經常震(應該唔咪柏金遜), 可能擔心會否有任何方面遺留, 到時都要一個人面對..., 落機的第一天, 一個人去攤位做set up佈置, 雖然唔咪好有創意, 算是不過不失. 第二天, 感謝主, partner 有一個法國朋友過嚟我個攤位, 雖然佢年紀唔細, 是一位好nice既老人家, 法國人給我印象差, 睇唔起人, 自視甚高, 他是緊有我覺得nice既法國人. 有時多得呢位老人家, 否則洗手間都無得去呀!伯伯, 好多謝你呀!



待續!