今年第三次

第三次la, 今年第三次打風, 仲要一個近過一個, 估唔到今次仲要系香港登陸, 掛埋9號風球...日間時份曾經天文台仲話可能要掛10號..

之前個颱風由預計吹去福建, 到現在直接吹去香港, 尋日同事已經好似放長假既心情, 大家都話要系"於假"之前做晒所有工作, 第二日要約埋一班朋友去打牌, (呢啲心情一定唔可以比老細見到) 我呢? 經過上次打風出事, 臨放工前都通知啲客人, 明天打風, 急事來電.

小時候打風, 試過打兩日, 媽媽及街坊師奶都會買幾日餸, 而家可能經濟好左, 打風都唔敢掛多過24小時, 只系一日貨仔, 媽媽都系咁依, 買斤菜(可能系我屋企個雪櫃及罐頭可以有一個星期的餸).

自從返工以後, 都好耐未試過可以成日系屋企睇奧運, 雖然只系打乒乓波, 但都好精彩.

另外又好想打風既日子系屋企整吓野食(haha, 我個心都系認定成日放假, 補翻上次打風要返工既損失), 最後都系諗住今日做春卷! 由於我唔咪專業師父只系買左啲火腿及芽菜做函, 我諗大家都會認為春卷函咁少野架咩, 無錯, 所以系屋企個雪櫃裏面比我搵到兩樣唔同既野: 豬頸肉及芝士....

先煮熟啲函, 然後再用春卷皮包好, 以中火炸至金黃色, 即可..



大家咪以為隻碟只有3件, 即系我只系做左３件, 又或只有３件見得人, 我炸左12件食到最尾先記得影相比大家睇.

原來加左芝士既春卷都幾好味, 姨甥六號都比面食左一件. 無咩笑容咁話, 都幾好味..

快樂嘉年華

今年系教會25周年, 所以系上星期日搞左一個嘉年華會, 5年前的嘉年華會我團契都要負責一個攤位, 當年有朋友一手包辦, 所以好輕鬆, 唔雖要諗咁多, 但今年再搞嘉年華會, 就親力親為, 仲邀請左以下人幫手:

1. 姨甥六號, 七號(其實佢地系玩多過幫手)

2. 行山一族的朋友: 有朋友既男朋友, 又有差利及佢個侄女, 本來阿毛都系外援, 但佢因為做左一個好心人, 收養左2隻有病既貓又要帶隻貓去睇醫生, 所以開show前一晚先放我飛機(算啦, 佢咁有愛心, 唔同你計較)

之前已經同啲朋友傾好要做一個咩既攤位, 就系踢拖鞋, 呢個系掌門人好耐以前既遊戲, 系嘉年華玩, 都應該會好受歡迎!

星期六晚開始動工做呢個攤位, 只系做一個招牌再加一塊佈境版, 由5點半做到8點半, 估唔到咁少野7個人幫手都要整左3個鐘. 都未完全做起成個攤位...

到星期日, 嘉年華會開始之前一個鐘先真正放裝飾好晒.... 登登登登...都算唔錯掛, 啲波波有好多公仔系路人1, 2, 3 (即系我2個姨甥及朋友個侄女)畫既.





嗚謝: 3位半model 擺出唔同既post為這張相帶來唯一既動感..

為左塊版唔會系頭五分鐘就比啲小朋友踢散, 牧師建議我地做多層保護, 呢張相遠睇唔多覺, 但近睇既時候, 你會以為塊佈境版去過四川, 比人包扎左好多次.., 後面仲有好多"義肢"頂住..

當日未開始有好多朋友已經嚟試吓能否過關, 原來踢拖鞋都唔咪人人得, 有啲小朋友玩左5-6轉都唔都踢唔過, 但都仲系要排隊再試, 實在多謝你地既參與...

今次嘉年華, 唔咪單單有小朋友參加, 老人家都唔少, 有啲公公婆婆玩完再玩, 點解? 因為有禮物呀.. 但唔知公公婆婆換埋啲玩具嚟做咩呢?

好快2個小時既活動就完結, 大家都滿載而歸! (特別系路人1,2,3, 佢地既戰利品多過啲公公婆婆呀..

最後要感謝神給與一個好天氣, 單單系星期六日無落雨, 你話系咪好奇妙呢?

天有不差之風雲

我曾估計, 昨天是掛不成8號波, 點知一早起來, 昨天北晃來到, 帶來昨天的休息.

誰知今天返到OFFICE, 又面對整天的惡夢.

打開電郵, 即見到客人的電郵, 急追交貨, 問我點解尋日唔回覆佢, 尋日打8號風球點返工呢, 於是系個客未開工前即刻覆左佢電郵系星期六出貨.

點知, 個客以為我有心避佢(雖然有想過, 但都無避過呀), 就話我欺騙佢, 唉! 仲要我毫無條件出貨, 對我投不信任票, 人真系現實, business is business, 仲要收左貨, 他檢查晒啲貨滿意才付錢, 唔知今次呢件事, 我系一世無人工加, 還是要即刻執包服, 好彩早兩日敏感, 醫開左一粒強勁的瞓覺藥比我, 如果唔咪今晚一定瞓唔到覺.

以下是我的祈禱:

耶和華是我的牧者, 我必不至缺乏,

祂使我躺臥在青草地上, 領我在可安歇的水邊,

祂使我的靈魂甦醒, 為自己的名引導我走義路,

我雖然行過死蔭幽谷, 也不怕遭害, 因為你的杖你的竿都安慰我,

你在我敵人面前, 你為我擺筳席,

你用油膏了我的頭, 使我的福杯滿溢,

我一生一世必有恩惠隨著我, 我且要住在耶和華的殿中, 直到永遠. (詩廿三篇)

救主憐憫!

我家的第一次

如果我同大家講一件事, 大家聽左好可能有以下的反應:

1. 唔咪掛

2. 你講笑啫

3. 你系大陸偏遠地區住架

系香港呢個繁華都巿, 大部份既家庭都有買冷氣機, 但系我家咁多年都無買過 - 冷氣機, 主要原因有幾個: 我住個座大廈系半山, 又住系30幾樓以上, 個單位系座北向南, 冬暖夏涼, 最重要系我體質又唔咪寒底, 又唔咪燥底, 又唔咪好怕熱 (有時夏天風扇都無開, 阿媽即刻問我系咪有病)

冷氣對於我家系一個偖侈品, 我地唔咪好窮, 但覺得無必要每月比多成千蚊電費, 由於屋企而家人多左, 啲姨甥系屋企既時候, 成日都話好熱, 佢地由細開始都系冷氣兒童, 成日都心火盛(我相信佢地絕對系燥底, 仲心中有幾團火添), 媽媽未到夏天, 已經叫我地買一部冷氣機, 捱左咁多年無冷氣, 突然要買冷氣都有啲唔習慣.

差利有個朋友, 系一個至叻精明眼, 比佢格過價, 簡直寸草不生, 經過佢介紹, 我都買左一部算平既兩匹機牌子機(當然唔咪二手啦).

買機既第一日, 大家都新屎坑, 即刻開冷氣, 點知凍到大家都話要即刻要蓋棉被, 第二日起身見到我媽媽仲著左件長袖羊毛衫... , 好彩無冷病咋...

高級餐廳

上星期六我們為好朋友差利慶祝生日, 幾經辛苦, 大家才約好一個日子, 又經過成個月大家討論, 想去一啲未試過既餐廳, 終於決定去邊度食晚飯慶祝生日都系一個月之後既事. 如果每年都系諗咁耐, 白頭髮都多幾條呀!!

果日去到海港城, 搵左好耐都搵唔到rice page呢間餐廳, 我諗啲朋友想叫我出翻部有GBS既電話, (如果我話比你知我唔咪好熟識海港城裏面啲商店, 一定唔會話我系大陸嚟, 但我又唔咪遊客, 又洗咩一定要熟識裏面既適店呢? 我又唔咪做上巿公司, 都唔洗系呢度買衫扮高貴...)

平時去開啲"平民餐廳", 大家都可以高高興興"大聲啲", 但我只系大聲啲講左句"乾左呢杯果汁", 即刻比我朋友話, 呢度系高級餐廳咪咁大聲.... 吓... 好高級咩?

系我眼中高級餐廳應該會:

1. 個個waiter/waitness都應該執得好整齊, 起碼都唔咪著"爛佬鞋", 但呢度... (扮 in 都系唔應該)

2. 個位應該系有較多私人空間, 唔咪隔離將枱既人可以同你扼到手.. 但呢度.., 隔離枱個位人兄近到可以間中同你吹吓水.

3. 個環境氣氛是播吓啲有情調的音樂, 咁客人就會自然會講說話都細聲小小... 但呢度... 就系嘈到好似一般茶餐廳, 所以我大聲啲講句野唔咪我錯呀...

不過呢間餐廳啲waiter都算系好有禮貎, 可能再加上我朋友中有一個識得個waiter supervisor, 招呼好週到.

而最令我認同佢地系高級餐廳當然系埋單個時呀...hahaha