八號風要返工

每逢系太平洋有颱風, 我家姐就會開始進入二度空間, 諗住幾時會掛8號風球, 估唔到今次比佢幻想成功, 一直都有留意網上 "風暴最新消息"的我, 系尋日下午知道掛左三號風球, 當然照例上網睇下個颱風最新走勢, 發現個颱風竟然直吹香港, 仲好可能會殺到埋身, 清晨最接近香港, 作為打工仔, 有多半日假休息都開心(但最緊要人人平安).

不過正在開心之際, 老細個客嚟左香港, 通常個客嚟第二日就會見我, 咪即系....如果真系打風, 其實呢日對我都咪真系咁爽....之後聽到老細叫我有重要野先同個客講..咁我就拿拿淋即刻搬晒成個office 過去, 講左無耐個客就話, 其實仲有野想第二日傾, 咁就問我: 我仲有野想同你明天傾一傾, 但打風你返工點呀...我當然系要保持笑容180度咁講: You jump I jump... oh sorrry 唔咪, 應該系..You come I come 啦....

由於應承左個客, 今日一早起身, 雖然見到掛左8號風球, 但系我都忐忑不安, 幾點返公司好呢? 9點鐘仲系8號風球, 9點半仲系8號風球..個客到左公司未呢? 唉! 算啦, 未落波都照換衫出門口, 落到小巴站, 原來真系無車, 仲想返轉頭之際, 又比我見到部的士...

到左公司樓下, 真系有啲後悔, 大廈管理處都未開閘... 唔咪掛.. 好彩停車場有開, 上到公司..唔咪掛, 老細同個系仲未返.., 早知我就唔洗咁早, 好彩佢地5分鐘之後都返左嚟.. 平時只有掛8號風球趕返屋企, 今日第一次掛8號風球返工原來都幾孤單架... hahaha, 我實在要向轉班工作的護士, 警察, 以及看更叔叔至敬..

好彩有祢

做廠的朋友, 大家都有同感, 工作上, 成日都系鑊鑊新鮮鑊鑊金.

由於我的工作上都仲未有好多訂單, 對於現時的訂單都會好著緊, 但系每次大陸廠比的難題唔到死期都唔會話你知. 話說我負責的一批貨到7月中就要出, 但系呢日個大陸採購就同我講, 你落單時確認左話訂呢啲配件架, "你確認左呀", 而家呢啲配件唔合用呀, 咁點呀, 推卸責任系佢地一慣的作風, 事實我有責任, 但大家都有錯, 好擔心, 因為個客系識左好耐, 跟我走左幾間公司, 都仲比野我做, 我實在唔想有咩差池, 或者太耐無呢啲"危機訓練", 一時間都唔知應該點做, 個心情低到落谷底... , 祈禱系我第一時間去做, 求主耶穌幫我, 系我心情極差的時候, 我回想著: 神所賜出人意外的平安, 必在基督耶穌裏保守你們的心懷意念, 不過系呢個時刻可能太down, 我唔知神可以點樣幫我解決呢個問題.

而呢個問題連繫到要同老細講, 以前的舊老細, 只要我地諗到方法解決, 又唔會浪費, 都好容易處理, 但而家的老細, 一到下午5點鐘, 佢對耳仔就已經收左工, 講極佢都話唔明, 佢話要第二日返到廠了解左件事先再決定..唉! 我知道我的出路只有繼續祈禱..主耶穌無其他方法可以幫到我, 惟有你呀!

到第二日, 我叫大陸採購將啲文件比老細睇, 等佢地的消息話可以點樣做, 最後採購回覆, 老細話已訂的物料留待其他單用, 而即刻訂正確的配件做貨, 感謝主..這是最正確的做法, 不過問題系供應商話新的配件要到7月先到, 但過左唔夠半個鐘, 採購同事又再比個電郵我, 話原來倉庫系有配件, 再抽調其他單的配件用, 剛好夠呢批貨...呢個時刻我真系感動到好想喊, 因為主耶穌你真系好呀! 你所賜的平安真系出人意外, 尋日採購覆我無配件,(雖然佢地之前又無查清楚) 今日竟然可以有齊..

入學面試

早前我同朋友一齊報左理工大學的一個課程, 原本上一個星期六要去面試和考入學試, 世估唔到呢一日未瞓醒個朋友就ring個電話嚟, 話黑色暴雨, 唔知洗唔洗返工和去入學面試...(又會咁喬, 仲系咁落雨, 唔通連個天都唔鍾意我.)....當然結果系, 大家多左一個星期六上就休息(其實都無得休息, 因為淨系睇住部電視個警告幾時取消, 就要幾時返工, 都睇到早上十一點)

最後上星期六的考試和面試都要取消改為今日. 今日下午一點前就要報到, 有啲緊張, 因為唔知考啲咩, 要寫啲咩野, 大學職員之前講系考我啲英文寫作, 到我打開個考卷時, 真系唔咪好知可以寫啲嘜野, 個題目系: 你覺得你可以對你現正報讀的學科可以有咩貢獻..., 我朋友在旁一直問我你明唔明個題目系問咩呀, 我朋友確實唔知佢把聲的音頻偏高, 我就音頻偏低, 我其實有啲擔心佢問得咁大聲, 前面果行一定聽到晒, 一陣比職員人取消大家的資格就死啦..好快一個鐘就過去, 考寫作的, 通常都系叫人老作, 作左4版紙, 希望唔算離題.....

好啦又到面試的時刻, 祈禱先.. 最緊要震定, 唔震定都要扮老定, 我朋友面試完時就好想話比我知個考官問佢咩題目, 不過佢出嚟我都要即刻入去.

感謝主, 個考官問的問題都系我之前同朋友估計的問題, 不過個考官都唔咪好認真聽我點樣答佢, 算啦考完就算, 得唔得都交比神.

我朋友就有啲失落, 她後來話比我知, 個考官問佢: 其實你應該讀碩士唔咪再報學士, 令到我朋友當時都唔知點回應.... 最後考官再加一句, 你應該認真考慮要報碩士呀...

長洲環島行

三個星期前, 剛落機的那一個星期日便要負責教會的一個長洲環島行, 雖然今次出差幾咁慘烈, 但系長洲環島行系一個好吸引的活動, 我又系負責人, 而我的朋友又一齊參加, 縱然攰到成隻狗, 但我都要行行行!

一大早就入長洲, 前一日已經有朋友去過探路, 大概要行3個鐘左又就行完, 首先我地用左半個鐘行上長洲最高點, 沿途經過小長城, 又有好多石形 - 花瓶石, 人頭石, (無多啲想像力, 你真系估佢唔到呀), 真系好輕鬆就上到山頂, 仲可以望到山下個長洲巿集. 在山頂上做了一個簡單的崇拜, 在大自然的環境裏感受宇宙主宰更覺得好近.

行左一半路程就回到巿集的地方, 好彩大家都堅持行完先食午飯, 所以我地繼續上路. 沿途我仲行到去建道神學院, 好耐無去過. 去到分叉路, 大家猶豫是否去張保仔洞, 唔行唔知道, 呢個張保仔洞竟然吸引埋啲日本人, 連介紹都有埋日文,

唔知系咪因為張保仔系海盜, 吸引左祖先系窩寇的日本人wor.... 之前同個朋友講開, 日本人的祖先都系中國人啫, 所有的文化都系從中國而出, 系囉系囉, 所以釣魚島系中國應該無錯架..

呢個張保仔最大的特色, 我相信系個洞系海盜界嚟講系最細, 細到咁都可以藏個人, 我有理由相信張保仔系瘦既, 仲系矮既. 而我就欣賞洞外的石裂得有型有格.　系裂得有道理呀！　

整個環島行最只有四個人完成! 完成之後大家系巿集當而系要"掃食"一番, 如果好耐無去長洲, 一定要試下果度的大魚旦, 六蚊一串, 一串都系得兩粒, 因為一粒等於平時的三粒咁大, 食完一串, 包你想食多串, 但系精明既朋友們, 如果想買啲返屋企同家人分享吓, 千祈唔無系買小食的魚旦檔買, 茶餐廳阿事頭婆同我地講, 行多兩步路系街巿買平成半, 我同幾個朋友都買左磅半返屋企, 當晚屋企的蝗虫家族就以極速食晒啲魚旦...無得留低..

多看一二, 少看八九

系今次呢個機場黑仔日記裏, 我在飛機上看到一篇文章, 覺得好有意思, 在這裏分享給大家:

"多看一二, 少看八九"

有一個富翁, 在新年時想在門上貼上一些對聯, 於是他去搵村裏面一個出名的詩人, 怎樣也邀請他寫幾篇, 於是詩最終無奈答應了.

第一天詩人派人送給富翁的第一篇上聯是寫著: 多看一二, 富翁看完, 完全唔明詩人所寫系咩意思, 心裏大為氣結, 但仍然貼在門上.

第二天詩人又再派人送上第二篇, 這篇是寫著: 少看八九, 富翁看完, 心裏火了, 大叫大嚷: 呢個詩人都唔知寫咩, 收左我錢, 寫啲咁既野,

系呢個時候詩人再派人送嚟第三篇, 這篇寫著: 如意人生, 富翁搖搖頭說: 村裡既人都講呢個詩人有學問, 其實都不外如事.

系富翁旁邊一個僕人就講: 老爺, 其實呢幅對聯大有學問: 人家常說: 人生不如意事十之八九嗎? 呢幅對聯就是教導世人少想那些失意的八, 九件事情, 多看那如意的一, 二件事. 如此才能知足常樂! 於是富翁就二話不說將呢幅對聯貼系門上.

引用: 幸福處方 (作者施以諾)



雖然今次坐飛機有好多唔如意事情發生, 但系神比我有平安, 又可以再到荷蘭, 己經系好滿足!

黑仔的第二頁

出咁多差未試過咁樣呀, 去又唔見行理, 返香港仲大件事!

由荷蘭返香港當日, 劉大哥一家見我地下午3點幾機, 劉太就打算中午又再整一餐飯比我地食, 實在覺得太麻煩佢地, 於時我同劉太講: 早餐食多啲, 唔洗食午餐, 就系咁樣, 我一大朝早就打破晒過往記錄, 食左3個佢地專登做比我的熱狗(有麭, 有腸, 有蕃茄, 有菜.....)差啲飽到唔識得走呀...其實真系唔捨得走..

新郎和新娘為左多謝我地由香港參加佢地個婚禮(最主要我朋友幫佢地做左好多襟花), 佢地話要送我地去機場..

去到機場都系歐洲一般機場---> 混亂一片, 每次見到呢個場面我都會覺得香港的服務點旨一流, 簡直系入世界五大. 現在歐洲開始使用自助check in 機, 呢啲機好似方便左旅客, 但系從佢地的工作態度嚟睇都唔見得有咩幫助. 我朋友因為由香港直飛到荷蘭, 所以荷蘭已經有佢啲資料, 但系我因為先去意大利, 再去荷蘭, 部壞鬼自動機就無我啲資料, 而部機又唔識得話比我知要去另一個counter 先可以check in , 咁我就同個朋友一齊排隊等磅重和check in , 都唔知歐洲人點解做野咁慢, 用左成個鐘都只系幫左幾人磅重, 到我埋到去磅重時都只系得翻40分鐘就要上機, 個counter 姐姐就同我荷蘭朋友講, 我唔咪系呢道排隊, 要去另一邊先得, 唔咪呀嘛!

我立刻走到去佢所指的地方排隊, 我諗好多歐洲旅客都好似我一樣, 唔知佢地的安排系咁差, 個個旅客都系緊急個案, 有幾個旅客同個職員講: 我地班機仲有5分鐘就開, 比我地做左先... 唔知大家估唔估到我塊面青色的程度去到邊, 我仲有40分鐘佢地都唔會理我.. 等到仲有25分鐘時, 我荷蘭朋友見情況有得不妙, 就問吓個職員可唔可以幫我做左先, 個職員查電腦後就話比我知:　小姐你班機的機倉已截左寄倉行李，　你的行理我地唔會幫你寄的，　但你而家仲可以帶住見另外一件手提行李上機，　大件行理你要自已處理??? 有無搞錯呀! 我再問, 你今日唔寄, 但下一班機先寄我都得架..個職員話: sorry! 我地系唔會幫你寄, 如果你再唔check in, 系班機關門前趕唔到班機門口, 你仲要再買另一張機票返香港...KLM.....

好在我當時仲未有高血壓, 如果唔咪可能第一次享有旅遊保的運送服務.

我知道呢個時間唔咪再同佢地理論, 拿拿淋將我公司要用的辦拎晒落個手提袋, 一邊又叫我朋友幫手, (大家可以想像一吓, 銀行劫匪用槍指住個啲銀行職員叫佢地將啲錢放系個袋的情境, 就我當時既情境), 用左3分鐘的時間執行理, 再用5-7分鐘過海關check 行理, 跟住仲要行錯左路浪費左2分鐘, 再跑去18號閘口, 我背部已經咩住幾十付辦, 又拎住一個10kgs的手提行理, 想跑得快都幾難, 眼見前面有個工作人員開著一部拖車, 如果我唔咪跑到無氣, 我一定會叫停佢, 載我上閘口. 可幸早排跑過馬拉松練過氣, 否則我諗我今次一定趕唔到, 跑到去閘口, 上左機5分鐘就開機, 雖然趕到機, 但系我只系得翻1/4條人命(半條都無), 開機成個鐘我都仲未驚完...

大家可能仲記得我有件大件行李, 點辦呢? 我荷蘭朋友幫我執翻好個行李, 就去KLM counter 理論, 但系無論佢點講啲人都系同佢講: 我地知公司系有問題, 我地都知道, 但KLM系唔會受理, 你都系將件行李用貨運寄返香港先, 結果, 我朋友用左EURO 118將件行李寄返港, 而取行理並不是大家平日所見到的客運大樓, 我系要去同啲"打大赤立"的運輸佬去排倉取件, 入到機場貨運站"焦急一號", 比啲人點左兩個鐘先攞翻件行李, 過程喊得一句句.

荷蘭的中華婚宴

系荷蘭的第三日,終於到左我朋友婚禮的大日子.

由於女方家人都系香港人,佢地好多方式都系跟港式一樣, 朝早就去接新娘, 玩新郎遊戲, 下午就去巿政廳去簽紙結婚. 由於好多親友都系講廣東話和普通話, 所以整個儀式都系由荷蘭文和廣東話配合而成, 都幾有趣(起碼聽得明), 簽紙儀式結束後, 大家一齊吹肥皂泡讓一對新人走出禮堂, 好一個"肥皂泡婚禮"幾浪漫, 不過絕對唔咪肥皂式婚姻..

同香港人樣, 結婚儀式之後晚上都系有結婚酒的, 似乎無咩特別, 但系特別就特別在系荷蘭擺飲宴系同一晚會擺兩次, 因為中國酒樓已經唔多, 如果好似我的朋友人緣廣, 朋友多, 酒樓最多只可以擺到廿圍, 要擺三十圍就一定要罷兩輪, 第一輪系六時入席, 七時開席, 八時無得食, 九時就送席, 然後就第二輪系十時入席, 十一時開席, 十二時無得食, 一時送席...大家估系我系幾時入席呢?

通常有一家大細, 又或自認系長者, 主人家都會安排佢地頭圍用饍. 自認系年青一輩, 縱然個肚餓到震, 都唔會同老人搶食頭圍, 所以主人家見我地面色紅潤, 有氣有力, 擔得抬得, 一付"一點唔瞓誓不罷休"的樣, 就安排我和我朋友系後圍用饍, 食多兩件. 第一次十點鐘飲宴婚, 你咪話唔特別, 除了系肚餓到唔識叫之外, 我覺得自已好似坐長一次長途機, 因為主人家簽紙儀式結束後就未夠4點已經載左我地去酒樓食一個酒樓三寶---> 楊洲炒飯, 乾燒伊麵, 乾炒牛河...直至酒席結束返到朋友家足足有11個鐘, 系呢11個小時裏面, 我系同一啲幾年前有過一面之綠但又唔認得我地的朋友傾左成晚....

其實主人家佢都唔想後圍用饍的朋友悶到發霉, 所以專登搵左一個識整香檳的朋友嚟, 而主人家的表兄弟姊妹見我地由香港嚟到, 份外表現佢地既好客之道, 每一個人見到我和我朋友, 都拎一杯香檳比我地試...又不斷講笑話..實在好多謝佢地, 所以單系去厠所, 都令到啲時間過得好快好多....

我地終於等到10點, 終於開席, 啲餸同香港的差唔多: 乳豬, 蟹蚶, 魚翅, 龍蝦, 魚, 鴨,.. , 唔知系咪餓得太耐, 又飲得太多, 結果都唔咪食左好多就已經飽了..返到朋友屋企都已經系零時3點...

系外國結婚真系唔容易呀...