我的第一次 - 五日內睇四次醫生

大家有無發現我隔好耐無寫blog, 又或無瀏覽大家的blog, 原因系我澳洲的家姐帶埋三個仔女返左香港, 用晒啲工餘時間倍佢地, 其次就系我都病左成個禮拜, 第一次系病左5日內睇左4次醫生. 破左我一生人的記錄.

點解睇咁密? 病發第二日就去睇醫生, 都系我平時睇開0個”靚仔”醫生, Oh no! 食左藥第二日, 起身的時候發現把聲由陳小姐變左做陳先生, 病情告急.

第三日即刻請假去xx醫院再睇過, 點知個醫生話我都唔咪好嚴重, 就開始一啲”唔咪好重”的藥比我, 呢啲藥幫唔到我之餘, 仲令我個病越0黎越嚴重, 半夜仲要靠靚仔醫生的藥吊命, 啲鼻水多到, 個鼻好似抹到甩左咁,

到第四日我擔心星期日啲藥都食晒, 咪睇多次醫生保險啲, 阿醫生話會開啲重啲的藥比我, 但我望吓啲藥, 個樣都好似公立醫院咁款, 都唔知重系邊, 但都要照食.

到左第五日個樣好似一住菜乾咁返到教會, 見到我個護士朋友, show晒我啲藥比佢睇, 問吓佢呢個醫生系咪真系落重藥, 佢話啲藥唔咪好重, 但我病情就好重, 個人都死左五成, 聽埋呢句, 啲血都嘔埋出黎. 即刻問朋友附近有無名醫啦! 有! 不過一點前就關門, 吓! 只有5-10分鐘, 於是傾盡我最後一口氣跑埋呢200米趕去診所, 介紹我睇呢個醫生的朋友話, 行到街尾轉左彎有2間診所, 你見到個AAA醫生, 就系架嘞, 我見到個醫生招牌, 仲未關門, 好開心, 即刻等個護士出黎幫我登記, 然後call翻我個護士朋友, 個朋友話趕過黎倍我睇醫生, 當個護士正在登記的時候, 我個朋友又到, 但佢唔肯入黎, 仲sip我出醫務所, 我就覺得好奇怪, 走到佢面前問佢咩事呀, 佢同我講, 隔黎個間先系AAA醫生wor, 你系呢間BBB醫務所做咩呀?

嘩! 差啲氣絕身亡, 我病到入錯醫務所, 仲好面慒問個護士攞翻張身份證, 個護士好不肖話你唔咪黎睇呀BBB醫生咩!

唉! 呢個都算系我的第一次! 病入高肓!

葛福臨大球佈道會

這個籌備了一年的全港佈道終於到了, 11月30日同12月1 日, 都邀請了一些朋友參加, 在6月的時候, 已經好想邀請2個新認識的朋友, 明知他們的工作時間是無可能參加, 但仍存一點期望, 希望他們可以有機會去到呢個佈道會.

雖然這2個新認識的朋友最後都沒有去到, 這也是我意料中事, 我也沒有因此而唔開心, 因為時間是掌握到神手裏 - In His time. 不過我還有其他好朋友如期和我一同前往, 香港已差不多有十年未有大型佈道會, 感覺好期待, 特別是我好想我的好朋友有機會認識耶穌.

星期五放工後立即去銅鑼灣的地鐵站, 雖然明知7點呢個時段是逼爆乍甸坊, 但無辦法, 都要在這裏等, 終於等齊幾個朋友, 那那林去大球場, 其中一個朋友話大球場好似開始唔被人入, 唔咪掛未夠鐘就滿? 唔知系好彩或是唔好彩, 我地入到大球場卻第一次有機會坐系山頂頂位, 第一次認識咩叫做聲音, 個講員講完一句, 啲回音仲可以維持一兩秒以上. 由於聲音太散, 這晚我的朋友都聽得不太清楚. 有了第一晚的經驗, 第二晚我們再早一小時去大球場, 以為情況好小小, 真的是好小小咋, 唔洗去到山頂頂位(落幾行之嘛), 我諗呢啲位置平時都系比人睇波會好啲, 一眼睇到入唔入波.

兩晚的主題不同, 我比較喜歡第二晚所講的. 葛福臨牧師講到一個比喻:有一個兒子, 選擇離開父母, 要求父親將家產給自己, 追求自己喜歡路, 不斷揮霍到無晒錢, 要食豬的食物, 到有一天終於醒悟回到父親的身邊, 一直等待兒子回頭的父親沒有恨這個兒仔, 他深信兒子有一天會回來，　最後他等到了，　挽回這個兒子　－　因為這個兒子是失而復得．　神愛世人, 甚至將祂的獨生子賜給他們, 叫一切信祂的, 不至滅亡反得永生（約３：１６）
我相信今日可能有很多人面對很多困難，　但聖經說：凡勞苦擔重擔的人，　可以到我這裏來，　我就使你們得享安息．（太１１：２８）

馬拉松

最初因為要做一份功課關於Fitness, 咁喬有個某間Fitness centre既人call我話可以比試玩健身, 諗住攞吓一點功課的資料, 點知最後把持不定做埋羊古. 無計啦, 入左會, 不論間Fitness好定唔好都唔無sai, 每個星期都抽1-2日去做吓運動, 就系咁, 差不多半年前開始系玩健身.

初初做運動, 就好似部機器幾廿年無郁, 單系行跑步機5度, 個款都好似小販被食環處追緊咁, 上氣唔接下氣. 過左1個月之後慢慢可以加速, 當然比起隔離的人已經跑緊10幾度, 我真系小毛見大毛. 但已經好有進步了.

有日個教練同我個, 叫我去參加馬拉松, 仲話佢咁多個學生無一個唔跑馬拉松, 我呆左咁望住佢, 我心諗我應該會系你第一個……例外呀!

經過幾個月以黎, 不斷keep 住去操, 結果手脾實左, 個身firm左, 最緊要系我發現條氣都長左, 由其是當我追巴士的時候, 一啲踹氣都無, 不枉我幾個月以來風雨不改去做運動.
最近又有幾個朋友都同我講, 去唔去玩馬拉松, 唔知點解心態經過幾個月之後又變左, 覺得跑馬拉松都唔咪一定無可能, 系巴黎罷工的一日我都應該行左超過10k都用左3個鐘, 跑個幾鐘應該唔死得人既, 想挑戰一吓自己的能耐, 最後我都參加左10K的Run 2, 雖然暫時無一個朋友倍我一齊跑, 但是小小的挑戰可以在人生加點色彩. 多點回憶.

跑馬拉松總會使我想經聖經一句說話: 弟兄們, 我不是以為自己已經得著了, 我只有一件事, 就是忘記背後努力面前, 向著標竿直跑, 要得神在基督耶穌裏從上面召我來得的奬賞(腓3:13-14), 馬拉松就如人生一樣, 進入參與已經雖要一點勇氣, 在場上跑步亦要經過最初起跑的艱難, 能到達目標是最大的喜悅, 享受其中的過程算是我的奬賞.

一起走過開倉的日子

好幾個月之前, 以經講過我班同事, 每逢聽到有關倉, 揀直系好似見到劉華一樣, 尖叫, 瘋狂. 原來佢地的嗜好就買野, 買野, 買野, 呢種對嗜好跟老闆一樣, 搵錢, 搵錢, 搵錢無咩分別.

我以為在十一月未到聖誕節之前無咩開倉, 我的同事就會收手, 但系佢地竟然多左個幫手, 就系我家姐, 事原, 我家姐亦都系一個瘋狂購物王, 聽到我同佢講我班同事每一日都話要搵平野睇, 買平野, 我家姐就好似遇到知音, 知到佢公司樓上有開倉, 都急 call我, 於是一眾friends就掃蕩晒新蒲崗區任何有開倉的地點. 如果當沒有開倉目標公司, 佢地個心會囉囉戀, 每逢經過任何一個工廠區的告事版, 門口, 電梯大堂, 都會成我一眾同事必經之路..(有無咁瘋狂呀.... 真系有)

話說尋日我同事的朋友, 又傳左個開倉公司資料過0黎, 雖唔咪新蒲崗區, 但系佢地有搖距服務, 佢個朋友買手錶的, 仲要系買Tommy H...牌子, 價錢更系平到你覺得啲大公司食水咁深, 由於只有1個小時落order, 於是, 大家仲忙過平時追大陸廠出貨, 電話的網絡好似打8號風球咁jam 晒, 就系咁樣, 我地又在1個小時內唔洗出街都洗左幾百蚊至千幾蚊買野.

唉! 真系: 一千幾百猶如垃圾, 一萬幾千過眼雲煙

再聚

早幾天前突然收到一個朋友的MSN, 佢通知我以前的一班同學有同學聚會, 嘩已經超過X年沒見面, 見好還是不見好, 不過最後我都決定參與這次的聚會.
未見到呢班同學, 我確實幻想他們的變化, 特別系身形及樣子的變化, 又幻想他們經過咁多年, 再見的時候會唔會好似電視劇裏面同學聚會的場面, 個個唔咪CEO就系經理級, 而我就文職仔一名...甚或有一些男同學會唔會去得地中海旅有都有地中海的印記...
終於到今天的下午, 見到各人的時候, 嘩! 好厲害, 大家都keep 住個look, 無比歲月催殘, 只是身邊個個都多了一個小朋友, 最令我覺得有意思的是, 當年有一兩位同學, 曾因為一個男同學, 追完A 女同學之後, 未分手的情況低下, 再追阿A的好朋友, 當時2姊妹真的反目, 但今天見到他們的時候, 3個都各自有自己的家庭, 每個家庭都好幸福, 真是"再見亦是朋友".
見到大家都已有另一半的時候, 我又會問神, 你預備左比我未呀, 你預備比我0個個, 幾時先會出現呀. 你們中間誰有兒子求餅反給他石頭呢? 求魚反給他蛇?你們雖然不好尚且拿好的東西給兒子, 何況你們的天父豈不把好的東西給求他的人麼. (太7:10-11) 神會預備最好給我的, 雖然我都好期待, 但依然我的宗旨 “凌缺莫濫” .
後話:當返到屋企, 見到我家姐和姐夫回來, 每次都為了一點小事而口角, 唇槍舌劍至單打獨鬥, 擧舉到肉既場面, 由上一輩到同輩都無間斷過, 我就想單身又唔咪想像中壞.

選舉日

今天又是幾年(好似系4年)一度的區議會選舉, 早幾天前我爸爸已在我耳邊衣衣吟吟話我們現任的區議員唔好, 我唔會投佢一票, 呢個原因我都理解既, 因為呢位議員系律師幫左阿除步高的媽媽打官司, 仲要幫佢地上訴, 站系中國人的觀念, 一個壞人系唔值得去幫既, 仲要系一個出名既魔鬼警察, 議員是為可憐這位媽媽, 還是為搏出位, 整都全港都知佢系邊個, 就不可而知. 不過我淨系知, 我唔知死既同爸爸講左句: 爸爸你唔鍾意呢個律師, 但你唔可以左右我投邊一個, 跟住爸爸就睥住我話:你都癡線架．

我覺得選舉是要公平公正, 呢啲都系一班後選人的口號, 不過通常佢地都系講一套做一套, 我區就有一個獨立後選人及一個民X 聯的後選人, 上次選舉時, 工X 會就比兩個電話比我, 佢地話大家都系工聯會的人, 請你投個位先生一票, 我又回贈佢地一句, 你唔可以左右我選邊個, 我覺得邊個好, 我就會選, 個位阿叔又講, 無..大家都系工X 會的人…., 咁即系點呀?　連個來電都唔敢show 出黎！　今年呢班 “義工”又再用電話攻勢, 剛剛午睡就ring個電話黎: 你投左票未呀, 請支持阿嘜水一票呀…, 食完飯, 又ring 個電話黎: 投左票未呀. 唔知我可唔可以告訴地騷擾呢?

聖經講: 第一要為萬人懇求, 禱告, 代求, 祝謝, 為君王和一切的也該如此,(提前2:1-2) ,對於選舉, 如果無一個好好的人參選, 我都要去投票, 本著兩害取其少的一位, 無好的, 就唔無揀個最差, 總比我個朋友佢地唔洗投票, 因為得一個人參選, 又做得唔好, 都會自動當選, 各位朋友, 如果你地有朋友下次要參選, 可以考慮將軍澳的富寧花園個區, 應該命中率會大.

一個政黨取所有的議席是好嗎? 我不期望, 但期望啲參選者可以比少少實際佢地做過咩事, 以及將會做咩事, 同時唔無4 年不見, 導具”意見箱”都無, 一見就話自已過往做左好多野, 要投佢地”神聖”一票…. , 真是要命.

零用錢

近來很喜歡看一個台灣作者的書, 他的名字叫施以諾, 如果你曾看過他的文章, 我想你感受到作者對事物的看法, 往往能連繫到生命的點滴, 他的文章卻又引發我到令一個思緒.

其中一篇引起我的共鳴:

“一句話的重量”

作者講述到自已年孩童時, 是一個乖孩子, 他的爸爸是一位牧師, 知道自已是一個不大花錢的細路仔, 所以對零用錢的給與都很放心, 甚致很主動(對於今天一些小朋友, 父母唔比零用錢, 可以要生要死, 甚致返過來傷害父母, 真是很不同). 他父親常常會看他的銀包, 如果發現沒有錢, 便會放一些錢進去, 面額不一定很多, 他常對父親話: 爸爸! 你好好哦!

他父親的回答使作者到今天都銘記於心, 他説: 今日是爸爸為你這麼做, 我希望將來有一天如果你媽媽老左, 腦筋不行了, 記不得太多事情的時候, 你也可以常這樣檢查她的銀包, 主動幫她放一點錢進去, 讓我所愛的老婆在晚年一無所缺, 咁樣, 我就會覺得好滿足.

好令人感動的一翻說話.

回想我的童年生活, 家庭環境也是父親一人獨力承擔了一家八口, 以及堂哥的生活, 需然如些, 童年時爸爸也是很常會給我小小零用錢作一個月的小甜頭(可以買到一點小食), 媽媽沒有給我們一點的零用, 所以爸爸這少少的金銀就好寶貴. 這幾年爸爸老了, 要退休, 對於老人家, 沒有收入, 金錢的洗用都很小心眼. 感受到父親退休後又很怕向子女要錢, 有損作父親的尊嚴. 現在是作為孩子的要照顧父母的時候, 好讓他們能體會聖經所說, 兒女是耶和華所賜的產業的福氣.

寶石

上星期, 我的好朋友告訴我她的親人離世, 遺憾的是未能趕得及見他最後一面, 每當我聽到這種消息, 我好容易會聯想到自已也會有一天面對相同的情況, 父母年紀越來越大, 如果他們到那一天仍然未信耶穌, 我會覺得好傷心的.

曾經讀到一篇文故事講猶太人對死亡的態度, 使我有所感的:

有一個猶太人的拉比(學者), 有一天, 這位拉比受邀安息日到禮拜堂講道, 正巧那天他的兩個孩子不幸同時離世, 他的妻子將孩子屍體搬到樓上的房間, 用白布蓋好他們.

拉比從禮拜堂回來, 妻子對他說: 有一件事情我想問你, 有一個人將價值連城的寶石委託我們保管, 如今寶石的主人突然要取回寄放在這裡的寶石, 我該怎麼辦呢?

拉比不加思索回答: 你要趕快物歸原主.

妻子說: 剛才神把二顆珍貴的寶石帶回天上去了.

拉比知道孩子死了, 一句話也沒有說.


喜歡這個故事對死亡的看法, 神賜給我們的生命的價值是無可代替, 神有主權隨時取回, 帶到天堂裏. 這種態度與基督教的觀念很相似, 我們的分離只是暫時, 他日我們仍可以再次相見. 分離會痛苦, 但是卻是短暫的. 如果我們相信這一點, 便明白為何拉比的妻子為何對孩子的離世是那麼冷靜, 這是我們中國人觀念所不能理解.的.

巴黎至爽的一次

系上一編已講過, 我今次是一個人到巴黎, 其實一個人出門又不是第一次, 但教會的弟兄不斷同我講...吓! 你一個人去好危險, 可唔可以叫公司叫多個人去(我都想, 但老細唔肯比錢嘛), 吓!你仲要一個約啲客系酒店見仲危險(我都知, 但無booth 嘛! 點系會場見呢?), 為左呢個trip, 不斷祈禱, 就神保守呢次的旅程... 臨上機前仲有幾位姊妹sms我, 祝我有平安...實在好呀, 多謝晒!

如果你遇到眾多的恰巧加埋一齊, 呢啲就系神的預備, 我無諗過呢個trip我好似同左一班朋友出trip, 有2個朋友可以同我同機去, 同機返, 我又無諗個有2-3個朋友同我同一間酒店, 夜晚可以和我同埋一齊出去食飯(佢地系撇甩左公司老細架) , 最估唔系無咩客系酒店見 (死啦, 即系無生意, 今次實比老細......).

呢個旅程, 我可以見到好多舊同事, 佢地知我一個女仔去到展覽會, 擔心我洗大左, 公司開唔到數, 好多時都請我食午飯, 又食晚飯, 實在有一種講不出的平安.

還有一個客人, 我未到巴黎, 佢已同我老細講, 要約我食飯, 我都只不過見過佢一次, 咁鬼熱情(我系同埋佢公司的人一齊食), 仲帶我去間好有名的餐廳食, 不過塊佢幫我揀的牛扒鋸極都鋸唔開, 好的外國人真系令你覺得自已好似一家人咁.

有個客同我講, 你今次無咩特別事, 最後一天要出去巴黎走走呀...(仲走? 佢唔記得我第一日走左3個幾鐘咩?) 我其實好開心, 系呢度, 我要向我的朋友同客人佢地全部講聲: 多謝!

希望下次出trip 的時候, 再次有你地相伴呀!

巴黎罷工的一天

早前因為工作的原故要到巴黎, 在離港前2天才收到好友的通知, 落機的當日巴黎會罷工, 的士, 火車, 地鐵都會混亂一遍, 於是便那那林約車, 緊緊在離港前約好租車公司.

到了巴黎, 看到的士車龍都唔咪好長, 估計大約大半個鐘都應該有車. 由於我好順利到酒店, 對於罷工都無左回事.

今次到巴黎與以前的工作有點不同, 由於工作性質改變, 又沒有很多客人, 不像以往落機之後, 個樣仲好似一住菜就要見客, 然後仲要去會場做清潔阿嬸抺野. 由於到酒店之後, 食完個lunch就無咩做, 於事便諗起要幫朋友買東西.. 我的私事仲好似忙過公事, 我的朋友知道我要去巴黎, 就列左一條清單給我, 幫佢掃貨...(不論歐元升到11蚊, 不阻止唔到朋友的購買慾) .我諗我系LV的record 都唔差, 每年都好似闊太去歐洲一轉"入貨".

大家都知LV 系香榭利榭大道, 距離我酒店都幾遠, 更系搭地鐵. 落到地鐵就見識到法式罷工系點樣 ..無人賣飛, 又或買左飛個入閘機都唔過機, 即系唔洗錢搭車.

系地鐵等左15分鐘就有講播, 於是我問隔離個法國人系咩事, 距話要等多20分鐘才有車...算啦, 我都無咩野做照等... 等左45分鐘, 我決定再無車就返酒店為妙, 但正有呢個想法架車就到...於事就照上車...由於我要再轉車, 最後用左差不多2個鐘才可以到達LV個門口.

用我最快的速度掃完朋友的貨即閃, 因為5點系放工時間, 交通會更混亂, 點知個地鐵站封左, 我真系滴汗..想截的士, 個的士老點我系後面等會有車, 平時等車都等半個鐘, 今日罷工無2-3個鐘都唔洗諗有車. 於是我再嘗試找地鐵站入口, 感謝神, 另一個地鐵站仍然有人..於是我就曱甴腳咁走入落地鐵....

上唔到第一班地鐵之後, 我知道我唔可以講咩叫禮貎, 一定要逼上車, 如果唔咪今晚唔知幾點先返到酒店... 終於逼到上車, 但你可知, 個人系唔可以企直的, 情況好似以香港地鐵未有分時段上班一樣, 個身仲要擺一個S 型之後, 仲要留意有一手踭批個呢...哎呀....呢個時候我想車內面的人應該有呢幾種的想法.....1. 唔想比人搏慒, 2 想搏人慒, 3. 想比人搏慒, 4. 無辦法唔比人搏慒.... 系我前面就有一個女仕後面有一個靚仔, 當架車剎車時, 佢"勁"無奈地要挨晒全個身落去(但個樣卻又好享受wor)...... 佢就爽啦, 我仲忙緊唔無比人批踭........

又到轉車的時候, 今次無咁好彩, 有個中國女人話我知呢條線的地鐵都"不死不活", 佢都要行返屋企, 佢話佢知點樣行.......行? ...我的天呀! 第一次漫游巴黎呀.. ... 由於佢屋企同我酒店都相近, 我緊系跟實佢. 我們要先走到巴黎鐵塔才走回酒店.

但系佢的方向感真系嘛嘛, 不斷問我巴黎鐵塔向邊度呀.... 我個心真系寒一寒, 問左好幾個法國人都唔知點行, 最後我建議問個識開車的, 應該都可以吧... 經過一個半小時, 我們終於到了鐵塔.

個中國人的指住一個方向叫我一直行, 跟住條路一直行, 就可以到. 佢的指示"真是清楚"不過, 我突然覺得手上的地圖真是好親切好可愛, 靠著它, 我找到那住中國人所講的"一直行"的那條路... 就系咁我又開始了長征....黑晚兼逢連夜雨, 條眼捷毛仲要跌落隻左眼, 隻眼好痛, 無辦法要借啲意走入間pharmacy 借個鏡, 隻眼反晒白都處理唔到...變左獨眼龍要向前走..... 終於我用了3個多小時返到酒店...對腳好似唔咪自已呀!

感謝神, 平安無事返到酒店.

後話: 我第二天見到個客, 佢話比我知佢又系系香榭利榭大道要行返佢酒店, 佢之前拎左100歐元揚住黎截的士, 都系無人理佢呀....HAHAHAHA, 法國人罷工真有性格.

媽, 你強呀.

早前媽媽入了醫院, 因為一些原因, 要動手術. 本想早些分享, 但因為一個"懶"字, 所以到今天才寫...

第一天
媽媽算是一個"硬淨"的人, 知道自已要入院, 便一早執好行理, 沒有要求任何人, 包括爸爸, 家姐陪同, 便自已辦理入院手續. 出門時仲要話比啲街坊朋友知, 佢要返大陸, 個樣好一個"渡假"feel, 唔知情的人, 當然以為佢真的返大陸, 仲以為阿舅父"唔等得", 佢要趕住北上..

因為2個家姐都有個初生BB, 所以都無咩人可以抽身探媽媽, 雖然媽媽話唔得閒唔洗探佢, 但是"口是心非"永遠都系人, 特別系女人的強項, 千祈唔無信. 入到病房, 見到媽媽在看電視及跟隔離床的婆婆聊天, 她見我來便那那林走埋個自個"COUNTER"(床位)招呼我, 哈哈我覺得自已好似個客人咁...

媽媽邊說隔離婆婆好擔心, 擔心到哭, 隔離床的太太剛做完手術, 又一直痛苦呻吟, 其實我想媽媽你都好擔心, 不過你點都唔想我們擔心, 我又只好扮作信得過你唔擔心. 為媽媽妳祈禱是我一直想做的事, 雖然妳唔信耶穌, 但都想你知耶穌愛你. 離開前捉住手為你祈禱, 雖然我祈禱時佢望住我, 但我覺得兩母女多了一點情.

第三天
是媽媽要做手術前一天, 一定要去支持佢, 姐姐因為要照顧家庭, 早就離開醫院回家. 媽媽說..今天2個家姐帶住2個BB都來探望, 說來你真是"渡假"哦, 因為你不用照顧兩個百厭星. 臨離開醫院時, 再次為她祈禱, 這次她沒有望著我, 卻一同閉上眼祈禱. 她感到天父賜的平安嗎?

第四天
做手術的一天, 到醫院時, 等了半小時, 媽媽才回到病房, 只見她因麻醉未過, 但旁邊的太太告訴我, 一定要叫一叫她, 要讓她知道有家人在支持她, 是的, 當媽媽聽到我們叫她一聲, 點都要睜開眼睛一吓. 這太太又對我說, 你要多探望妳媽媽, 因為妳媽媽經常提及妳, 我想我是一個讓她最放心不下的一個吧!

第五天
到醫院時,看到媽媽已坐在床, 好似無做過手術一樣, 比隔離床的太太呻吟了2天, 實在感謝神祂保守媽媽好得快. 繼續為媽媽祈禱.

第六-七天
媽媽都有點發燒, 但仍可算是精神. 媽媽說, 自已年紀大, 但比同房的人好得快. 媽, 你強呀. 感謝神.

第八天
媽媽的心情是, 醫生點解仲未可以出院呀

第十天
出院了....好野.

感謝天父保守媽媽.

真系嘜都可以騙

以前返大陸工作, 親身見識過一次"汽水蓋"騙人事件, 唔咪掛, 汽水蓋都可以騙倒人? 無錯, 個次我仲要比啲汽水淺到個身. 最後無人上當，　啲騙徒就落晒車之嘛（不個我朋友就遇過３次，　２次有人受騙）．　究竟應該系呢批騙徒可以攞到貪心人的心理學博士學位, 還是貪心人有過份的妄想症出現, 車上都已張貼了騙案提醒搭客, 但咁都可以比人騙到錢, 仲唔只一個人上當.

上星期六, 我的舊同事告訴我, 汽水蓋騙人事件再度重現江湖, 由棋崗到深圳的中巴NO. 852, 是港人常搭的公車. 騙徒唔知系咪都讀過Marketing, 知道汽水蓋呢一個產品都在 decline的stage, 於是推出 "靈符", 估佢唔到呢個巿場的客仔仲有錢. 事情發生的經過大概如下-

人物介紹-

1. 同黨A - 扮傻仔

2. 同黨B - 扮乘客, 比傻仔整親, 之後好想同傻仔買靈符

3. 同黨C - 扮乘客, 但鼓勵其他搭客加入搶購

4. 同黨D - 扮乘客, 有錢, 機會主議者, 幫阿B換錢

5. 貪心人 - 貪心, 最後比人騙左啲錢

6. 乘客1 - 我舊同事, 只系做目擊者　－　路人甲, 無對白

7. 乘客2 - 將真相告訴貪心人

事情發展大綱(以下全憑記錄, 如對白可能有少許出入, 敬請見諒) -

我的朋友（乘客１）坐公巴上正往深圳羅湖, 車行不久, 就有一個人扮同黨Ａ扮傻，　整到隔離的同黨B的身上，　然後比同黨B鬧，　在鬧的過程中阿B發現阿A有一個度符，　於是就好大聲（即全車的人一定會聽到佢講咩）話呢個符好勁架,你點樣得到架, 包生子架，　真系傻人有傻福WOR,　一直扮傻的A就話我都唔知佢系咪好呀， 送比我個人話"包生仔"仲話好靈的, 　跟住另一個同黨C就話，　佢咁傻好易比人騙左個度符，　不如你用錢同佢平啲買左仲好啦，　於是阿Ｂ就話我現在手頭上只有一些外幣無人民幣WOR(於是就show佢既外幣比人睇), 同黨C 就話，呀我知你的外幣好通用，　我有一個朋友系銀行做，　話比我知呢種貨幣對換率好高價錢WOR, 跟住坐系車前頭的同黨D就曱甴腳咁走到去阿B面前話，我幫你換啦，　不過我要用平啲的對換率，　於是阿B 的外幣就比阿D換左一部份人民幣，　阿B就扮到我趕要換錢平啲都可以，　一定要買開光佛，　而貪心的乘客開始忍唔住，　就話不如我用一萬蚊（大家聽清楚，　系一萬蚊呀，　唔咪一蚊呀！）同阿A買左個生仔符，　阿A就話邊個比錢多，　我就買比邊個，　最後阿B”梗系”唔夠貪心人爭，　貪心人仲以為自已好似新X基的代表，　在拍買西九龍的地皮時嬴左長X 及恒X的代表添．　所有騙徒已經騙到咁大筆錢，　於是在沿途的路線分２批落車.

當所有同黨落左車之後, 其中一個乘客就對貪心人講, 你比人欺騙左了, 全班都是騙徒. 貪心人就說, 點解唔話比我知佢地系騙徒呀...（講左死的系阿乘客２）.乘客2就說, 車上都有人曾經講過, 小心系假架, 不過你唔聽之嘛..

唉. 貪財是萬惡之首呀.　提醒你的朋友．．

真系嘜都可以騙

以前返大陸工作, 親身見識過一次"汽水蓋"騙人事件, 唔咪掛, 汽水蓋都可以騙倒人? 無錯, 個次我仲要比啲汽水淺到個身. 最後無人上當，　啲騙徒就落晒車之嘛（不個我朋友就遇過３次，　２次有人受騙）．　究竟應該系呢批騙徒可以攞到貪心人的心理學博士學位, 還是貪心人有過份的妄想症出現, 車上都已張貼了騙案提醒搭客, 但咁都可以比人騙到錢, 仲唔只一個人上當.

上星期六, 我的舊同事告訴我, 汽水蓋騙人事件再度重現江湖, 由棋崗到深圳的中巴NO. 852, 是港人常搭的公車. 騙徒唔知系咪都讀過Marketing, 知道汽水蓋呢一個產品都在 decline的stage, 於是推出 "靈符", 估佢唔到呢個巿場的客仔仲有錢. 事情發生的經過大概如下-

人物介紹-

1. 同黨A - 扮傻仔

2. 同黨B - 扮乘客, 比傻仔整親, 之後好想同傻仔買靈符

3. 同黨C - 扮乘客, 但鼓勵其他搭客加入搶購

4. 同黨D - 扮乘客, 有錢, 機會主議者, 幫阿B換錢

5. 貪心人 - 貪心, 最後比人騙左啲錢

6. 乘客1 - 我舊同事, 只系做目擊者　－　路人甲, 無對白

7. 乘客2 - 將真相告訴貪心人

事情發展大綱(以下全憑記錄, 如對白可能有少許出入, 敬請見諒) -

我的朋友（乘客１）坐公巴上正往深圳羅湖, 車行不久, 就有一個人扮同黨Ａ扮傻，　整到隔離的同黨B的身上，　然後比同黨B鬧，　在鬧的過程中阿B發現阿A有一個度符，　於是就好大聲（即全車的人一定會聽到佢講咩）話呢個符好勁架,你點樣得到架, 包生子架，　真系傻人有傻福WOR,　一直扮傻的A就話我都唔知佢系咪好呀， 送比我個人話"包生仔"仲話好靈的, 　跟住另一個同黨C就話，　佢咁傻好易比人騙左個度符，　不如你用錢同佢平啲買左仲好啦，　於是阿Ｂ就話我現在手頭上只有一些外幣無人民幣WOR(於是就show佢既外幣比人睇), 同黨C 就話，呀我知你的外幣好通用，　我有一個朋友系銀行做，　話比我知呢種貨幣對換率好高價錢WOR, 跟住坐系車前頭的同黨D就曱甴腳咁走到去阿B面前話，我幫你換啦，　不過我要用平啲的對換率，　於是阿B 的外幣就比阿D換左一部份人民幣，　阿B就扮到我趕要換錢平啲都可以，　一定要買開光佛，　而貪心的乘客開始忍唔住，　就話不如我用一萬蚊（大家聽清楚，　系一萬蚊呀，　唔咪一蚊呀！）同阿A買左個生仔符，　阿A就話邊個比錢多，　我就買比邊個，　最後阿B”梗系”唔夠貪心人爭，　貪心人仲以為自已好似新X基的代表，　在拍買西九龍的地皮時嬴左長X 及恒X的代表添．　所有騙徒已經騙到咁大筆錢，　於是在沿途的路線分２批落車.

當所有同黨落左車之後, 其中一個乘客就對貪心人講, 你比人欺騙左了, 全班都是騙徒. 貪心人就說, 點解唔話比我知佢地系騙徒呀...（講左死的系阿乘客２）.乘客2就說, 車上都有人曾經講過, 小心系假架, 不過你唔聽之嘛..

唉. 貪財是萬惡之守呀.　提醒你的朋友．．

國慶好去處

每逢到國慶前一個禮拜, 電視或報紙都會預測今年的出境同入境的人數, 次次都以幾十萬人次進出.

同事及好多朋友過完呢個國慶, 好多都話, 十一黃金週, 好多自遊行, 我令願系屋企瞓吓好過出街同人逼. 又系既, 而家啲商店見到香港人和自由人, 個樣跟幾年前都有唔同, 以前見到自由行,覺得佢地無錢比, 買唔起, 一於好少理, 招乎香港人先. 而家的自由行, 單系買隻假錶都比8-12萬, 真系唔敢待慢, 系街上的香港人可能好快變成少數民族, 特別系旺角區.

我呢, 系呢個國慶日終於約左幾個教會朋友一起行山, 由九龍水塘行到城門水塘, 延續復活節假的時候由慈雲山行到馬騮山. 今次是天朗氣青, 又大風, 又可以見到馬騮, 仲好有益身心. 原本只是7個朋友成行, 結果有一圍枱的人出現, 可見香港人都好鍾意行山, 所以我都跟我的朋友說, 以後10-5月, 都打算每個月行山一次, 好過成日坐系公司無運動, 朋友, 有興趣就通知我一聲你都想加入, 否則又唔記得左你la.

其實行馬騮山, 大家都知道一些規矩, 就系唔無帶蕉, 唔無將啲食物露晒出黎, 原來仲有一件事, 就系唔咪幫馬騮影咁多相, 尤其是攬住馬騮仔的馬騮咪, 我當日見佢地母仔情心, 咁感人的場面我當然要影翻張相，　點知隻馬騮咪唔知系咪以為我拎住既相機系攻擊性武武器，　”E”起棚牙，　預備撲過黎，　佢的舉動令我覺得加多２錢感動，　媽媽好愛子女，　有咩事都會保護佢地． 動物如此, 人不比牠們更甚. 　

中秋節快唔快樂

今年的中秋因為之前熱帶氣旋經過稍為有點雨水, 但感謝神, 放假日依然給我們晴朗的一天.

中秋節如果個月光唔亮吓相，　真系唔咪好似中秋節，　幸而到送月的日子，　晚上都天朗氣清，　呢晚我帶住媽媽, 姐姐一家, 表姐一家一起到教會慶祝中秋, 今年我兩個家姐各自都多了一個BB, 真是熱鬧好多, 單系控制佢地既咸聲己經夠忙啦, 而我表姐知道有得BBQ, 佢個3歲幾大（但個身形好似５歲大）的仔仔就話要一切到教會玩，　真很好”忙”．　

系呢個中秋晚會，　除了有見証分享之外，　又有古爭的表現同耍太極，　最緊要唔少得小朋友好鍾意的有奬遊戲，　搶答遊戲系小朋友必定做的事，　仲有睇見我表姐個仔仔，　跟埋一班老叔父耍太極（佢可能以為跳舞），　小朋友的天真系最寶貴．　

我想為節日帶出的一點意義～　
１．　首先系可以有假放，　特別系法定假期，　（法官話法定假期，　一定要放的，　唔放比員工系犯法．．法官你可以做好呢份工．）
２．　有一餐美味的晚餐（以前阿媽煮飯多啲，　近期我都要做埋大廚，　煮完飯都唔想食．．）
３．　同一家人一齊的氣氛（系一間４００尺的公屋，　塞左近廿人的感覺，　你話爽唔爽．．．緊系超爽啦！）

好鍾意節日的存在，　或者因為呢個系家庭相聚的日子，　可以見到已經結左婚的家姐，　再次聽吓阿媽講左幾十年都唔厭的打仗經歷，　年青艱苦故事，　點樣揳大幾姐妹．．．就這樣堆砌了一種簡單和諧和幸福，　這令我想起近來政府的一個廣告，　實在好”正”，　我相信你曾見過都拍手叫好．

老公去”浪”左啲衫呀．．．
今日又唔咪結婚週年紀念．．啊女．．
今日夠唔咪父親節lor．．．．．嫲嫲唔該你呀．．．
今日夠唔咪兒童節lor ．．．．．阿仔上．．．．．
今日夠唔咪母親節lor．．．．．
今日夠唔咪勞動節lor．．．．．
今日系愚人節．．．．．　

我地系一家人嘛





　

萬勝節

剛剛過去七月是中國人的鬼節, 而下一個月又是西方人的鬼節-萬勝節

自我進入這間新公司之後, 我每天都好像過萬勝節, 點解? 因為每天的中午飯, 同事都大至上只有幾個話題, 第1是每天必要討論的股巿行情, 升左幾多, 又跌左幾多, 隻中銀仲未上到5蚊, 第2是炸蛋人天氣報告如何(即老細心情系紅色火災危險警告, 還是熱帶風暴即將襲港), 第3是講不完的鬼故..

我的同事由各地的猛鬼熱點, 名人遇鬼經歷, 以及親身體驗都重覆又更新, 更新後又重覆, 上了新工兩個多月以來, 天天好像預備過萬勝節一樣...我的同事明明很害怕, 但又要其中一位主持(她說自己讀相學及有關科目有十年多, 應該可以有証書), 分享自己及各方好友的驚人故事.....

這些故事讓我想起自已也曾經懷疑自已好幾次有此經歷, 睡夢中不能動, 好像被東西困住, 心裏害怕得很, 幸而當時已信耶穌, 記得牧者們分享過連鬼也怕祂, 只要奉耶穌的名將牠趕出去, 因為聖經說: 小子們哪, 你們是屬神的, 並且勝了他們(魔鬼), 因為那在你裏面的, 比那在世界更大(約翰一書四章4節), 當我堅持奉耶穌的名祈禱說話, 把牠趕遠離我, 慢慢我就好像鬆脫一樣. 務要抵擋魔鬼, 魔鬼就必離開你們逃跑了(雅4章7節)

聽吧! 同事對靈異的事情好奇及不安恐懼, 坐在一旁的我, 真希望他們認識耶穌, 因為祂能帶給人平安, 不是用任何的物件, 項鍊, 擺置..沒有任何東西可以做到的, 惟獨耶穌: 我將這些事告訴你們, 是要你們在我裏面有平安, 在世上你們有苦難, 但你們可以放心, 我經勝了世界(約16章16節).

以馬內利(神與你同在)

捉魚 - 向自己挑戰

我越來越喜歡看頭X新聞，　唔咪因為佢寫實感人, 原因系間唔中可以比我搵到佢一啲無聊得０黎，　幾有趣的新聞．　

今日剛剛系呢份報紙見到一則相片大個文字段落的新聞　－　胖漢墮海．

事原一個體重近三百磅的男子，　尋日系油塘海邊釣魚，　見到一條大魚比艘船撞到暈舵舵，呢個男人諗住機不可失，　就是除晒衫跳落個海去捉呢條魚，　佢無諗個條魚可能系暈左，　但唔咪死左，　條魚系可以醒翻再游過，　果然比條魚走甩左，　呢次系佢第一次的估計失誤．　

唔緊要，　咁游翻上岸咪得囉，　但佢第二次的估計失誤系無諗過自已氣力不繼遇溺，　知佢有成三百磅，　估計佢平人都系少做運動，　仲夠擔”除晒衫”跳落個海，　好彩附近有人見到佢捱唔住幫CALL人幫手，　最後由消防員０黎到，　要幾個消防員先可以將佢救翻上岸．　

呢個故事同亂炒股票的人都好相似，　以為見到一個靚股游緊埋０黎，　唔理咩事，　瞓左個身落個海先，　到個比個股”線”左，　以為可以靠自已上到岸，　點知上唔到．　唉．　

你是我的朋友

己信主多年, 雖然我的家人一個都未信主, 但我好希望我身邊的朋友, 又或有機會察身而過的人都有機會認識耶穌, 就是這個原因, 我始寫這一個blog, 很想將神給與我的經歷以及身邊的人所滿得恩典，　分享給會到這裏來的人．　

其實在初轉到現在的行業裏，　認識好幾位朋友，　他們都是未信主，　但好開心，　這幾年這些朋友逐漸認識耶穌，　有的更開始相信．　曾有一兩個朋友的認識多年之後，　突然有一天打電話告訴我，　雖然是為兒子而返教會，　但慢慢體會這個宗教帶給人的信心，愛心及盼望是有著動心，　雖然當時我沒有"硬sell" 耶穌給他，　他估不到她信了之後記得打個電話比我．　而再見她時，　他的兒子竟然記得我是誰，　他只是在２－３歲見過我一次，　現在已經１０歲了，　心裏有著一點點的感動．　

早前見到我一個未信主的好朋友，　在她blog上寫著一編的祈禱，　為她的嫲嫲身體祈禱，　雖然她未相信耶穌，　但她會去祈禱，　這使我想起上星期到一位弟兄的父親的喪禮，　這位父親在病時才信主，　認識了主之後，　生命很積極，　沒有被病壓倒，　很想這位朋友也體會什麼是”喜樂””平安”，　在平凡中也活得豐盛，　這是信耶穌的Benefit.

隨了我認識好耐的朋友，　也希望我身邊認識不久的朋友，　能有機會認識耶穌，　包括我的形像顧問（即系boutique sales，　同埋幫我剪頭髮個位朋友，　以及幫我做facial的那一位）和我一齊讀Marketing 的同學，　以及近來keep 住逼我做運動的兩位教練．　曾有一位朋友信主之後，　又系打電話比我，　”鬧”我為什麼之前唔叫佢信耶穌呀，　實在唔好意思，　但佢唔知佢當年的”殺氣”同埋”霸氣”幾咁強勝，　埋身肉摶，　簡直四兩敵千斤啦．　

上星期，　有機會同其中一位教練傾談人生存意義的問題，　他覺得生命有時好苦，　是的，　因為”立志行善由得我，只是行出來由不得我”，　如果這路不是創造你的那位引導你行的，　你會不斷問生命點解咁苦，　只有創造者才知道被造者的當作什麼．　但我開心，　因他會與我傾談人生的問題，　這代表他覺得我是朋友（應該不是１７３的代表），　希望再有機會跟他分享我在信仰上的經歷．

甚願我回到神面前時，　我的朋友一些早到，　一些遲到，　但全在這裏．　



　

　

向"特價"說不

不經不覺在新工已做了一個半月了, 這個地點的好處有很多, 第一距離我屋企十分近, 第二搭車平好多, 第三可以遲啲起身, 近期我同事仲帶多個驚喜比我, 就是呢到差不多每個月都有好多東西做特價, 真是又驚又喜.

話說我公司同事有個舊同學在我公司下一層做牛仔褲貿易, 因為堆積了十幾箱的倉存貨, 於是"大開殺價"的要將倉存貨脫手, 他們一連兩星期開倉的日子, 我同我班同事簡直就系他們的超級fans, 每到午飯的時候, 呢班粉絲只系會用10分鐘完成個飯盒, 便會系牛仔褲檔搜尋挑利品, 我呢個弱勢社群都可以買左9條牛仔褲及3件牛仔褸(當然包括我阿姐的份), 全部都唔過30蚊一件, 最後一日仲送多一件免費的, 你可想而知其他粉絲無翻20條牛仔褲, 點離得開個門口, 點對交代得到, 有些粉絲單是買比屋企個小朋友都有20條(佢都唔記得左阿小朋友只有星期六, 日才可以著, 到明年長高的時候, 又要迎接新貨低港..)真厲害.

繼牛仔褲之後,再黎miscelle renx, 一些名牌又有平貨執, 當然唔咪新一季的貨尾, 雖然有小小次, 但無損一班粉絲們的熱情, 再黎, 情況比見到台灣型男 - 吾尊, 鄭元暢更瘋狂, 一些倉底貨低至10蚊...勁呀. 雖然我今次無出手, 但就系咁,呢3個星期的午餐時間就已見識到新蒲崗的特點...

咪為就咁就完, 當一班粉絲在電梯見到另一位買名牌銀包的老闆9月又開倉時...其中一個粉絲話比我知, 去年都系聖誕節前才散貨, 今年提早到9月, 叫我記住儲定錢, 嘩! 而家8月尾, 仲可以儲到我? 我知又要大開殺價....粉絲話系呢區做野可以慳好多, 系真唔咪呀, 可能仲洗多好多錢呀.....

突然間我回想起一則漫畫的金句: 特價無崖, 回頭是岸.

滿足 － 可否回到原來的起點嗎？

剛過去的一個團契週會, 與馬可家一同聚會, 我想各位弟兄姊妹漸漸可互相投入在2個團契的分享之中, 而大家的分享也漸漸變得積極，　有共嗚了.

這次我們看到一編文章提到一間基督教學校, 校長他們很希望學生能體會到第三世界地區的人, 他們的生活如何, 學生們被帶到幾個的第三世界國家, 就如老師們的期望, 學生體會到自己的生活富足, 自已原來比世界很多人都活得豐富, 於是開始學習個一個簡樸的生活.

但沒有作親身體驗的我們， 是否滿足於現在， 有位朋友引用到詹瑞文剛在電視會的分享，　人如果滿足，　就會失去了目標和追尋新方向．　對於現在的生活都算滿足，　有車，　有樓，　有太太，　丈夫，　小孩，　前人的四仔目標都有齊，　只要生活的現況不改變，　很多朋友都算滿足．　我呢？　我滿足嗎？　我有一對愛我的父母，　有一班可愛的姨甥，　其實有一間公屋住，　也算不錯，　不用像別人每月都要為供樓而憂慮，　這也是很滿足的事．　與別人相比，　我真是一點大志也沒有．　

近來股巿波動得很大，　經常聽到同事都說嘩又跌左，　第二日又說唉好彩升翻啲，　看著他們的憂慮，　緊張，　有點好笑，　原來不用為明天憂慮，　也是神的一大賞賜，　只是希望我身邊的朋友，　不會因為那可能要來臨的股巿風暴面臨人生重大的考驗．　

看到最近美國很多大的玩具公司向香港，　中國人開刀，　為甚麼那間公司不在買了１－２千件玩具的時候就發現玩具品質有問題呀？要等到買了將近２千萬件玩具才發現呢？　他們的責任心也可真高呀，　今日再聽到美國某公司又說文具上的鐵線圈又話對人體有害要回收退貨，　是誰害誰呢？ 還有多人在這個國際間政治下犠牲呢?　我實在為那位在事件中輕生的玩具老闆感到可惜，　他白手興家，　能做到工廠那麼大，　有很才能，　對員工下屬都好好，　好多員工以及聽到這個故事的人，　都會相信他是一個很有責任，　很好的人．　多可惜，　很多人在在他富有時能與他分享財富與快樂，　也受他的恩慰，　但在他面對生意的失敗，　卻沒有一個人可以與他分擔憂患，　鼓勵他，　給他一點涼水．

早前看到一本書”態度決定你的高度”中有一個故事，　有一個珠寶商白手興家，　生意好好，　但後期面對經濟不境氣，　生意漸漸走下坡，　面對生意失敗，　他決定投河自盡，　來到河邊聽到一個女孩子好哭哭啼啼，　於是這個人問女孩子為什麼半夜三更在這裏哭，　女孩子告訴他，　她被人男朋友拋棄，　沒有他不能再活了，　所以打算來這裏自殺，　於是那商人問他說，　你未認識他之前妳是怎麼生活，　於時那女孩子回想未認識男朋友之前的生活，　就漸漸打消了自殺的念頭．　這個商人被自己的一句說話提醒，　在他還未成為一個珠寶商家時，　他也能活得很開心．．．．，女孩子轉過頭來問他說，　先生半夜三更，　你又為什麼在這裏呀．．．．那人有點尷尬地回應，　我．．．只是偶然出來散步．　

如果我們可以放下自己，　接受回到原來的起點，　沒有什麼可以難阻人從新起來，　再次活得有動力．　若你身邊有這樣需要的人，　請聆聽他們，　遞上紙巾，　幫他再次站立起來．　

微小不好嗎

昨日在報紙上看到一則新聞，　是一班人在沙灘比賽，　記者就將其中的一個作品刋登在報紙上，　我看到這個作品都覺得這個創作人好了得，　他竟然堆了３個坐著的人形出來．　

沙本來就互不相干的，　你踏在沙灘上，　它會沾在你腳上一點點，　只要你輕拍一拍，　它就會好容易地離開你，　但若有一點水將它們沾在一起，　它們便好像永不分離一樣，　你要用水將他沖走才可以擺脫它們．　

在腦海中的這一幕，　使我想起神同亞伯拉罕說，　我要使你的後裔像天上的星，　地上的沙那樣多，　是的，　在地上人的數目真的好似天上的星地上的沙那麼多．　但每一個人都像一粒細沙，　我們對於身邊的事物很多時都是互不相干的，　除非有一樣東西把我們連在一起．　　我們雖然有家庭，　朋友，　同事和弟兄姊妹；　若我們把他看作一個互不相干的人，　就與我們無益了．　　血使我們與家人連在一起，　情感使我們與朋友連在一起；　工作使我們和同事連在一起，　耶穌使我們和弟兄姊妹連在一起．　在每一個的關係裏，就像堆沙一樣，　我們可以只堆一座山丘，　隨隨便便地將濕沙堆在一起，　不用花多少的精力，　這是任何堆沙者都應該能做到的．　但滿足嗎？　當我們看見旁邊的家庭正在堆一個城堡，　另一班朋友努力的建造一個空中花園，　我們都好想將手上的沙變得如此有活力，　有生命氣息．　

神就像這個堆沙的人，　我們都像一粒不起眼的沙，　祂將水澆灌在我們的生命與生活裏，　這水不能太多，　也不能太少，　太多我們會變得沉重承受不了旁邊的人所帶給我們的壓力，　太少我們又覺得旁邊的人是可有可無．　這水是合到好處，　叫我們被堆在一起時便有互相依靠，　互相支持，　也互相信任．　愛就是沙與沙之間的水，　她使沙被撥開，　被雕塑出不同形狀時仍將旁邊的沙緊緊的連在一起，　正因為這份堅持，　這些沒有被撥開，　被掘去的沙，　最後被建造成為一個皇宮．　

沙微少得在別人眼裏毫無用處，　但我們可以想像，　當沙被換成一粒粒的小石頭，　每一個都有自已堅持的個性與特性，　緃然有多少水，小石頭都不連在一起．　願意我們在平凡的人生裏，　嘗試做一粒沙，　神會將愛澆灌在我們生命裏，　使我們連繫，　互相依靠，　互相支持，　也互相信任．　

以馬內利

讓坐

我的好朋友經常同我講, 我放工的時間比我返工的時間忙得多, 這句話在我暫時的新工作裏是正確的描述. 今日是颱風過後的一天, 但工作上不是忙碌的一天; 返之放工後, 我卻要去做一個半鐘的運動, 之後馬上又要學日文的會話, 跟著再約左幾個同學一齊溫書, 因為星期二要考試(如果考試肥左, 要再重讀都好慘, 又要再做多次功課, 又要再多一次考試, 最重要系比多一次學費), 比起返工確認疲倦得多.

對於讓坐這種美德, 從小阿媽, 老師, 以及其他長輩都教導我要讓坐給老人家, 小朋友及有需要的人, 對我來說, 都是樂意去做的, 但在我很疲倦的時候, 我就會將這個表達美德的機會讓給下一位, 因為我都變成為一位很有需要坐的人.

話說由於做運動之後都頗疲倦, 上日文時都釣左好幾次魚, 以至阿sir 的"精彩演出"都唔能夠叫醒我(阿sir 經常話自己喜歡睇生果日報的開心版啦, 鍾意留意日本女學笁的校服短裙, 因為只有32cm 啦, 以及女士內衣的品牌都好熟悉啦), 放學之後便那那林再去同學那裏溫書.

坐在地鐵裏, 到了太子站的時候, 一對母子走入車廂. 對不起, 我實在太倦, 讓坐只好留給隔離的好心人, 真的旁邊的一個頭髮花白的男士, 看上去都五十到尾, 見到小孩子年約4-5歲, 於是便起身讓給他, 我十分欣賞他的愛心, 因為佢年紀都唔細, 於是那個細路仔便馬上走上前要坐上去, 但是突如其來的一句尖叫聲從小孩的媽媽發出, 對小孩說, 個位唔咪讓比你架, 個細路就系咁呆左, 於是佢阿媽一個屁股就坐落去個位, 然後叫個細路坐系佢得翻2寸的膝頭上(因為佢阿媽將袋戰利品放左系大脾上), 個細路跟本就坐唔到, 我心諗, 無野呀嘛, 呢個系咩阿媽0黎架, 咁樣對個仔, 個仔有時仲因為架車衝前要經常企唔穩. 佢系咪做人阿媽呀, 都只系約35 歲左, 我覺得最激氣都應系個位阿叔, 如果我系阿叔, 我諗我會即刻坐翻落個位, 仲會話比個女人之, sorry , 師奶, 呢個位唔咪讓比你架.

唉! 呢一刻我真的要感謝神, 我的爸爸媽媽真系好愛我地, 就算我咁大個人, 他們見到有一個位都會先叫我地去坐, 雖然到最後我0地都系讓比佢坐, 但呢啲咪就系身教囉...小朋友真可憐, 仲有排要捱呀.

等左好耐

很早以前就想去這個基督教的敬拜讚美會 - 讚美之泉, 早在他們出第五隻的專輯 "全新的祢" 時候(都應該有4-5年前)已經好想聽聽他們有什麼特別.

前日突前掛起一號風球, 個颱風路線吹到正一正, 同事, 朋友, 大家都滿心期待能有一個突如其來的8號風球, 但在我心裏有種肯定,這次的颱風是打不成, 唔咪唔想放吓假(其實系極想), 只是神感動這一班台彎的宣教隊來到香港, 應該不會讓眾多位弟兄姊妹已邀請的朋友失望, 所以已預備好心情參加.

果然第二朝早個颱風就戲劇性地被後面個風吹散左, 是巧合, 或是神有心預備, 未信的人會想咁喬啫, 但在信的人可以肯定神掌管大地, 一齊在祂手裏.

昨晚約了5位姊妹一同去這個敬拜會, 大家都約好在新伊館門口等, 只有一位姊妹, 他因為公司有很多的工作, 所以一直都未能來到, 在離開公司之前, 都為她祈禱, 希望神讓她能順利來到.

在開場之後一個小時, 都未見這位姊妹, 於是我再打了一次電話, 不斷為她祈禱, 求神讓她可以快快來到, 不單是這個敬拜真是好, 而是每次聽到這個姊妹的分享, 她為工作每晚做到9點到11點, 話人0黎架, 要休息架, 她的壓力我只能想像卻不能體會, 只希望這麼一個敬拜會能使她從新得力, 仲然只是少少都好. 感謝神, 最後她在9點多到達, 雖然已過了一大半, 但能一同參與是很不錯的事.

話說回來, 這個讚美會真"棒", 即刻心裏講翻一句國語, 很多個演出者都是在美國讀音樂, 碩士, 研究生等, 並且是有很高的水平. 聲線又好, 夠氣嘛, 咬字又清楚 (好重要架, 而家啲歌手都唔咪好夠氣就話要出唱碟, 就算系明星靠個樣都要有歌星應有的野, 而且咬字又唔清楚 - 但我絕對唔咪buy莫x 倫的那種男高音呀), 每一個人埋位就隨時可以領敬拜, 又可以唱到和音, 再講多句國語 - 超爽呀.

近來看左兩套日本漫畫改編成為台劇, 這些男女主角都是人氣男女歌手; 我心想真的好希望他們能夠親身聽聽這個讚美之泉的敬拜會, 可以體會用心去唱以及唱得好"活"的滋味. 為神為人而唱跟為賺錢而唱真的很不同的(唔無唔信, 坐正面前排即平時要買$400-$800, 而家都系收我$65, 山頂都系$30, 個場坐滿人, 系好早已無飛買架, 真系無錢賺架, 為咩? 你估吓啦) .

這個讚美會完結了, 我下年唔單止要邀請弟兄姊妹去, 仲要叫埋啲未信的好友, 佢地就知道基督教唔未一個死氣沉沉的宗教了. 所以有份看這編的好朋友, 預個時間比我, 明年帶你去享受一吓.最好留言比我話你想同我一齊去, 我會記錄在案.

後話: 今日個颱風竟然走左老遠, 而家話向後吹翻向香港(真系好似啲情侣, 話要走, 又唔捨得走), 你話系咪咁喬, 剛好給我們順利去完讚美會. 感謝神!

謎面系 - 古代一殺手

話說３日前，　午飯時同埋啲同事一起到附近的飯堂，　呢間飯堂勝在夠多人，　人多即代表食得放心，　食得開心，　每日都有不同的午飯給你選擇，　如果你系VIP (咪以為飯堂無VIP), 　人多仲會送一碟油菜比你，　以及碟飯仲未到時，　阿事頭會幫手追個大廚即煮左比你先（不過最好唔無追，　一追碟飯通常都系出事，　可能咸啲之麻，失晒水準).

食完飯之後, 大家更系那那林走, 因為食飯都只得一個小時, 3 點鐘仲有個會要開. 但系食完飯後唔夠一個鐘, 嘩! 個肚好痛，　腦裏面即刻閃過阿燦個樣，　個朋友仲剛好打個電話黎．．．系呢個時候你會點做呀．．系咪好似個電視廣告咁講即刻食翻粒晒駱駝？　於時２話不說叫個朋友快啲收線．．

以為瀉完2 次都無咩可以output，　開完會後個胃又開始作反， 真系好似唐朝安史之亂, 0黎完一單又一單. 無辦法, 第二朝都系咁樣, 於是都系要去睇靚仔醫生(話雖是靚仔, 都只不過比一般醫生五觀正, 上天好公平, 比左你才智, 就少左啲野, 好似鄭中基對阿周中師傅講.....);　

只不個食左一碟雙蛋牛扒飯就胃痛左三日，　好彩最後都無咩事．　最開心就系知道公司請病假系唔洗扣錢（以前的公司真系好惡劣跟足勞工法例，　多一啲都無），　原來這也是恩典．

謎底系 - 荊軻

生命的韌力

幾年前無線電線做了一套韓劇，　大家看了幾集都認識了一位癡情同癡線只差一線的誠俊哥（又唔咪好記得女主角個名），　呢套戲令我最深印系得個　”喊”字，　同埋阿女主角苦盡甘未來又有眼癌，　我認為現實中出現眼癌都真系會咩？　估唔到我地教會有一位弟兄早幾個月前發現了眼有一個腫瘤，　實在叫人講不出聲．

呢位弟兄雖然是一位不多言的人，　但願意默默工作的人，　夫妻姻愛，　早幾年前結婚生了一對女兒非常可愛，　這個家庭每星期積極參與教會崇拜，　是一個快樂的家庭，　雖然沒有在前線事奉，　但負責管理教會的維修工作，　就好像是自已的家一樣，　點樣做到最好，　他都會將自己的專業知識放上去．　

聽到他有這麼一個惡耗，　雖然只是一個普通的會友，　也會為他們心裏難過，　為何呢？　他是家庭的經濟支柱啊. 　主. 　你要在他們身上如何彰顯榮耀？　他們一家孩子幼嫩，　太太可以承受嗎？　

當知道做哪一種癌症治療都會使他失明的時候，　更提他們憂心，　能承受這麼大的壓力，　誰可以呢？　還記過了復活節後他便要開始治療了，　這天我剛好做崇拜主席，　看著他的一對女兒，　好活潑，　好開心，　跟著爸爸一起走到事奉的地點－後台，　心裏有很大的感動，　主啊. 　作為弟兄姊妹我們可以作什麼呢? 　好想弟兄姊妹一同為他祈禱.　但我想教會少有按手為人祈禱，　我們是否可以呢?　心裏思想著之前牧者在團契時為人按手祈禱叫人大得力量，　這次若神你覺得我們可以，　讓我在唱回應詩歌的時候便見到這位弟兄作為祢心意的証明（因為弟兄有時不知在什麼地方控制一切電力設司）．　主啊！　我一上台便見到弟兄了，　我們應當為他禱告. 　於是我在台上邀請了弟兄姊妹到台前為他祈禱，　有很多人熟悉與不熟悉的都一同為他及他一家祈禱，　我們當中更有人感受到聖靈的臨到，　好親切，　好平安，　神你會醫治他，　幫助他們一家的．　

過了好幾個月，　這日是一位我們好熟悉的牧者從美國回來香港，　我們剛好邀請他來講道，　弟兄也回來了，　他已完成了電療及化療，　看著他，　頭髮白了，　脫落了，　帶著口罩，　一個人緩緩的走到牧者的面表說聲, 卜少校你好媽?　他的眼如何呢？　不敢問，　心怕傷害了受傷的心靈，　之前只是聽見他的病情進展，　但我好高興今天見到他再次出現．　

剛過去的星期日要做司事，　再次看到弟兄踏進禮堂，　感謝主.　我看到一個生命好有韌力，有人可以好容易因為疲倦，　無時間，　多野做而未能返到教會．　但他愛主，　愛教會，　堅持在星期日回來教會，　疲乏並沒有真正叫他停下來，　因為他的心沒有倦．　在崇拜時見證神使他在電療化療的過程中平安順利，現在等待報告，　他深信神與他同在.

我將這些話告訴你們是要叫你們有平安，　在世上你們有苦難，　但你們可以放心，　因為我已經勝了世界．（約１６：３３）

大陸見工

我的好朋友阿利 , 近幾個月因為上師好扭另, 話改又唔改, 話做又無見事(等於女性話嫁又唔嫁一樣), 廠交唔到貨, 以及老細又維護個廠長(其實呢啲都系公司不明文的附帶福利, 與大家要求的銀行假, 醫療, 雙糧及花紅的明文福利是同屬性質的), 希望再搵過一份絕世好工.

經過了2次無厘頭的interview之後, 個老細又要系大陸再見, 為左阿利的幸福著想, 身為朋友都捨命倍同, 一同到大陸會一會呢個老細, 同見吓間廠.

由香港經過左2個多小時先到廠(同坐飛機到上海差唔多時間), 原因個女導遊及個女司機, 手車又唔夠辣, 又遲到, 本來上大陸好快, 都變得慢吞吞. 直到5點10分左右才到逹目的地. 但系過完2關之後, 仲有老細個關0黎緊, 老細因為有個客0黎左, 於是再等多40分鐘真正見面. (好采都系interview, 如果系相睇, 個人乾到咁樣都唔洗見啦........)

我呢! 當然唔可以阻礙阿利interview, 於時一個人, 拎住本借翻0黎的讀xx摘坐系大堂等, 呢本讀xx摘果然系堅, 有好多甚麼生活常識, 各地的笑話(但有啲都唔知作者想人笑咩), 最堅就系睇唔到2編文章, 就可以叫人睡著.... (有失眠習慣的朋友, 可以在黃昏時取幾編文章作為藥引, 加多2錢甘草再落埋3片薑, 4碗水煲埋1碗, 中火煲45分鐘, 放涼10分鐘, 立即飲用, 可消除失眠及疲勞, 但記著不可以用作修身或去斑之用....附註: 仲可以慳埋幾百蚊睇醫生)

由天光等到天黑, 感覺好似我的人生, 唉. ...為了唔再等, 我終於忍唔住去圈阿利 - 那那林結束啦, 你仲要翻屋企睇Harry Porter架, 我屋企都有套蝶未煲完呀! 就系咁樣, 15分鐘後終於結束左呢個慢長的interview....

雖然呢個星期日就系咁樣過左, 去唔到做運動, 但見到阿利可以有所決定, 都算系完成左一件心頭事. 恭喜晒佢.

海上歷險記

在中五畢業後，去了一間中學讀中六，　呢間學校生活優閒，　沒有壓力，　但只知一件事，　就系讀完之後應該無咩幫助，　同埋入唔到大學．　但可幸認識到一班朋友．　

記得有一次大家相約去踩單車，　由沙田去大埔是大家熟識的單車路徑，　但一班同學７個人選擇了另一條路（正如聖經講，　有一條路人以為正，　最終通向死亡之路），　由沙田踩去西貢，　而家的年輕人諗都唔會諗啦．　

我又唔咪一個運動好手，　又唔咪系大陸長大，　踩單車２－３個鐘都面不改容．　用最多系屋企都系行多幾條樓梯當運動，　要由沙田到西貢，　都唔容易．　每有休息的地方都會停一停，　等一等．　一直踩到過左馬鞍山，　到了三杯酒的一個地方．　見到有好多人租船玩樂，　幾個同學都興志擁起，　三男三女共租了３隻船仔，　想到三杯酒呢個島看一看就走．

在船上我們一邊挭，　覺得好慢，　總是埋唔到個島，　再挭再挭，　個島離我們越來越遠，　個同學仲話比我知佢昨晚踢完一場足球，　今日又踩左２－３個鐘的單車，　已經無晒力（佢個樣簡真就是陽壽將盡），　仲安慰我話, 　隻船有咩事，　我點都救你回到岸上（但系佢咁既樣．．．）　我就試吓由我挭，　但總是無法挭到個島返而且開始覺得被浪沖出大海，　好彩當時唔咪系海吓，　如果唔咪就真系見到好多鯋魚BB.

唔單止我們，　我們的２個同學在另一隻船都是一樣，　只系無我地沖得咁遠，　我心想，　希望海浪唔無咁大，　又唔無沖到去一個荒，　我唔想好似以前既劇集，　一對男女流落荒島，　落大雨又要用隻船遮雨咁慘．　

在我心裏胡思亂想的時候，　我心裏又好想祈禱，　因為人唔能夠做的事，　就只有神可以做到，　但我又怕個同學話我祈禱都無用，　於是等吓一個鐘，等吓又一個鐘，　最後個同學終於忍唔住同我講：你有無諗個祈禱呀！你系個基督徒，　快些啲祈禱啦，　我望住佢，　梗系有啦，不過怕你話我迷信，　於是我即刻同天父祈禱，　求主快啲黎幫我們，　祈禱後我望向四週，　看看有否動靜，　有無人來幫我．．

過了五分鐘，　我見到在起點的地方有一些東西向著我的方向，　漸漸近了，　是一架水上電單車，　我感謝主，　因為祂很快聽了我的祈禱，　祂沒有等我地隻船要翻沉先出手，　不單止救我們，　另一隻船的人也得救了，　大家一同平安回到地上．　那時已是３個小時之後，　岸上的朋友都十分擔心我們有沒有事，　見我們平安，　都好開心，　就馬上回程返回沙田．　

多謝祢.

既不轟動，也不激烈

我！　生長在一個普通的家庭，　有阿爸，　有阿媽，　仲有４個家姐，　本來仲有一個，　可惜．．．因為我個名有一個字（停），　就系咁樣停左，　我便成為家中最小的一個．　

耶穌！　在我還小的時候經常從家姐口中聽到這個名字，　感覺祂是一個好人．都很喜歡聽有關聖經的故事，　如果別人話佢系個基督徒，　我想都應該唔咪壞人．　

到了升中學的時候，　老師建議我選幾間中學，　一些在官塘區，　但其中一間中學在何文田，　呢位老師確實好，　雖然明知呢間中學同我屋企隔左幾個區（我都唔知點搭車），　都話比我知間中學係好學校，　我心想都應該系唔錯，　總比阿媽叫我跟家姐讀同一間私立中學（仲話星期六都要返學，　唔咪掛！　我梗系祈禱唔無啦！－　雖然我當時未信耶穌），　可能就是這樣，　神就真的預備了這一間中學給我．　

這間學校好特別，　校長身高有六尺，　身橫都應該有兩尺半（好有台型），　全部老師都是基督徒，　每星期一的早上有早禱的時間，　在星期三有一個查經班全由班主任負責,　可以發現老師的熱心和愛心，　不是只為收一份人工咁簡單　同學如果無興趣查經可以星期三遲返一堂（嘩呢０的學校系邊度搵到）．當我後期有幸看到校長多年後出的一本書，　我便知道這所學核是經歷多年的禱告而成立，　校舍的建立，　老師的預備，　有著神一一的帶領．　

老師在週會上經常安排一些有生命經歷的人為我們分享見証，　雖然已不記得他們的名字，　但仍記得他們的經歷，　有一個黑社會二佬（仲未坐到大佬位置），　也分享自己在黑社會世界裏的有好多弟兄，　但也有好多仇家，　記得有一次他們對壘的時候，　逃走到一所教堂，　剛好牧師講到人的罪，　他看到自已有很多罪，　就這樣信了耶穌，　（系咪咁易？　就系咁易！），　之後這位牧師不單止自已離開黑社會，　還幫助很多在黑暗邊沿的青年人．　我心想，　耶穌你真好，　你愛好多人，　一個這樣的人你也愛，　誰要在你的愛上仍然堅持做一個壞人呢！　能令一個黑暗多年的人　”出死入生”，是什麼力量叫一個為金錢，　為名利買命的人，　願意放下所有，　去幫助人，　就只有你！　就是被耶穌這份愛人到底的心所感動，　決志接受耶穌成為我的救主．　

我的信主經歷既不轟動，　也不激烈！不用經歷撞車，　沉船，　毀容，　大病，　斷手斷腳，　生意失敗，　被人拋棄．．失戀多次．．．親人離世，　實在要感謝主，　如果你看到這裏，　何不也求一個簡單認識耶穌的經歷的機會呢．　

有人問，　信耶穌可以比你有飯食？　比錢你洗？　比屋你住咩？唔好誤會，　講呢翻說話的唔咪我阿媽，　亦唔咪我阿爸．　如果耶穌只滿足你呢三個願望，　咁就無咩意思啦，　因為唔洗主出手，　你都可以有．　

祂要做的，是人唔能夠做到的，　就只有祂可以做到　－　為我的罪釘在十字架上，　流血直到死亡，　第三天復活．　　阿們！

中藥當中毒

琴日系頭x 新聞見到一則新聞, 都好有意思, 所以就記錄一吓

話說有一隊夫婦, 有個4個月大的BB, 近期出疹, 但系唔知點解, 個阿媽同爸爸唔帶佢去睇西醫, 去左睇中醫, 於是, 醫師見到BB就幫佢疹斷, 仲開左一服藥比BB, BB父母就煲左0的藥比BB飲, 點知無幾耐, BB就嘔左0的啡色野出0黎, 父母擔心BB仲毒, 於是就那那林走去醫院.

醫生話, 阿BB因為飲左0的苦茶, 受唔到苦, 所以嘔翻出0黎啫, 下次比BB飲要慢慢0黎. 系真唔系呀, 比BB飲苦茶! 涼茶系咪好0的呀!

但仍然都覺得父母系天下對子女最好的. (特殊例子人士, 請見諒)