貴陽 - 龍宮燈

這是當的旅遊局格外加的一個景點 - 龍宮


如果沒有這個景點, 貴陽真是有點普通(又或見過龍宮, 覺得貴陽更值得去):


中國第一大洞內爆布, 可以由下而觀,  在近距離會感受到水流的澎湃。 也可以在爆布頂而腑, 這是我覺得最特別的.


另有一個鐘乳洞遊覽, 雖然唔咪好鍾意啲七彩燈, 但實境又有唔同感覺. 無左燈又睇唔到岩石變化... (遊船入洞幾分鐘又得, 自已行洞4個鐘又得..HAHA), 如果真系有足夠時間去行, 行洞又一個滋味..


貴陽有很多原生態的地方, 希望發展旅遊助當地人民脫貧同時, 仍保留自然的一面.

貴陽 - 雙乳峰及黃果樹大爆布

第二天下午
雙乳峯



唔洗多講, 自已聯相.....正所謂只可遠觀, 不可褻玩XD




第三天


黃果樹大爆布
這個地方要行一整天, 如果老人家去都是行有點幸苦..


1. 其中一個是矮而濶(大家掛住同阿婆買袋, 連個爆布名都唔記得), 都是一個壯觀地方.

當的有好多老婆婆在叫買東, 有時心裡希望好也脫貧, 價錢都是10幾蚊人民幣, 大家都好願意幫他們買點東西.


2. 黃果樹大爆布, 雖然無利加拉瓜咁大, 都壯觀架, 但最大特色是有個水濂洞, 即可以由山邊穿過瀑布中間, (好眼力的會見到成大班人塞住鬼條路就系洞口...). 因為時間不夠, 大家單是買東西都阻晒時間.. 所以無行過水濂洞...可惜可惜!!


如果老人家辛苦, 可以比錢搭車梯到爆布底觀看...

貴陽之行 - 凸格河

今次多謝朋友邀請, 一同去了貴陽, 又因覺得想為這地區脫貧, 所以也好願意將這地方的特色介紹一下..


第一天坐港鐵到羅湖, 轉旅遊巴到廣州坐高鐵5.5小時, 就到貴陽, 坐左9個小時車, 但也比坐飛機心驚膽好..


第二天到格凸河, 及參觀苖族


特色是:
1. 以三個洞形成一個凸字, 如果在早上8:00-9:00, 天氣晴朗, 會見到陽光穿越洞口透落河上... 可惜去那天陰天

2. 最勵害表演, 苖族人沒有任何工具, 就咁爬上岩石約15-20層樓高(差不多成個洞咁高), 爬上去只用10分鐘, 落山無難度.


3. 竟然見到洞穴棺材(咁都影, 比阿媽見到鬧死) (另外棺材原來系背在身上, 爬上洞上放下, 你話苖族人系咪傻既? )


因為上傳圖片實在太難, 所以只有文字...

為朋友高興

做了保險理財以來， 這年都幾歷了生死， 有兩位受友患腦癌， 一位患淋巴癌， 一個因情緒病而離開世界。 套用舊老細一句說話，我都幾黑仔。

可幸其中患淋巴癌的哪位， 雖然癌病有抗散情況， 但有標把藥合適， 現已大致痊癒。

還記得初聽到朋友患病前認了一位大學教授， 樣子標緻， 他離婚後第一次聽到有心儀對像， 但到發現淋巴癌時， 他說不打算害了對方， 會和對方做回朋友， 心有點為他無奈。

在治療期間， 讓我失驚無神見到他倆在一起， 覺得有點驚喜。

今日與朋友檢視他的投資計劃時， 知道他正在拍拖， 實在提他們高興， 高興是因為兩人經歷過生死， 仍然走在一起，感情能經得起考驗， 雖然我從未領匯過愛情， 但見到幸福並不是平淡中出現， 卻在風雨中而生， 人也會開心。

願神祝福他們！

再次重聚

好開心， 再次可以去這個blog, 自從將所有寫blog 文章放在yahoo， 就無在這裡放任何東西。 但yahoo最終要關門大吉， 我又唔記得這裡可以再寫， 我就停了寫野既習慣。 今日竟然唔打唔撞， 又可以再見到以前的東西， 就好似重遇故友一樣。 開心！

生日大餐

之前講過, 生日遇上返學, 所以改日再慶祝. 平時和姨甥一齊慶祝生日, 大家姐已預備晒食物. 今次我補祝生日, 當然是我自已要諗食咩野..

有時諗起媽媽平日煮的生日餐, 來來去去都系: 炆鴨, 炆冬菇, 豉油鷄, 蝦, 蟹, 瑤柱.. 母親節已經食左一次, 如果再翻炒同一樣既餸, 真系好有酒樓做餐意味, 所以我特別搞搞新意思:

登登登登...

請大家唔無掛住留意枱面上既報紙, 我家實在是環保一族, 不美觀請見諒. 其中有9款都是我做架! (如果包埋個菠蘿腸, 可以算是10味呀...haha)

先嚟醉鷄, 食譜是跟"阿蘇"做的, 但唔鍾意太過多酒味的, 最好只浸4個鍾, 否則會較苦. 但我浸左一晚, 就太過多酒味. 否則都唔錯.

東坡肉, 味道是跟黃淑儀食譜, 又系前一晚先做好. 好似好肥膩, 但啲肉料都好好味. 要決是一件靚的五花腩, 否則點煲都系麻麻地.

賽旁蟹, 有點失敗, 太過多水, 可能啲急凍帶子會出好多水. 一邊炒一邊出水. 唔緊要我會再嘗試, 下次會改用瑤柱.

黃金蝦, 是我的至愛, 炸蝦後再加鴨蛋王再炒. 姨甥三好都話好味. 不過最好用細既軟殼蝦, 啲殼會再脆啲好味啲.

法蘭西白酒青口, 雖然只系用左大陸既急凍青口, 但系個湯既味真系好似去法國leon 食既煙肉青口. (法國青口是200蚊, 大陸青口是20蚊.. 系有分別既)

我知我知, 如果換左個稍為好少少既盤裝左啲青口, 個買相好啲, 吸引力都大啲. 下次會注意.

因為爸爸格外買多左餸, 所以枱上既食物, 都只系食左一半. 但都好開心, 大家鍾意食.

生日天

每年生日, 都會與大家一同慶祝, 因為我的姨甥三號是和我同一天生日, 所以都會一齊慶祝.

由於今年的生日, 剛巧是要返學, 仲要做presentation, 而且是最後一組, 即系無得早走, 還好這是最後一科, 完成這科, 我就畢業, 諗起都開心.

其實生日要返學, 都有點掃興, 特別是有同學願做野, 成日想別人做埋佢哪一部份. 算啦, 最後一科, 再加上我年季只讀一科, 盡人事做埋佢.

講起要present, 我地個老師都系幾嚴格, 以前上佢堂, 真系有點怕. 唔知系佢年紀大左收左啲火, 還是佢有愛情滋潤, 今次老師個樣親切左.

說實話做, 今次沒有另一個同學幫手, 其他同學又比唔到意見, 有時都擔心做得唔好. 到present當晚, 幾個同學都預先做了一次present, 時間都足夠. 只是其中一個麻煩同學, 又遲到, 又唔自已練習, 以為自已會做得好好, 點知真有點累街坊, 用多左時間. 幸而勉強在限定時間多一點點, 老師叫定.

在4組同學中, 老師竟然讚我地是最好一組, 真是一份好既禮物. 說實話, 我地只是按這兩年來累積的經驗做, 也不是特別出色. 實在是其他組真的做得麻麻地,

無論如何, 今次生日雖然是要返學, 竟然有一份金錢買不到的禮物.. 感謝主!