我老細好有吉士

香港呢幾個月都有打風, 仲掛左四次八號風球, 唔知大家仲幾得我2個月前話因為一個颱風搞到單貨出左事.

終於同個客拉鋸左個幾月, 個客見我老細開始話要將批貨賣比其他客人時, 個客就開始擔心, 於是叫我即刻寄啲辦比佢, 但系我老細話要佢要辦幾多套都可以, 比錢才可以寄辦. 我客嬲到爆咋, 話咁多個供應商都未試過收佢錢. 如果我地唔寄辦就唔會比錢要貨. 佢都唔打算要, 無計啦你之前咁串, 老細都會對你唔客氣, 我覆左佢老細好堅持sorry, 於是佢又好瘀皮咁話, 好啦, 我地比錢la, 咁你寄辦啦. 唉! 唔咪衰多口, 唔會咁出醜囉!

等到寄辦之後, 個客以為一定平安, 我追佢快啲覆, 佢又話決定權唔咪佢手上, 唉! 都唔知佢系咪又玩野, 又話其中2-3付有問題, 老細話佢唔系deadline之前覆話要, 就唔會賣比佢, 老細我知你要face, 但呢批貨真系唔少錢呀. 結果個客過左deadline仲話要再檢嚟檢去. 老細決定唔賣, 話唔賣就唔賣, 請願搵過另一個客人... 老細你好型呀, 好有吉士. 就系咁, 批貨就積左系呢度. 都唔知幾時先可以清左批貨. 唉!

老細好有吉士, 又好有face , 但系你無左money 啫.

我們的總理真是家寶

近來毒奶粉事件, 震驚全國, 全球, 比起雷曼兄弟破產, 帶來更多的傷害, 因為嬰兒的生命, 在母親的手裏, 比任何一張股票債卷更貴重.



今天晚上看晚間新聞, 知道我們的總理溫家寶去了美國紐約開什麼會議, 專好問難的記者, 在溫總上台講話時, 第一個問題就是問毒奶粉事件, 未知這些記者的心態是什麼, 是要看看溫總回應是不負責任, 還是要再次提醒各國, 中國食物品質差勁, 但溫總的回答實在叫人感動, 這件事叫他”心痛”, 因為所偒害的是嬰兒的健康, 作為社會的負責人, 他會吸取今次的教訓, 使中國食品符合國際的標準, 他今年是67歲, 他將會用有生之年共獻國家及人民. 如果這番說話出自其他人的口, 好像有點假, 但不知為什麼出自溫總的口, 就來得真誠, 叫人有一種莫大的感動與安慰.



曾經何時, 當朱總理只做了四年總理便離開這個崗位時, 我們想朱總你可否再做落去呢? 你不在會否有一個總理像你, 一樣有智慧, 鐵面無私呢? 在溫總上台之後的六年裏, 中國有SARS, 雪災, 大頭BB, 四川大地震, 今次的毒奶粉, 他都一一願意承擔, 去改善, 從雪災到毒奶粉, 我們都看到一個很勞苦的總理, 他沒有只坐在人民大會堂裏教訓下屬, 他走到人民的當中去安慰, 去了解, 去道歉(這是過往中國領導人難得會作的事, 好像也沒有看過), 被外別國記者在會議上問問題恥笑, 他都以真誠的態度回應. 今日我看到溫總不是一個高高在上, 而來到平民百姓的當中, 讓我感到他有耶穌惜日愛世人的心, 不願高高為神, 卻今願降生成為人, 來到世間, 承擔世人所犯的罪, 為世人的罪被釘在十字架, 流出寶血. 如果溫總心裏真的有一個主宰, 我好希望祂是耶穌!



一個有這樣的一個總理, 比起國寶來得珍貴!



是的中國仍有很多改善的空間(我心裏想哪一個國家沒有不良份子呢? 只是時間久了, 大家忘記吧! 但我們自身仍然要做好本份) 當我看到這些牛奶一桶桶倒去, 牛隻要被賤買, 我看了也心痛, 心痛除了財物損失, 嬰兒身體受傷害, 更心痛的是中國人民的知識水平過往都薄弱, 對於什麼是重要, 什麼是不重要也分不清, 如果這些人能被教育有一個正確道德良知的觀念, 那有該多好, 溫總可否也改善這方面的教育呢?



雖然這裏沒有提及胡總, 但他同樣是一個負責任的領導人, 我覺得這十年裏的主席和總理是一個"超絕"的配搭!

友誼

人與人之間的友誼可以分好多層次, 要去到能分擔對方的喜與悲就不太多.
人是不應該用錢來衡量人與人之間的友誼, 但好多時我們又可以從錢裏面發現真什麼才是真友誼與假友誼.
多年前有一個認識了10年的舊同事, 大家都覺得對方是好朋友, 她有一次問我借錢, 要急於買一種東西, 沒有問原因, 我便借錢給她, 之後她主動說要還錢給我, 但因為大家所用的銀行不同, 她說要叫一位朋友轉給我, 而她將錢轉交給她朋友. 只是我等了一個星期都沒有收到錢, 追問她, 她說她給了她的, 但她朋友話會轉, 後來又唔聽電話, 她再覆我如果她的朋友不還錢, 她會再比翻我, 只是到這位朋友幾個月後移民外國時, 都再沒有聽到她提起要還錢, 結果, 我只好當自已買了一個不平宜的電視機, 唔小心扑欄左, 又無得賠.. 自始之後, 我對朋友借錢的因由與態度都謹慎多.

金錢真是一塊試金石

最近剛讀完一個課程, 我和一個同學便打算再上讀一個degree, 因為學費是要交外幣, 所以近來都好密切留意外幣的走勢, 這個同學見匯率跌左, 就既刻通知我, 但近來都有好多開支, 都無錢可以去換. 我同學怕我到時無得讀, 主動對我講, 佢可以借一半比我換左先, 我有就即刻比翻佢, 我好感動, 大家識左兩年幾, 時間好短, 但佢可以咁信任我, 唔怕我走佬, 如果我真系走佬, 佢會無左一半學費呀.. 最後我都無要佢既幫忙, 但比我認識到一個無私的朋友…

金錢真是一塊試金石, 友誼唔能佢用時間來衡量

月餅

今日系中秋節的正日, 如往年一樣, 沒有約任何朋友, 與家人在家裏渡過, 我的家人覺得大節日, 除非有特別公事, 否則一家人一定要一齊過.

每年我對中秋節都有一種好奇, 就是我們家今年會收到幾多盒月餅, 以前3個家姐必定會有一盒帶返娘家, 阿爸每年中秋過後, 就會月餅當早餐, 食足幾個月呀! 簡直系會有中秋過後月餅候群症...

今年我又數一數有幾多盒:

1. 大家姐一盒雪糕月餅(呢盒系會即時清倉, 無有怕)

2. 三家姐一盒冰皮月餅七星伴月(呢盒系會一兩日清倉, 無有怕)

3. 四家姐一盒美心月餅白蓮蓉 (由呢盒的第三四日後會開始產生恐懼症...

4. 小妹(本人) 一盒美心月餅白蓮蓉, 再加上一盒曲奇(中西合壁, 系老細中秋既一點心意)

5. 阿爸阿媽系茶樓比啲待應游說買左幾盒五仁月餅派親戚, 最後都仲有一盒剩.

6. 舅父無啦啦今年又送一盒蓮蓉月

7. 十幾年無見既表姐今年又突然送一盒美心月餅

8. 一年先會見一次既堂大佬無端端今年叫老爸去拎盒月餅返屋企.

今年果然好驚喜, 有8盒月餅, 記得有一年去到6月系屋企某個角落, 竟然仲有一盒去年既月餅, 如果一盒月餅用嚟慶祝一次既中秋, 我地今年最少會有8次呀.. 唔知今年啲月餅要食幾耐呢?

沒有枉過的一課

早幾年前在一個培靈會裏, 聽到一位牧師講道, 他雖然看似60幾, 但他講道的幽默, 說話一針見血, 不沉長, 有條理, 表達出一種時代訊息, 令人印像深刻, 他叫彭振華牧師.

在一個月前知道這位牧師將會講一個基督教的課程 - 兩約之間, 我就好想再聽他的講道一次, 這不是一個容易的課題, 這是聖經裏沒有記載過舊約及新約之間的一段歷史, 但卻被聖經預言的將發生的事, 又已經發生了, 確實有點神秘(雖說神秘, 只是自已無去搵這些歷史書來讀), 由風趣的牧者講解相信會是很開心的一課. 但近來用錢真的多了, 所以在報讀課程是猶豫左好耐, 讀還是不讀, 算了, 既然報名就讀吧!

今晚是第一堂, 牧師用了15分鐘分享了一點點題外話, 單是這些題外話, 卻令我今晚好想分享出來! 這位牧師早幾個月前提出退休, 原因是他身體的吸癢系統出了問題, 他的吸癢功能正慢慢地衰退, 可能不久的一天他會不能呼吸便離開這個世界, 他的生命正在倒數中, 不曉得他答應講解這課題時, 知道自已身體已經去到這地步沒有, 他分享這次大有可能是他生命裏最後一次教導, 但是他在台上分享時, 仍然盡力地表現自已最有活力的一面, 風趣幽默沒有離開他, 沒有聽到他分享的人, 還以為他身體依然, 我突然間, 覺得上這一課沒有枉過, 曾有一刻猶豫實在不應該, 因為他不謹教我們在知識上的事, 也用他的身體告訴我們, 縱然面對人不可改變的事情 - 死亡, 信靠耶穌的, 仍可以有從心裏發出的喜樂.

今天晚上講到 "約", 在社會裏我們有好多約, 在工作上, 生意上有好多約, 但可以好容易被環境的改變而變質, 又或變得沒有意義. 聖經裏另外又講到一種約, 是"永約", 人與人之間也有一種永約, 而婚姻就是人與人其中一種永約, 當盟誓的時候, 不是只期望對方與你生活幾年滿足慾望, 而是期望一種一生一世的共處, 心靈的交流, 不過人的永約也可改變, 當死亡分開二人的時候, 人與人之間的永約也就終止了.

而神與人之間的永約是永不改變. 好多人常問為何神要造人, 造人的目的何在? 我們造一樣東西都有其目的, 做一個杯是想盛一杯水, 做一輛車是想代步, 後其改良或是多加設計只是要改變外觀, 但功能還是沒有改變. 神造人只是神要作人的神, 人作他的子民. 是一個很簡單的目的, 縱然人犯罪所帶來的破損, 神藉耶穌基督條補了, 使這個約繼續:

神在最後一卷聖經裏重申了這約:

我聽見有大聲音從寶座出來說: 看哪, 神的帳幕在人間, 祂要與人同住, 他們要作祂的子民. 神要親自與他們同在, 作他們的神. 神要擦去他們一切的眼淚, 不再有死亡, 也不再有悲衰, 哭號, 疼痛, 因為以前的事都過去了. (啟21:3)

25週年

每逢8月都系教會的堂慶月, 不經不覺教會都已經25年(大家記住, 教會25年唔咪我返左25年, 都系返左十幾年啫)

由於今年是銀禧年, 所以教會都做左一些禮物作為記念:

1. 2個月前已經收到一把雨遮(遮風擋雨系教會經常為有需要既人而做)

2. 到尋晚聚餐時, 又收到一個鐘(如果比阿媽知道教會送個"鐘", 一定講翻句大吉利是, 不過我屋企全女班, 都無咩所謂啦)

3. 25週年特刊 - 系仲未到手(各會友投稿又唔多, 搞到負責單位一拖再拖到今時今日都未出到本特刊. 不過應該9月份一定收, sorry我都系慢半拍既其中一位), 25週年特刊最大既特色系, 比我地大家睇翻, 經過咁多年既歲月, 大家的樣貎, 身形系"從沒變改", 還是"從此不再"