再到荷蘭

好開心今次旅程可以再到荷蘭, 雖然稍後會分享在荷蘭的不愉快經歷, 但系因為有這一個家庭, 荷蘭都我嚟講, 是一個好似家的地方.

五年前第一次去荷蘭, 當時是跟基督教短期宣教中心, 回想就好似尋日發生的事, 當年可以去荷蘭16日, 實在系一個恩典的日子, 今日怕且都好難(神的恩典尚未停止, 我唔該說在神裏有難成的事) 這個教會的一個執事是一個好好人, 他沒有因為我們是陌生的弟兄姊妹, 就隨隨便便接待我們, 除了衣方面之外, 食, 住, 行他都照顧週到(今次我朋友無帶夏天衫, 佢地今次連衫都借埋比佢) 每天要我們食得好飽好飽, 住在他弟弟剛買下無耐的新居, 我們每到任何一個教會包接送, 仲帶埋我地遊覽荷蘭的風景名盛, 我地簡直系去左荷蘭一個五星級的家(好溫暖)

整個家庭都系充滿左耶穌的愛, 佢地唔咪富有, 劉大哥(爸爸)只系一個糖廠的司機, 有太太及4個仔女, 他用自已能力, 照顧家庭, 亦照顧身邊好多朋友, 他所有的就系一個愛人的心, 沒有計較我地去到佢地家庭系咪令佢地洗左佢地好多錢, 只系不斷地付出愛心, 因為呢個家庭, 令我覺得接待人可以當陌生人系自已家裏一份子, 佢地改變左我的心態, 我覺得值得向佢地學習. 佢地比我的感覺我就好似佢地家裏的一份子.

今次因為佢個大仔系5月中結婚, 剛好我去完展覽, 時間又不多不少(太遲老細一定唔比放假, 太早又撞正展覽) 我可以體會一吓荷蘭華人的婚禮系點樣. 而適逄這個日子系荷蘭呢個時候系最多花既時候, 佢地話要帶我去睇花, 你話唔感動有假, 我都未到, 佢地已經諗緊點樣預備啲節目比我地, 其實去荷蘭見到佢地都已經好開心, 佢地仲要好忙為大仔預備婚禮. 實在有啲唔好意思.

4年前佢地已經帶過我地去風車村, 所以今次無特別去搵風車.

今次嚟到荷蘭, 我落機當日, 他們的嫲嫲剛剛離世, 他們仍然在難過的心情底下倍我去玩, 我實在好感動! 希望他們可以快啲忘記唔開心的日子..

一線通, 平安鐘

在5月13日, 我終於可以離開意大利呢個鬼地方, 一大早9點鐘, 2個鐘頭前就到機場, 因為呢個唔咪大機場, 所以有好多野比大機場更慢(大機場的地勤人員已經好慢, 細機場就... , 我擔心2個鐘頭比航空公司做check in 都唔夠時間..好彩後來佢地動作快啲少少, 成個鐘先幫10幾個人check in, 可能要3個鐘頭前到機場先安全啲. 難怪以前的老細出差去機場時咁緊張. Anyway, 終於入閘。　

去到候機室, 因為我身上實在太多行理, 咩住一個背囊, 拎住一個手提行理, 圍住一個腰包, 咩住兩張100 x 80 cm 的poster (咁都可以比我帶咁多野上機, 真系要感謝神. 如果系英國, 我都唔知點將４件野變為１件 - 英國現在只可以帶一件行李上機), 就系因為帶住咁多野,唔敢周圍走, 去厠所先, 比我見到個傷殘人士厠所, 真系好, 我咁多野, 入個細細格的女厠, 我又唔咪男人, 都唔知點樣方便.

去完厠所, 打算沖厠, 點知按個水厠掣, 無反應, 再大力啲, 又系無反應, 唔通知沖厠有問題, 又或是自動? 突然間又比我見到一條鏈, 好似以前舊式的沖水手掣, 唔通呢個先系真既, 試吓先, 點知我一拉, 個鐘就響左la, 原來呢個系平安鐘, 個鐘拉響左就唔會停, 我真系嚇親, 搵極都無其他掣可以整停佢, 無辦法, 惟有開門, 就即刻見到個意大利女巨人"隨時候命", 我就好"火羅"咁比你指住我講, 呢個唔咪厠所水掣, 系平安鐘嚟架, 果個先系呀... (佢系同我講意大利文, 我諗我答翻佢中文佢都應該明白我講咩) , 我只有點頭話ok ok. 我明白架啦, 下次我知架la.

去到候機室, 剛要上機, 又傳嚟廣播話機件故障, 要等一個鐘先可以知系咪可以起飛, 我就發個短訊比個朋友, 叫佢遲啲先嚟接我機, 剛發完個短訊又廣播話班機會事, 5分鐘就可以起飛, 系真唔咪呀, 維修咁快, 我驚驚地wor. 但點都要上, 上到機上個機司仲好唔識做, 講話班機有機件故障, 好彩意大利人技工好快整翻好, 你講完我仲驚, 完全唔覺得架機系無事系, 飛機檢查唔咪需時嗎? 咁快好? 得唔得架... 好彩最後都平安到步, 見到我的朋友..

少女的祈禱

當我離開意大利的前一晚, 我個朋友就同我講, 佢上網時知道四川發生大地震, 好似死左好多人, 而昨晚由法國去香港的航班要轉到北京, 可能是因為天氣不穩定的原固, 所以在北京停留5個鐘之後先再飛返香港. 我仲記得我的朋友剛好就搭呢班機, 好彩只系轉飛到北京, 人平安就好了. 之後問翻個朋友情況系點, 佢因為瞓到懵醒醒, 瞓到落機, 所以唔知原來去左北京, 但都平安無事, 只系遲左5個鐘返港.

到我第二天發個短訊給六號仔報告我的行踪時, 佢就比翻個短訊我說: 感謝主, 你一路平安, 五姨, 你知嗎, 昨天四時發生一件慘事也是天災, 四川地震, 死傷約一萬人, 我已祈禱... 收到呢個短, 有點感動, 在我沒有祈禱以先, 這個姨甥已懂得為我平安祈禱, 也為四川的人祈禱, 使我心中覺得好平安, 她是這麼一個乖巧的女孩.

聯合國晚餐

今次出門都有好多的第一次:

1. 第一次飛機故障, 要轉其他航空公司.

2. 第一次接駁唔到下一班機要delay.

3. 第一次唔見行李, 包括私人及公司行李, 以及成晚好以干蒸燒買, 仲無買一套意大利時候頂檔. 真系想殺人呀!

4. 第一次去新會場, 個攤位只有自已一個香港人.

5. 第一次同9個人一同吃飯. 但有5個系外國人(如果唔咪有幾個國家的人甩底, 會仲多), 只有老細系香港人, 記得2000年首次出差是, 首次和五間唔同的行家食飯, 當時大家沒有因為對方是同行, 就敵視大家, 反而這次晚飯成為日後的話題. 今次因為鬼佬的原故, 他邀請了不同國家的朋友, 我竟然有幸參加, 雖然未去之前會覺得好悶, 但系都是一個唔同的經歷, 人生有幾可可以一次過同唔同國家的人食飯, 這晚去了一個意大利餐, 仲可以食左好多唔同的意大利地道食品, 最後當然唔少得系意大利甜品.

其中一個鬼佬邀請我第二晚再嚟一次聯合國晚餐(又系有不同國家的人, 仲話要加埋日本人), 最後我都系拒絕佢的好意, 其實呢個客都好好人, 但同翻一班老友食飯, 會自在啲.

呢一日系我的生日, 都可算又是一個難忘的生日, 早上我確實好唔好心, 因為啲行李未到, 四年前生日當天比個客鬧到狗血淋頭, 今年仲衰, 但我下午好開心, 收到好幾個message, 我幾個好朋友以及六號仔都send 短訊比我, 祝我生日快樂, 由唔快樂都變得好快樂...多謝大家.

而晚上又有一個聯合國的晚餐, 都幾特別, 不過我實在唔敢話比其中一個人知, 怕西人熱情如火, 送我幾個birthday kiss, 真系會想死. 都系無聲勝有聲好啲.

黑仔的第一頁

我返嚟了!

其實在上星期六的早上已經返到香港, 但系時差又成了我的藉口, 於是到今時今日才將這11日的所發生的事慢慢記錄落嚟.

出差都已有7-8年了, 舊年轉到新公司, 除了老細之外, 就只我有一個人出差, 一個人出差真是有苦有樂, 苦就系一個人要渡過5天的日子(我唔想咁快感受孤獨歲月), 嘜野事情發生都系靠自己, 好處就系好自由, 自已決定自己的時候.

每次出差我都深信神與我同在, 今次出差, 雖然公司只有自已一個去, 但去程飛機都有同行業的朋友同行, 回程時我可以去荷蘭與朋友會合, 也是有人結伴返港. 這是意料之外的恩典.

在5月7日食過晚餐便到機場, 與朋友會合了便一同check in, 未到counter既時候, 就有個服務員同我地講, 因為飛機機件故障, 航班要調配, 說什麼機件故障, 有知情的人事話系一架工作車撞落部飛機, 攪到部飛機唔飛得, 聽到呢個消息, 你叫我唔亂諗野都系假, 唔洗咁黑仔呀嘛, 好彩法航即刻安排我地坐國泰, 而國泰今次系一部新機, 流線型的坐位加上先進的電視設備, 都算塞翁失馬, 焉知非福, 但系我地發現法航又唔肯出接駁機的登機証, 心知有點不妙.

果然到左巴黎轉機的時候, 深深體會法國人的工作態度是多麼的有效率啊! 系法航counter 企左個半鐘, 佢地先處理左6個人的問題, 有高血壓的朋友, 能夠比多少少錢, 都系坐國泰好! 結果我們唔能夠坐原來的航班, 變左要等3個鐘頭先再次登機去米蘭. 這已經比某些香港人好了, 因為他們要等足5個鐘先去到..(不過佢地可以claim insurance)

咪以為去到米蘭就告一斷落, 我朋友的行李到齊, 但我就一件都無到, 唉! 意大利人同法國人可能因為大家都入左歐盟的關系, 除左貨幣相同之外, 做野的作風都咁一致, 個種散慢的態度, 無高血壓變到有高血壓, 給我一種結論就系: 香港是最好的.

話晒今次老細終於肯洗錢擺攤位, 但我到開展朝早都未有辦, 我自己呢? 仲要乾煎蝦錄系酒店等行李到, 心情跌到落谷底, 只有求酒店個接待員幫我用意大利文同航空公司講要求佢地快啲, 估唔到意大利人中仲有幾個系有人性, 呢位待員對航空公司講我要系三點鐘離開, 叫佢地系3點前必定將件行李送到, 最後我2點幾收到件行李, 以10分鐘極速變身化妝, 即系趕去會場.

其實在去程的時候, 我不得不感謝主, 因為他讓這位朋友可以和我同機, 他不單倍我一同等待轉機, 又倍我去新展覽會場, 如果小了這麼一位朋友同行, 感覺更酸!

出發

呢排又無寫blog, 因為近來都好忙, 忙於預備出trip 前的事情.(其實懶多過忙既)

過2天我就系生日了, 由於我好幾年都因為要出trip, 所以好多時生日都唔系香港過, 所以今年我家姐同我一齊慶祝(佢只早我2日), 尋晚就系屋企開大餐, 之不過, 屋企好似多左個慣例, 就系邊過生日, 就邊過要煮一鑊, 即系我同我家姐做左美女廚房, "煮左先講", 可以系出差之前同家人慶祝, 系幾開心, 不過就未預祝母親節...hehe.

由於今晚就要出發, 我個姨甥六號叫我keep 住傳短訊比佢, 等佢知我做緊咩, 又可以系佢個blog寫吓我發生咩事, 仲割愛咁借部NDS比我解悶, 都算佢有心啦!

好了, 要出發, 要等到下個星期尾先返香港, 到時再同大家分享我今次出差有咩趣事.

誰可改變

早前因為教會有一個活動, 希望其中一個基督徒朋友分享他的見証, 多年來這個人活生生的見証耶穌改變他的一生, 所以得他的允許, 也在此寫上他的見証:

一個消防員的見証:

我在中學的時候, 是一個很壞的青年人, 什麼壞事情都有做過, 當年我經常和別人打交, 中二那年還未畢業便已被趕出校, 當期時我十份迷茫, 就是因為這樣, 我很討厭上學, 造成反叛的性格. 學校給我的評語是一個無原則無紀律的人, 使我很不容易才找到另一間學校繼續學業, 就這樣混混噩噩的讀完中學.

就在我傷心失意的十九歲那年, 福音就臨到我, 還記得我在中一, 二的時候認識了一班基督徒同學, 他們沒有嫌棄我, 一直跟我聯絡, 並沒有因為我這麼壞便放棄我, 後來他們邀請我參加一個福音講座, 在我空虛的心靈裏, 我感受到愛, 最終我決志相信了耶穌.

信耶穌後對我的人生有很大的轉變, 籍著聖經的教導和教會與弟兄姊妹的相處, 我感覺到關心和關懷, 也懂得珍惜身邊每一件事物, 內心喜樂有着平安，我開始感覺到家人的關心, 和弟兄姊妹的支持, 以前我和家人的關係很差, 沒錢時便向他們要錢, 他們不給我, 我便會打他們, 是一個沒有了心的人, 可以稱得上是冷血, 不體會家人其實很愛我, 信主後, 我慢慢體會原來家人一直都很愛我, 家姐們從來都沒有放棄我.亦因為我的轉變家姐們也相信了耶穌， 而我的朋友也希奇, 是什麼原因使我改變甚至喜歡幫助別人.

在信主之後兩年, 當時二十一歲, 我對自已說, 我想做一些有意義的事情, 所以我投考消防員. 由訓練至成為真正的消防員, 每一次出動, 我都站在前線進行拯救, 而每一次出動之後我都可以平安回到消防局, 因為我知道神與我同在, 祂會保守我平安, 亦因這樣我也受到上司的高度評價, 同事之間的相處融洽亦得到他們的認同, 在工作上我得到很大的滿足感.

在我家裏也大大感受到天父的祝福, 祂賜給我一個美滿的家庭, 有好太太和兩個小朋友. 原來我們的生命可以活得很精彩, 生命是可以選擇, 我相信我選擇正確, 我感謝天父, 可以讓我認識祂, 得到這份美好的福氣.

消防員　－　阿祖



能將一個人180度改變, 除他以外別無拯救, 因為在天下人間沒有賜下別的名我們可以靠著得救. (徒4:12)

盼望成為動力

如果大家有看過惡作劇之吻, 我想大家都會知到女主角湘琴是一個怎樣的人, 而我姨甥七號, 剛好擁有湘琴的特徵特別系讀書方面, 就系: 1. 無記性, 2.理解力低 3. 每次讀書的時候10幾分鐘就會開始闔眼瞓, 但系女主角所擁有的優點, 佢又無嘜, 例如: 雖然厚面皮, 又好蠢, 但會堅持到底. 連佢既補習老師當我叫佢湘琴既時候都好認同....唉!

對於七號嚟講, 每次叫佢溫書, 佢第一個反應系>>>>無反應, 完全進入異度空間, 扮聾扮啞, 好似唔識我咁樣, 之後我們都系軟硬兼施, 軟的方面就系: 溫書之後, 你可以玩電腦打網上遊戲(除左呢個方法都諗唔到仲有咩推動力可以叫佢自動拎起本書), 硬的方面就系: 仲唔讀書就要打..

原來從我姨甥都可以測試到什麼叫做盼望, 話說呢日我要用軟功叫佢讀書, 只要佢讀15分鐘(呢個要求都相當低), 就可以玩電腦, 但系以佢既能力, 10分鐘便會開始瞓覺, 於是到10分鐘既時候, 我就同佢講, 仲有5分鐘, 你捱埋落去就可以玩電腦, 於是佢又讀多3分鐘又闔眼瞓, 跟住我又同佢講: 仲有2分鐘, 你捱埋落去就可以玩電腦, 於是佢又讀多分半鐘又闔眼瞓, 跟住我要同佢講: 仲有30秒, 20秒, 10秒..9, 8, 7, 6, 5, 4, 3, 2, 1 夠鐘...你可以玩la, 講完呢句, 佢終於堅持到可以玩電腦呢一刻無瞓著..

有盼望呢種動力果然大, 因為可以超越人的限制....