又一恩典

近幾年因為要讀書, 所以個人都變得窮左好多..大家見唔到到索到我有啲霉霉地...hahha

還好仲有4科就讀完, 但都捱到出年六月. 時間真的過得好快, 咁就已經讀左12科...好快, 我就可以脫苦海..

因為讀書, 所以成日都要睇緊荷包做人, 計吓計下今個月又有朋友生日飯, 半年一度既保險, 還有其他開支, 都有點頭痛.

作為基督徒, 弟兄姊妹之間, 經常會分享到金錢需用既問題, 我們好多時都會經歷到神在最需要的時候, 為我們預備需用..

是的, 主耶穌, 今個月真系有啲緊呀, 求你幫助我! 阿們!

早幾日前, 剛巧收到稅局既一封退稅.... 哈哈哈, 我今年有退稅呀, 過往都試過有退稅, 但系今年系有幾百蚊.. 系我呢啲窮等人家, 幾百蚊都系甘露呀!

多謝耶穌!