媽媽隻手最靚

好多時人都好鍾意對比下一代和上一代的相同, 又對比上一代與一下代的不同, 就好似我同爸爸的外貎比較相似, 性格又有啲似..

首先我地會對比既系性格, 通常人都系鍾意講啲唔好既一面, 而我第三個家姐就成日都話:

七號仔就似足佢個老斗, 又懶, 又無記性, 又唔鍾意讀書, 無一樣似我的....(系咪真系淨似姐夫呀..好似都見到你既影子wor)

除左比對性格之後, 大家都好鐘意比對外貎, 姨甥六號仔和妹妹八號仔都極似我四家姐, 我家姐有一張BB相, 因為佢兩個女都同極似佢, 所以2個女都照例擺左一個相同的post, 日後都可以話佢地系三姊妹....

呢日, 我三家姐同六號仔講, 你隻手好靚wor, 比你媽咪隻手靚wor, 但六號仔話, 我覺得媽咪隻手系最靚, 我三家姐話唔咪掛, 你咁細個, 你隻系又白又滑, 你媽咪邊夠你靚呀, 但系六號仔又話, 我都系覺得媽咪隻手靚啲..

六號仔! 系呀, 雖然你媽雙手又要工作, 返到屋企又要做家務, 洗衫煮飯, 做到粗晒. 但你媽媽隻手都仍系最靚呀!