零的突破

每個人都會有自已的興趣, 大部份女仔的共同興趣離不開行街買衫, 男仔就離不開相機, 手機與影音電器!

數數吓自已在不同的年日, 有不同的花費嗜好:

1. 剛剛出嚟做事, 喜歡上買新衫(呢個嗜好到而家都無變過呀!hahaha)

2. 之後有一段時間又好鍾意買袋(比我發現在系年廿九去香港沙廠買袋系好平, 30蚊都有交易呀..hahaha)

3.有一段長時間又好鍾意買書(有好多到而家都未睇! 我會繼續努力清左啲書架! )

4. 有一段時間又好鍾意買CD

5. 又有一段時間好鍾意買護膚品(比人說兩說就買左一大堆野...啲人仲成日恐嚇我話我啲毛孔好大, 個幾廿歲既sales仲同我講: 你唔無介意, 睇你個樣同我差唔多, 但你啲皮膚咁差.., 我真系好想講句: 師奶, 我好介意, 你啲皮膚好好咩, 睇你同周啟邦夫人應該系同年齡呀!)

5. 舊年有啲好平既珠二成, 每次見到都會買一兩件

我有時都諗自已會唔會有購物病態, 買開停唔到手, 每個月都有一啲無謂既花費. 每季要清理一些舊衫, 我都覺得自己第時唔知會唔會好折墮, 不過一件衫要著到爛唔咪咁容易, 可能真系好似摩西年代的以色列人系曠野40年, 衫沒有穿, 鞋又沒有破, 咁點暢旺經濟呢...

繼中國系奧運有零的突破, 我都有零的突破, 剛過去既9月份, 我第一次無咩花費, 只系睇左一次醫生, 同朋友食左一次飯, 其餘的用錢都系返工搭車, 午飯, 無買任何無謂野(最緊要系公司附近呢排都無開倉..一班瘋狂既同事未出手呀!) 我覺得好有成功感呀!

可能因為要儲錢讀書, 都唔敢亂咁用錢, 原來能夠唔買野都可以好有滿足感!